الجزء الخامس والثلاثون....
ماما جابت صينيه الفطور والعصير قالت لينا افطرو وبعدين ابدأو وانا حمشي غرفتي انام
اسيل....الله يديك العافيه يا خالتو
ماما....الله يعافيكي حبيبتي الواحد يسمع كلمه حلوه منك مش زي ناس وعاينت لي
انا واسيل قعدنا نضحك
ماما طلعت ونحن رفعنا الاوراق وقعدنا جمب الصينيه وقعدنا ناكل ونتونس
قلت لي اسيل اها ناويه تعملي شنو
اسيل....فشنو
قلت ليها انتي عندك حدث في حياتك غير مجد؟؟
اسيل...😂😂ااااا والله ياخ ما عارفه مرات بقول ما ذنبو لكن برضو ياخ هو مسجل رقمها ليه
قلت ليها غايتو انتي متخلفه يا اسيل ما بسالك انا اقعدي سوي كده وهو المسكين شايف المر عشان يزبط امورو ويجي يتقدم ليك
اسيل.....واااييي ما تقولي كده هسا بحن عليهو يحليلو حبيبي والله وااي عايني اديني التلفون الجمبك
انا متتتتتتتتتت من الضحك قلت ليها اصبري نكمل الاكل ونخلص الباقي لينا من القرايه بعدين رسلي ليهو😂😂😂😂😂😂😂😂😂😂😂😂
اسيل..... صحي غسان والله كل يوم بسالني منك
قلت ليها معنفسو
اسيل....سجمي؟كيف يعني ؟
قلت ليها كده بس
اسيل....لا بالجد مالك؟
قلت ليها ماف شي والله بس من المره الفاتت لمن فتحت وما لقيت منو رساله
اسيل....غايتو انتي ارح قومي شيلي الاكل ده خلينا نبدا قرايه
قمت شلت الصينيه نزلتها المطبخ تحت وبدينا تاني نقرا وكده
...................................................................
#تركيا
في الايام الفاتت دي غسان وريناد بقو بتكلمو كتير يعني علي اساس هي هناك ما بتعرف زول وكده
غسان ومجد في الشركه وشغالين لانو تقريبا الشغل بدا خلاص
غسان تلفونو ضرب شاف الاسم لقاها ريناد رد
ريناد...غسان يا غسان
غسان...اهلين ريناد
ريناد....عندي خطه وقلت اوريك عندي كم صاحب هنا وقالو طالعين رأيك شنو تجي؟!
غسان....انا هسا فالشركه لكن
ريناد...ما هسا بعد ما تخلص وجيب معاك شريكك
غسان...خلاص لو طلعنا بدري بديك خبر
ريناد...اتفقنا يلا
مجد....غسان من متين انتو اتصاحبتو لمن مارقين
غسان....ياخ احرجها يعني بعدين لا اصحاب لا شي بس بتتكلم كتير هي البت طيبه
مجد...امم طيبه يارا عارفه؟؟
غسان...يارا انا اسبوع ما متكلم معاها عارف؟؟
مجد....لي يا زول
غسان....قافله تلفونها😌
مجد....والله انت يومك اسود لو عرفت ما حتخليك
غسان...اي انا مجهز نفسي يا زول
.................................................................
غيث اتصل لي اسيه قاليها الليله الخميس وكده ارح نطلع ناكل اسكريم ونجي
اسيه....وين ياخ وغسان ما فيش ما اظن
غيث....غسان انا بدق ليهو وبخليهو يدق ليك
اسيه....خلاص تمام
فعلا غيث اتصل علي غسان وكده وراهو وغسان دق لي اسيه قاليها امشي لكن ما تتاخرو وكده
لمن الساعه جات سته اسيه قامت لبست بنطلون وااسسع قماش لونو ازرق فيهو خطين بالابيض بالجمبات
وبلوزه بيضا نص كم مدخلاها فالبنطلون فاكه شعرها وعامله ميكب خفيف شديد وسبورت ابيض
غيث اتصل ليها قاليها اطلعي لي بره
شالت تلفونها وورت مرت عمها الاصلا غسان قاليها اسيه مارقه مع صحبتها وكده لانها معقده شويه المهم طلعت ليهو
سلم عليها وكالعاده قاليها لبسك ده انا لو ما خليتك تغيريهو اصبري
اسيه....ما بخصك اسكت
غيث....هسا ما بخصني بعدين حيبقا بخصني
اسيه....لمن بعدين يجي الله كريم
غيث....ولسانك الطويل ده اصبري
وركبو العربيه واتحركو
غيث....بتعملي فشنو
اسيه...دايرا اتصور شغل لي النور حق العربيه الفوق ده
غيث...حاضر وشغلو ليها
اسيه الطريق كله بتتصور وغيث بعاين ليها بس
في النهايه اتصورو سوا ونزلو الحته كانت سمحه شدييييددد قعدو غيث طلب اتنين اسكريم وقعدو يتونسو وياكلو
..............................................................
غسان ومجد طلعو من الشركه الساعه تمنيه غسان قال لي مجد اها حتمشي معاي
مجد....اي بمشي بس نرجع نستحما وكده ونخلي عربيه في البيت نمشي بالعربات ورى بعد كده زي المتخلفين
غسان...😂😂😂😂😂طيب
كل واحد فيهم ركب عربيتو ومشو وصلو البيت استحمو ولبسو هدوم عاديه شديد
غسان كان لابس شورت جينز حق الاولاد ده لحدي الركبه لونو اسود وبلوزه نص كم بيضا وضيقه وجكت اسود وشراب ومعاهو كروكس هناك الناس بتلبس كده عادي وما بتتكلف في اللبس
مجد لبس ترينق اددس كامل وشال مفتاح عربيتو عشان حيمشو بيها
غسان....يا مجد عربيتي ما فيها بنزين كتير خليني اسوقها ونملاها من الطرمبه وبعدين نمشي
مجد...ما حنك ارح
ركبو عربيه غسان واتحركو
غسان ضرب لي ريناد عشان ترسل ليهو اللوكيشن
رسلتو ليهم واول شي غسان ملا بنزين بعدين مشو
....................
انا واسيل كنا خلاص خلصنا القرايه وانا مشيت جبت تلفوني والبور وقعدنا فالسرير كل وحده شالت تلفونها انا فتحت الشبكه الرسايل دي تجي طايرا كده مبالغه😂😂😂😂😂😂😂شعور رهيب طبعا
المهم اسيل كانت جمبي فجاءه بقت بتقول وااي يا قلبي انت وايي
قلت ليها مالك
اسيل...يارا عان مجد رسل لي شنو قلبي اتقطع
قلت ليها غايتو دراما رخيصه الف اقري لي
اسيل....كاتب لي انه انتي عارفه انك نمبر ون في حياتي انا ما عندي ام او ابو عشان يكونو قبلك يعني انتي اغلى شي عندي لو سمحتي حاولي اتفهميني وخلي ثقتك فيني اكبر من كده بحبك
قلت ليها اححححااااا والله يا اسيل انتي وقحه
اسيل....هس هس حضرب ليهو
قلت ليها ابو السريع زاتو
......................
مجد وغسان وصلو المطعم لكن وهم داخلين مجد جاتو مكالمه من منوو تتوقعو من الاء لالا بهظر من اسيل😂😂😂😂😂
المهم رد عليها
اسيل....قلبي
مجد....الحمدلله الذي بنعمته تتم الصالحات
اسيل...اسكت يا كلب
مجد.....عفكرا اول مره اشوف بت بتقول لي حبيبها كلب لكن برضو مقبوله
اسيل.... وين انت بره البيت
مجد...اي ياخ عاملين قعده ضاربه كده دقيقه يا اسيل
واتلفت علي غسان قاليهو ادخل انت انا حخلص المكالمه والحقك
اسيل...لالا خلاص بتصل ليك لمن ترجع البيت امشي
مجد....لالا ياخ عليك الله اها يا قلبي مشتاق ليك والله
اسيل....كتير والله
مجد...كتير في عينك اسمها انا برضو مشتاقه ليك
اسيل...طيب انا برضو مشتاقه ليك
انا لمن سمعتها قالت كده اتلفت قلت ليها حييييي انا من الشوق😂😂😂😂😂😂
مجد....دي منو😂😂😂😂
اسيل.... الللللليييييللللهههه انا ما حكيت ليك الصباح حبوبتي اتوفت وناس البيت سافرو شندي وانا هسا مع يارا لحدي ما يجو
مجد.....يا الله ياخ انا لله وانا اليه راجعون عظم الله اجركم ليه ما حكيتي لي من الصباح
اسيل....وشكر سعيكم....بس كنت زعلانه منك الزعله هسا فكت
انا كوركت بقيت بقول يا مجد يا مجد
اسيل....هاك هاك ما تنبحي
شلت التلفون قلت ليهو انا الخليت الزعله تفك
مجد....انا في الدنيا د عندي كم يارا
قلت ليها وحده حرم
مجد...انتي تعالي هنا مالك مع الولد ده
قلت ليهو الو الو ما سامعه الشبكه اسيل هاك التلفون واطلعي بره او امشي السطوح عشان ازعجتيني
مجد....حيوانه البت دي😂😂😂😂
اسيل....اي والله وشالت تلفونها ومرقت(اي اي عادي نحن متعودين علي بعض)
..................................
غسان دخل المطعم طوالي جاتو ريناد سلمت عليهو وخشت وقعدو جمب بعض واتعرف علي الناس وكده
بعد شويه ريناد قالت ليهو تعال نتصور سيلفي
غسان...صوري بتلفوني كمرتو احسن
شالت التلفون منو وفتحتو لقت مختوت صوره بت ومكتوب *My Queen* (اميرتي)
طبعا هي اتصدمت لمن شافت الصوره لانه غسان ما حصل حكا ليها اي شي
قامت لفتت غسان قالت ليهو الباسويرد
شال التلفون فتحو واداهو ليها عشان تمسك السيلفي
لقت انه الخلفيه الجوه برضو صوره لي نفس البت
مزاجها اتعكر شديد بس فتحت الكاميرا واتصورت معاهو صورتين ورجعت التلفون
وهي بترجعو قالت ليهو البت الفي الخلفيه حلاتها
غسان...من زوقك بس
غسان شال التلفون وخت الصوره ستوري وكتب My New freind (صديقتي الجديده)
انا بي هناك كنت بشوف في الاستوريات اول شي طبعا قبل الرسايل
الصوره لمن نزلت لي وشفتها خلاص قفلت معاي سته صفرر وزهجتتت شدييييددد طوالي علقت ليهو حلاتكم حلوين شديد
وطلعت من الاستوريات لقيت انه هو مرسل لي اظن ١٠٠ رساله لي قفلتي بدون ما توريني وانتي وانتي الخ...
طبعا هو اتخلع لمن شاف رساله مني طوالي فتحها وقراها وقام طلع بره
ريناد مسكتو قالت ليهو علي وين
غسان....اعمل مكالمه وارجع
ريناد....طيب
غسان طلع بره ودق لي
فصلت الخط طوالي كمان يخت صورو مع البنات ستوري وارد ليهو😏😏😏😏
قعد يتصل كتير لمن زهجت منو رديت
غسان...شايله الزفت في يدك وما بتردي صح
قلت ليها اتخيل ؟؟
غسان....اول شي قافله تلفونك اسبوع بدون ما انا اعرف تاني شي لمن قلت ليك امسحي صورتك من الاستوري كنتي اون لاين وطلعتي بدون ما تردي لي وبدون ما تزحيها بس بعدين خليك عارفه المفروض يزعل من التاني منو
قلت ليهو طيب
غسان...طيب شنو؟؟
قلت ليهو غسان ما تقفلها معاي ياخ عليك الله الزول براهو ما رايق جاي تقول لي عملتي وعملتي وانت البتعمل فيهو ده شنو
غسان....طيب يا يارا انا بزهجك وبقفلها معاك معليش يلا
قلت ليهو انا ما قصدي كده لكن انت ما بتشوف غير اغلاطي انا
غسان...تمام يلا باي
قلت ليهو اوكي باي
وقفلت الخط وبالجد من القهر والغيظ قعدت ابكي بدموعي لانو غسان طوالي معصب وبكورك ما بحاول يفهم اي شي وهسا اخر حاجه اتوصل ليها يخت صورتو مع البت دي يعني بالجد ما عارفه اتصرف معاهو انا
اسيل خلصت المكالمه جات داخله الغرفه لقتنا قاعده في نص السرير وببكي
اسيل....بسم الله في شنو مالك يا بت
قلت ليها ماف شي
جدعت تلفونها وجات جمبي قالت لي حركات العواره دي ما سمحه فيك مالك
قلت ليها اسيل انا غسان دا ما عارفه اتعامل معاهو كيف يعني بالجد انا اي شي بزعلو بقيت بتجنبو عشان ما يزعل انا طريقه لبسي بديت اصلحها حبه حبه يعني صوري ما بختها ستوري كتير لكن هو.ما براعي لي زعلي وبعمل اي شي في راسو
اسيل...انتو اتكلمتو يعني
شلت تلفوني وفتحت الاستوري حقو قلت ليها شوفي لقيتو خاتي دي ستوري
اسيل.....اججججيييي جاتنا منوين دي كمان واها قال شنو
قلت ليها اتصل كتير وانا رديت وقعد يزكرني بي غلطاتي الفاتو لكن هو نهائي ما شايف نفسو عمل شي وهسا عشان قلت ليها ما تقفلها معاي وتزهجني زعل
اسيل.....حمممموووتتتتت قلتي ليهو كده😂😂😂😂😂😂😂😂😂😂😂
قلت ليها يخ زحي مني انتي كريها دي
...............................................................
يوم الجمعه والسبت نحن بس بنقرا كنا خايفين شديد لانه معظم الدكاتره متوعدين لينا
يوم السبت بالليل بعد ما خلصنا خلاص القرايه شلت التلفون اطمنت علي سارا واسيه قالو خلصو اي
...........................
تاج....سارا مالك انتي؟
سارا....ماف شي يخ بس متوتره وقرفانه من البيت انا من الاسبوع الفات بقرا
تاج....معلش ده كلو عشان تجيبي نسبه كويسه
سارا...ان شاءالله ياخ المهم يلا حنوم بعد ده
تاج...بكره الامتحان بخلص كم
سارا...١٢ ليه؟
تاج...لا ولا شي يلا تصبحي علي خير
انا واسيل طبعا ما نمنا قعدنا راجعنا اي شي من الاول واتونسنا واتصورنا لمن الساعه جات سته قمنا عشان نلبس لانه الامتحان تمنيه
قمنا لبسنا وطبعا ايام الامتحانات خلقنا بتكون قاااسييهه
المهم قعدنا راجعنا لحد ما سارا تجينا (متفقين معاها فتره الامتحانات تجينا هي عشان الزمن
بعد مسافه سارا جاتنا طلعنا اسيل ركبت قدام وانا ورى
بعدين مشينا جبنا اسيه
طبعا شايله شيتات وتلفونها ومتشوشه شديد قعدت اضحك فيها ركبت معاي ورى
وقعدت تحكي لي عن الطلعه ديك وورتني الصور قلت ليها واي ماشاءالله سمحييينننن
سارا...اسيل تلفونك بتصل ياخ
اسيل...اخرسي ما انا عاملاهو سايلانت
وشالت التلفون لقتو مجد
اسيل....صباح الخير يا قلبي
مجد...حبيبي كيفك
اسيل...تمام والله مالك صاحي بدري
مجد...قايلاني عاطل يا بت؟
اسيل....ااا نسيت
مجد...البنات معاك؟؟
اسيل...اي كلنا عشان الليله سارا جات ساقتنا
مجد...ويت طيب افتح الكاميرا
فتح الكاميرا قعدنا نتعاور معاهو وكده
اسيه...اخوي وين؟
مجد...اصبري في الطابق التحت
نزل وورانا ليهو كان في المطبخ بعمل شاي اظن
طبعا انا طوالي زحيت من الكاميرا المهم سلم واتونس حبه وقفل
وصلنا الجامعه والجلسه بدت خشينا الامتحان الحمممممدددلله كان كويس يعني ماف شي صعب تقريبا
لكن كتير كتير شديد يعني انا لحد نهايه الزمن كنت بكتب المهم طلعنا وكنا فرحانين عشان جا ساهل وطلعنا طوالي بره
سارا في زول اتصل ليها لقتو تاج
سارا...يا هلا يا هلا
تاج....اها بشري كيف
سارا....تمام والله حلو شديد
تاج...الحمدلله ياخ يلا انا بره اطلعي لي
سارا...لي بره
تاج...اطلعي بس يلا
طلعنا فعلا لقيناهو واقف بره
طبعا تاج طويييلل اسمراني كتوفو عريضه كده وحواجبو غزيره وعندو غمازه حلو شديد وانيق وجنتل مان كده
قلت لي سارا د شنو
سارا....بري
تاج جا علينا سلم وكده ومشا هو وسارا بعيد
تاج....عشام قلتي امبارح زهجانه وقرفانه فأنا كبني ادم داير اصاحبك ما صح اخليك كده عشان كده جيتك عشان نمرق وممنوع الرفض
سارا....لكن ديل كلهم انا المرجعاهم
طبعا نحن متابعين معاهم طوالي انا قلت لالا بنمشي برانا امشي انتي
اسيه....هوي انتي امشي معاهو وجيبي المفتاح
اسيل....دايرا تسوي فينا حادث؟
اسيه طلعت رخصتها من الشنطه وقالت ليها السائقه اسيه عبد الرحمن
قلت ليها واي من متين
اسيه...زمن طلعها لي غسان
سارا...خلاص هاك وبكره تجي تسوقينا انتي
اسيه....تمام يلا
سارا مشت مع تاج واسيه مشت تجيب السيارا انا واسيل واقفين كده في الظلط وانا اظن وقفتي كانت غلط
بس فجاءه بي لمح البصر جات عربيه طايره وبالمرايه حقتها ضربتني ضربه اسيل دي لمن صرخت وانا حسيت يدي اتكسرت والله الضربه كانت قويه شديد
اسيل....مالك يا بتتتتتت يارا انتي كويسه
والناس اتلمو
قلت ليها اكيد حتكون يدي اتكسرت نادي اسيه سريع
اسيه جات وركبنا طوالي مشينا المستشفي طلع شق ما كسر
الدكتور....والله ضربه العربيه دي بتكسر اليد الحمدلله هو بس شق كبير نحن حنجبصها ليك لازم عشان الشق ما يبقا كسر
اسيه....طيب يا دكتور
انتي يا يارا بالك كان وين؟؟
اسيل....انتي ما شفتي العربيه ماشيه بي ياتو سرعه يا اسيه
اسيه....متخلفين الله يلعنهم سواقه ما بعرفو يسوقو
جبصوها لي وطلعنا اسيه وصلتنا البيت ومشت هي
وهي في الطريق دق ليها غسان....اها الامتحان كان كيف
اسيه....الحمدلله حلو شديد
غسان....تمام الحمدلله ياداب مرجعاكم سارا ولا شنو
اسيه....لالا سارا مشت مع تاج وانا مرجعاهم
غسان...اتاخرتو لي الساهه عندكم هسا خمسه وربع
اسيه....في عربيه ضربت يارا بي يدها والضربه قويه شديد مشينا المستشفي وجبصناها ليها وهسا رجعنا
غسان بي خلعه ضربتها كيف يعني وهي كويسه وانتي هسا جايه توريني
اسيه....هي واقفه غلط كانت وهو جا ماشي سريع لكن هي كويسه
غسان.....طيب اقفلي
اسيه قفلت ووصلت البيت ودخلت
...........
انا واسيل دخلنا ماما لمن شافت قعدت تصرخ وده شنو وحركات الامهات
اسيل حكت ليها القصه
ماما...الحيوان الله لا يوفقو وقعدت تسالني انا كويسه وكده بعد ما اقنعناها انه مافي شي طلعنا غرفتنا
غيرت هدومي وشغلت المكيف اسيل غيرت وجات قعدت جمبي نحن طبعا عشان مواصلين نعسانين شديد طوالي نمنا
#يتبع
ما تنسو التصويت
في امان الله
سؤال البارت؟؟
رأيكم شنو في موضوع غسان ويارا؟؟
