🔥🔞"في أحضان عزرائيل"🔞🔥(الجزء الرابع)

الحلقة 760

ﻃﺒﻴﺐ : ﻣﻴﺠﻴﺶ ﻫﻜﺎ ... ﻫﻲ ﻻﺯﻡ ﺗﺮﺗﺎﺡ ... ﺗﻮ ﺍﻧﺎ ﻧﻘﻠﻜﻢ ﺍﻣﺘﻰ ﺗﺪﺧﻠﻮ ﻋﻨﺪﻫﺎ
ﻏﺰﺭﺗﻬﺎ ﻻﺩﻡ ... ﺣﺴﻴﺖ ﺑﻴﻬﺎ ﻣﻘﻠﻘﺔ ﻣﻨﻮ ... ﻣﺤﺒﻴﺘﺶ ﻧﺘﻌﺒﻬﺎ ﺍﻛﺜﺮ ... ﺧﺮﺟﻨﺎ ﺍﻟﻜﻞ ﻣﻊ ﺑﻌﺾ ... ﻏﺰﺭﺕ ﻟﺰﻳﺎﺩ ﻧﺤﻜﻲ
ﺍﻧﺎ : ﺯﻳﺎﺩ ﻧﺠﻢ ﻧﺎﺧﻮ ﻛﺮﻫﺒﺘﻚ
ﺯﻳﺎﺩ : ﻭﻳﻦ ﻣﺎﺷﻴﺔ
ﺍﻧﺎ : ﻧﺤﺐ ﻧﺠﻴﺒﻠﻬﺎ ﺩﺑﺸﻬﺎ ﻭ ﺍﻟﺤﺎﺟﺎﺕ ﺍﻟﻠﻲ ﺗﺤﺐ ﻋﻠﻴﻬﻢ ... ﻧﺤﺐ ﺗﻠﻘﻰ ﻛﻠﺸﻲ
ﻫﺰﻟﻲ ﺑﺮﺍﺳﻮ ﺍﻳﻪ ... ﻭ ﺣﻂ ﺍﻟﻤﻔﺎﺗﺢ ﻓﻲ ﻳﺪﻱ ... ﻳﺤﻜﻲ
ﺯﻳﺎﺩ : ﺭﺩ ﺑﺎﻟﻚ ﻋﻠﻰ ﺭﻭﺣﻚ ... ﺍﻧﺎ ﺑﺎﺵ ﻧﺴﺘﻨﺎﻙ ﻫﻮﻧﻲ
ﻫﺰﻳﺘﻠﻮ ﺑﺮﺍﺳﻲ ﺍﻳﻪ ... ﻫﺰﻳﺖ ﻣﻼﻙ ﻓﻲ ﻳﺪﻱ ... ﻭ ﺧﺮﺟﺖ ... ﻧﻌﺮﻑ ﻟﻴﺤﺐ ﻳﺒﻘﻰ ﻣﻊ ﺍﺩﻡ ﻭ ﻳﺤﻜﻲ ﻣﻌﺎﻩ ... ﻣﻨﻌﺮﻓﺶ ﻛﻴﻒ ﻭﺻﻠﺖ ﻟﺪﺍﺭ ... ﻓﺮﺣﺔ ﻣﺨﻠﻄﺔ ﺑﺨﻮﻑ ... ﺍﻭﻝ ﻣﺎ ﺩﺧﻠﺖ ... ﻃﻤﻨﺖ ﺧﺎﻟﺘﻲ ﺭﺍﺿﻴﺔ ... ﻃﻠﻌﺖ ﻣﻼﻙ ... ﺑﺪﻟﺘﻠﻬﺎ ﺩﺑﺸﻬﺎ ... ﻭ ﻟﻤﻴﺘﻠﻬﺎ ﺷﻌﺮﻫﺎ ... ﻭ ﺩﺧﻠﺖ ﻟﺒﻴﺖ ﺯﻳﻨﺐ ... ﻫﺰﻳﺖ ﺩﺑﺸﻬﺎ ﻟﻲ ﺗﺤﺘﺎﺟﻮ ... ﻭ ﺭﺟﻌﺖ ﻟﺒﻴﺘﻲ ... ﺑﺎﺵ ﻧﺎﺧﻮ ﺩﺑﺶ ﻣﻦ ﻋﻨﺪﻱ ﺯﺍﺩﺓ ... ﺣﻠﻴﺖ ﺍﻟﻘﺠﺮ ﻣﺘﺎﻉ ﺍﻟﻜﻮﺍﻓﻮﺯ ... ﺑﺎﺵ ﻧﻬﺰ ﺍﻟﻤﺸﻄﺔ ... ﺟﺎﺕ ﻋﻴﻨﻲ ... ﻋﻠﻰ ﺷﺮﻛﺔ ﻓﻮﻕ ﺍﻟﻤﺬﻛﺮﺓ ﻣﺘﺎﻋﻲ ... ﻫﺰﻳﺘﻬﺎ ﻓﻲ ﻳﺪﻱ ... ﻋﺪﻳﺖ ﺻﻮﺍﺑﻌﻲ ﻋﺎﻟﺨﺮﻭﻑ ﻟﻲ ﻋﻠﻴﻬﺎ ... ﻭ ﻻﻭﻝ ﻣﺮﺓ ﻣﻦ ﺳﻨﻴﻦ ... ﺭﺟﻌﺖ ﻧﻌﺎﻓﺮ ﻓﻴﻬﺎ ﺑﺎﺵ ﻧﺤﻠﻬﺎ ... ﻃﺎﺣﺖ ﻣﻦ ﻳﺪﻱ ... ﻗﻌﺪﺕ ﻋﺎﻟﻜﺮﺳﻲ ﻭ ﻫﺰﻳﺘﻬﺎ ﻓﻲ ﻳﺪﻱ ... ﺑﺎﻗﻲ ﻧﻌﺎﻓﺮ ﻓﻴﻬﺎ ... ﻟﻴﻦ ﺣﻠﻴﺘﻬﺎ ... ﻧﺜﺒﺖ ﻓﻲ ﺻﻮﺭﺓ ﻟﻲ ﺗﻌﺪﺍ ﻋﻠﻴﻬﺎ ﺳﻨﻴﻦ ... ﻗﻠﺒﻲ ﺩﻕ ﺑﺎﻟﻮﻗﺖ ... ﺗﻔﻜﻴﺮﻱ ﻣﺸﻰ ﻟﺒﻌﻴﺪ ﺗﺬﻛﺮﺕ ﺍﻡ ﺯﻳﺎﺩ ... ﻫﻲ ﻧﻔﺴﻬﺎ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﺑﻘﻴﺖ ﻣﺪﺓ ﻭ ﺍﻧﺎ ﻧﺜﺒﺖ ﻓﻴﻬﺎ ... ﻣﺘﺄﻛﺪﺓ ﻟﻬﻲ ... ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﻓﻤﻲ ... ﻡ ﻣﻌﻨﺎﻫﺎ ﺍﻟﺸﺮﻛﺔ ﻣﺘﺎﻉ ﺯﻳﺎﺩ ... ﻣﻌﻨﺎﻫﺎ ﻩ ﻫﻮ ﻧﻔﺴﻮ ... ﻣﺶ ﻣﺼﺪﻗﺔ ﻟﻘﺎﻋﺪﺓ ﻧﺮﺍ ﻓﻴﻪ ... ﻻ ﻣﺴﺘﺤﻴﻞ ... ﻣﺴﺘﺤﻴﻞ ﻳﻜﻮﻥ ﻫﻮ ... ﺩﻣﻮﻋﻲ ﻧﺰﻟﻮ ﺑﺎﻟﻮﻗﺖ ... ﻛﺒﺴﺖ ﻋﻠﻴﻬﺎ ﻓﻲ ﻳﺪﻱ ... ﺍﻻﺣﺪﺍﺙ ﺍﻟﻜﻞ ﺗﻌﺪﺍﺕ ﻓﻲ ﻣﺨﻲ ... ﺍﻟﻌﺮﻛﺎﺕ ﺍﻟﻠﻲ ﻛﺎﻥ ﻳﻌﻤﻠﻬﻢ ﻋﻠﻰ ﺧﺎﻃﺮﻱ ... ﻛﻞ ﻣﺮﺓ ﻧﺘﻠﻘﻰ ﺑﻴﻪ ﻧﻮﺣﻞ ﻓﻲ ﻣﺸﻜﻠﺔ ... ﻭ ﻳﻜﻮﻥ ﻫﻮ ﻣﻨﻘﺬﻱ ... ﻭ ﺑﻌﺪ ﺍﺧﺮ ﻋﺮﻛﺔ ... ﺿﻴﻊ ﺍﻟﺸﺮﻛﺔ ﻣﺘﺎﻋﻮ ... ﻣﺶ ﻣﺼﺪﻗﺔ ﻟﻲ ﻗﺎﻋﺪﺓ ﻧﺮﺍ ﻓﻴﻪ ... ﺍﻟﺸﺨﺺ ﺍﻟﻠﻲ ﺣﺒﻴﺖ ﻧﺘﻠﻘﺎﻩ ﻣﺮﺓ ﺍﺧﺮﻯ ﻃﻠﻊ ﻧﻔﺴﻮ ﺣﺒﻴﺒﻲ ﺯﻳﺎﺩ ... ﻋﻼﻩ ﻣﺤﺴﻴﺘﺶ ﺑﻴﻪ ... ﻋﻼﻩ ﻣﻌﺮﻓﺘﻮﺵ ﻣﻦ ﺍﻭﻝ ﻣﺮﺓ ﺭﻳﺘﻮ ... ﻋﻼﻩ ﺑﻌﺪ ﺍﻟﻠﻲ ﻋﺸﺘﻮ ﻣﻌﺎﻩ ﺍﻟﻜﻞ ... ﻣﻌﺮﻓﺘﺶ ﻟﻬﻮ ﻧﻔﺴﻮ ﺑﻄﻠﻲ ... ﺷﺒﻴﻨﻲ ﻣﻌﺮﻓﺘﻮﺵ ... ﻧﻠﻮﻡ ﻓﻲ ﺭﻭﺣﻲ ... ﻭ ﻣﺶ ﻣﺼﺪﻗﺔ ﺍﻧﻮ ﻫﻮ ... ﻛﺎﻥ ﻣﺮﻳﺘﺶ ﺍﻣﻮ ﻓﻲ ﺻﻮﺭ ﻣﺴﺘﺤﻴﻞ ﻛﻨﺖ ﻧﻌﺮﻓﻮ ... ﻟﺰﻳﺖ ﺍﻟﺸﺮﻛﺔ ﻟﺼﺪﺭﻱ ... ﻧﻀﺤﻚ ﻭ ﻧﺒﻜﻲ ﻓﺮﺩ ﻭﻗﺖ ... ﻓﺮﺣﺖ ﻣﺶ ﻧﻮﺭﻣﺎﻝ ... ﻛﻞ ﻟﺤﻈﺔ ﻋﺸﺘﻬﺎ ﻣﻌﺎﻩ ﺗﻌﺪﺍﺕ ﻓﻲ ﻣﺨﻲ ... ﻗﺼﺖ ﻋﻠﻴﺎ ﻛﻴﻒ ﺩﺧﻠﺖ ﻣﻼﻙ ... ﺗﺴﺄﻝ ﻓﻴﺎ ﺑﻴﺪﻳﻬﺎ ﺷﻔﻤﺎ ... ﻗﺮﺑﺘﻬﺎ ﻟﻴﺎ ... ﺣﻀﻨﺘﻬﺖ ﺑﻴﺪﻳﺎ ﺯﻭﺯ ﻧﺤﻜﻲ
ﺍﻧﺎ : ﻃﻠﻊ ﻫﻮ ... ﻃﻠﻊ ﻧﻔﺴﻮ ﺣﺒﻴﺒﻲ ﺯﻳﺎﺩ ... ﻃﻠﻊ ﻫﻮ ﻳﺎ ﻣﻼﻙ
ﺟﺒﺪﺕ ﺭﻭﺣﻬﺎ ﻣﻨﻲ ... ﺑﺎﻗﻲ ﺗﺴﺄﻝ ﻓﻴﺎ ﺑﻴﺪﻳﻬﺎ ... ﺗﺒﺴﻤﺖ ﻧﺤﻜﻲ
ﺍﻧﺎ : ﻫﻮ ﻧﻔﺴﻮ ... ﻣﺎﻛﺶ ﺑﺎﺵ ﺗﻔﻬﻢ ... ﺣﺪ ﻣﺎ ﻫﻮ ﺑﺎﺵ ﻳﻔﻬﻢ ... ﻓﺮﺣﺎﻧﺔ ﻣﺶ ﻧﻮﺭﻣﺎﻝ ﻳﺎ ﻣﻼﻙ ﺑﺎﺵ ﻧﻄﻴﺮ ﻣﻦ ﺍﻟﻔﺮﺣﺔ ... ﺭﺍﻫﻮ ﺭﻭﺣﻲ ... ﻭ ﺍﻧﺎ ﺳﺒﺐ ﻓﻲ ﺍﻟﻀﺮﺑﺔ ﻟﻲ ﺗﺤﺖ ﻋﻴﻨﻮ ... ﺗﺮﺍﺹ ﻫﺬﻳﻜﺎ ﺍﻧﺎ ﺧﻠﻴﺘﻬﺎﻟﻮ ... ﻫﻮ ﻋﻤﻞ ﻋﺮﻛﺔ ﻋﻠﻰ ﺧﺎﻃﺮﻱ ... ﻧﺬﻛﺮ ﺳﺎﻋﺘﻬﺎ ﻛﻲ ﺗﻀﺮﺏ ﻋﻠﻰ ﺟﺎﻟﻲ
ﻧﺤﻜﻲ ﻭ ﻧﻀﺤﻚ ﻭ ﻧﺒﻜﻲ ﻓﺮﺩ ﻭﻗﺖ ... ﻛﺎﻧﻮ ﻣﻼﻙ ﻗﺎﻋﺪﺓ ﺗﻔﻬﻢ ﻓﻴﺎ ... ﻫﺰﺕ ﻳﺪﻳﻬﺎ ﺻﻐﺎﺭ ﻋﺪﺍﺗﻬﻢ ﻋﻠﻰ ﺧﺪﻭﺩﻱ ... ﻭ ﺗﻬﺰﻟﻲ ﺑﺮﺍﺳﻬﺎ ﻣﻌﻨﺎﻫﺎ ﻣﺘﺒﻜﻴﺶ ... ﻫﺰﻳﺘﻠﻪﺍ ﺑﺮﺍﺳﻲ ﺍﻳﻪ ... ﻛﺒﺴﺖ ﻋﺎﻟﺸﺮﻛﺔ ﻓﻲ ﻳﺪﻱ ﺑﺴﺘﻬﺎ ... ﻭﺭﺟﻌﺘﻬﺎ ﻟﻠﻘﺠﺮ ... ﺑﺎﺵ ﻳﺠﻲ ﻭﻗﺘﻬﺎ ... ﺑﺎﺵ ﻧﺨﻠﻴﻪ ﻳﻌﺮﻓﻨﻲ ... ﺍﻣﺎ ﻣﺶ ﺗﻮﺍ ... ﻣﺴﺤﺖ ﺩﻣﻮﻋﻲ ﺭﻳﻘﻠﺖ ﺷﻌﺮﻱ ... ﻭ ﻛﻤﻠﺖ ﻟﻤﻴﺖ ﺍﻟﺪﺑﺶ ... ﺳﻜﺮﺕ ﺍﻟﻔﺎﻟﻴﺰ ... ﻭ ﻫﺰﻳﺘﻬﺎ ﻓﻲ ﻳﺪﻱ ... ﻭ ﻣﻼﻙ ﻓﻲ ﻳﺪﻱ ﻻﺧﺮﻯ ... ﻧﺴﻮﻕ ﻭ ﺗﻔﻜﻴﺮﻱ ﻋﻨﺪﻭ ... ﺩﻣﻮﻋﻲ ﻣﺤﺒﻮﺵ ﻳﺤﺒﺴﻮ ... ﻋﻨﺪﻱ ﺑﺮﺷﺎ ﻣﺒﻜﻴﺘﺶ ﺧﺎﻃﺮﻧﻲ ﻓﺮﺣﺎﻧﺔ ... ﺍﻭﻝ ﻣﺎ ﺭﻛﻴﺖ ﺍﻟﻜﺮﻫﺒﺔ ... ﺳﺒﻘﺘﻦﻱ ﻣﻼﻙ ... ﺩﺧﻠﺖ ﺗﺠﺮﻱ ... ﺩﺧﻠﺖ ﻭﺭﺍﻫﺎ ... ﻟﻘﻴﺘﻮ ﻭﺣﺪﻭ ﻭﺍﻗﻒ ﺑﺤﺬﺍ ﺍﻟﺒﻼﺭ ... ﺩﻭﺏ ﺷﺎﻓﻨﻲ ﺗﻠﻔﺘﻠﻲ ... ﺳﺎﻋﺘﻬﺎ ﺭﻳﺖ ﺍﻟﻤﺎﺿﻲ ﻓﻲ ﻋﻴﻨﻴﻪ ... ﺭﻳﺘﻮ ﻭﻗﺖ ﺣﻤﺎﻧﻲ ﺍﻭﻝ ﻣﺮﺓ ... ﻧﺴﻴﺖ ﺍﻧﻮ ﻫﻮ ﺯﻳﺎﺩ ... ﻭ ﻳﻜﻔﻲ ﻟﻜﺎﻥ ﺟﺰﺀ ﻣﻦ ﺍﻟﻤﺎﺿﻲ ﻣﺘﺎﻋﻲ ... ﺩﻣﻮﻋﻲ ﻧﺰﻟﻮ ﺍﻛﺜﺮ .