الجزء السادس والثلاثون......
انا واسيل صحينا زي تسعه كده تسعه مسا طبعا😂😂
قمنا جهزنا وضعنا للقرايه وطبعا مشغله ليك اسيل خدامه عشان يدي وهي يحليلها بتسمع كلامي لكن مرات بتحمر لي😘😘😂😂😂😂😂
المهم بدينا نقرا وطبعا نحن طريقه قرايتنا بتكون كيف؟؟
عندنا تسجيلات للمحاضرات على اللابتوب بنختو قدامنا وبنفتح المحاضره وبنكون شايلين الشيت في نفس الوقت اثناء ما نحن بنسمع اي شي مهم بنكتبو وكده يعني
خلصنا شيتين وهي الماده تلاته شيتات قلنا نخلي الاخير لي القاب الهو بكره
قفلنا الحاجات وماما جابت لينا الاكل وقعدت معانا حبه سالتنا عن امتحان الليله وكده وبعدين مرقت
اسيل....عارفه انه تلفوني فالشنطه ما طلعتو من لمن كنت في الجامعه ومجد حذرني ادق ليهو اول ما اطلع من الامتحان
قلت ليها سججججممييي جيبي تلفوني دايرا اشوف سارا حصل معاها شنو
اسيل....طيب ويت
طلعت التلفونات واصلا تلفوني مشحون من الصباح ما فتحتو ولا شي
فتحت النت وانتظرت الرسايل تنزل
لقيت ٤٧ مكالمه فائته من غسان لا اراديا ابتسمت
ولقيتو منو رسايل كتير شديييييييددد
واسيل زاتها لقتو مرسل ليها وينكم انتو الاتنين زول فيكم يطمني ما ممكن
اسيل....غسان فاير شديد شوفيهو مالو
قلت ليها اول شي اشوف سارا
اتصلت عليها ما ردت اتصلت تاني ما ردت قلت بتكون نايمه رسلت ليها اول ما تصحي دقي لي اسكايبي علي الايميل حتكلم معاك بالابتوب
فتحت مسجات غسان كتبت ليهو ما تشغل بالك انا كويسه الحمدلله
ولقيت ناس الدفعه كلهم مرسلين لي كيفك وحتى في دكاتره مرسلين لي
رديت عليهم كلهم
ولقيت غيث برضو مرسل لي اسيه قالت لي حصل ليك حادث سلامتك ما تشوفي شر
كتبت ليهو الله يسلمك اللهم امين
وعشان اختصر الموضوع ختيت فالستوري انا كويسه الحمدلله يا جماعه❤❤❤❤🙏
اسيل ابوها اتصل ليها وقعد يكورك فيها عشان من الصباح تلفونها ما شافتو واطمن عليها وقفل
اسيل....ابوي ده والله الحمدلله بس
قعدت اضحك
اسيل....يارا دايرا اتصور ارح
قلت ليها حتصور وانا كده يعني بي يدي القدرك دي
اسيل....😂😂😂😂😂بتصور برااايي خليني بس اسجل فويس لي مجودي
قلت ليها اححييي انا من مجودي
شالت تلفونها ومرقت ما بتسجلو جمبي الوسخه عشان عارفاني حعمل ليها شنو
غسان شاف الرساله وطوالي اتصل لي رديت عليهو
طبعا لي اسبوع صوتو ده ما سمعتو
قلت ليهو الو
غسان....الو يا قلبي(هسا بقيت قلبي مش)
قلت ليهو اي كيفك
غسان....انتي الكيف والله من الصباح ما قادر اقعد انا والبنات كلهم ما بردو
قلت ليهو غسان ماف شي بخوف الضربه في يدي هي واسيل كانت نايمه وسارا اكيد راميه تلفونها انا بخير لكن مالك انت
غسان.....كيف مالي يعني فجاءه اسيه تقول لي يارا عربيه ضربتها في يدها ووديناها المستشفي
قلت ليهو هي زاتها اسيه بتهور المواضيع شديد الضربه بالمرايه كانت لكن عشان الراجل سايق سريع كانت قويه
غسان.....هسا المهم انك بخير الحمدلله
قلت ليهو اي الحمدلله
غسان....اها
قلت ليهو اها شنو
اسبوع كامل ما اتكلمنا عادي كده لا اشتقتي لي لا سالتي مني؟
قلت ليهو ما عارفه
غسان....يارا انا حاليا بتناقش معاك بي كل هدوء صح اتكلمي معاي بي طريقه كويسه
قلت ليهو غسان دايرني اتكلم اقول شنو لي زول انا افتح الواتس حقي ما القا منو رساله ولمن اسالو فشنو يقول لي مافي شي قلت طيب ما مشكله يمكن مشغول يمكن ما فاضي
المره التانيه في نفس اليوم بالليل كنت اونلاين وما رسلت لي صاح دايرني اعمل شنو اجي احنسك انه تتكلم معاي
تالت مره يا غسان افتح الواتس القاك منزل صوره ليك مع بت انا ما بعرف عنها شي
غسان انا لمن اتكلمت مع اول الدفعه عشان سؤال جيت وريتك ما عشان بخاف منك لا والله ابدا لكن عشان بخاف علي زعلك انا قبل ما اتصرف اي تصرف اول زول بفكر فيهو انت
انا الاسبوع ده كلو عامله فيها كويسه وما بشكي لي وحده من صحباتي اسيل كفايه هموها وشايله فقلبي وساكته واقول يلا غسان واكيد حيرجع ويراضيني
لكن انا طلعت بهون عليك
طبعا انا ما عارفه الكلام ده كلو جبتو من وين والغريبه هو كان ساكتتت
بعد ما خلصت قالي يارا
قلت ليهو اها
غسان.....انا اسف
قلت ليهو غسان انا ما قلت كده عشان انت تعتذر انا بس بحاول اوريك اني بكون زي الميته لمن اتشاكل معاك يعني انا بالليل ما بنوم من التفكير فيك يمكن لاني ما حبيت زول غيرك قبل كده وخلاص العبره خنقتني شديد حسيت نفسي دايرا ابكي لاني انا لمن اتشاكل مع غسان بكون كابته اي شي جواي سكتتت مسافه بعدين قلت ليه
وبس دايرا منك انت تخاف علي زعلي زي ما انا بخاف من زعلك ومن كواريكك وعصبيتك
غسان....حاضر وانا اسف واقسم بالله انتي اغلا شي فحياتي وانا ما حبرر ليك تصرفاتي عشان ما تقولي سخيفه وما مقنعه
قلت ليهو لا وريني
غسان....لمن ما رسلت ليك ولا رساله من الصباح انا والله يا يارا ما شلت تلفوني نهائي كنت شغال ورجعت نمت وصحيت لمن شلت التلفون عشان ارسل ليك انتي رسلتي لي
تاني شي لمن انا كنت اولاين ما حكذب عليك كنت بتكلم مع ريناد وقلت اخارجها سريع واجي ادق ليك لقيتك فجاءه خاته صورتك وبعدين طلعتي من الواتس حتى رسالتي ما فتحتيها
قلت ليهو طيب وريناد دي وضعها شنو؟
ما عندها اي وضع والله وحكا لي القصه كلها من لمن شافها في مكتب استلام العربيان وكده وطلبت رقمو
قلت ليهو اها
غسان....وبقت ترسل لي كتير وتتونس وامبارح طلبت مني نطلع ومجد معانا وهي جايبه شلتها وفجاءه طلبت مني نتصور
قلت ليهو وانت اتصورت معاها ليه؟
غسان....😂😂😂😂😂😂يارا كيف يعني لي؟
احرجها اقول ليها لا
وبالمناسبه قالت عنك عسوله وحلاتك
قلت ليهو اول شي ما طلبت رأيها تاني شي شافتني وين
غسان....😂😂😂😂لمن شالت تلفوني عشان نتصور شافت صورتك فالخلفيه حقت التلفون
قلت ليهو اهااااا طيب بس ما تقرب منها شديد وما تتونس معاك وريتك
غسان....اي حاضر المهم اشتقت ليك ياخ
قلت ليهو غساااننن😢😢😢😢انا زاتي
غسان...انتهي سريع من الجامعه عشان اجي اتفاهم مع يعقوب
قلت ليهو اسمو عمو يعقوب
غسان....عمو شنو قايلاني فالروضه وبعدين اسيل وينها
قلت ليها بري قالت مارقه تسجل ريكورد لي مجد لكن شكلو الموضوع جرا
قلت ليها خلاص اقطع وشك سارا داقه لي فيديو كول
غسان....سارا د عندها اخوان؟
قلت ليهو غسااانننننن
غسان...معليش معليش خلاص اعمل شنو لكن بخاف عديل والله
قلت ليهو طيب يلا😢😂😂😂😂
غسان...بحبك يلا وخلي بالك من نفسك
قلت ليهو وانا كمان حاضر يلا
قفلت الخط ورديت لي سارا قلت ليها اها احكي لي من مرقتو لحدي ما رجعتي
سارا.....😂😂😂😂😂يا زوله مشينا قعدنا فالمطعم طلب لينا اكل وعصير وقعد يحكي لي عنو هو قاعد هنا براهو عشان الجامعه لكن دي اخر سنه خلاص
واهلو كلهم في الامارات
قلت ليها بقرا شنو هو
سارا....زي حبيبك
قلت ليها كلنا كده هدنسه😂😂😂
سارا....اي اي لاحظت
جات اسيل داخله وقعدت جمبي طبعا نحن خاتين اللابتوب فالتربيزه القدامنا ونحن فالسرير
اسيل....في شي فاتني
قلت ليها لا ياداب حتبدا تحكي
سارا....دقيقه اسيه خاشه في الكول قلت ليها اي دخليها
اسيه....هااااييي يا حلوات
قلت ليها دقيقه قبل ما تبدي غيث خريج شنو
اسيه....هندسه اتصالات ليه؟؟
انا وسارا قعدنا نضحك بي اعلا صوت
اسيل....فشنو يا متخلفات
اسيه...مالكم
قلت ليهم مجد وغسان وغيث وكمان تاج ونحن الاربعه بنقرا هندسه
اسيل....وااااييي حاجه سمحهههه
قلت ليها شديد
المهم سارا كملي
سارا....يا زوله قعدنا نتونس وماشاءالله وراني اهلو وبيتهم هناك ما قادره اوصف ليكم وانا حكيت ليهو عن حاتم يعني بالجد بالجد ارتحت ليهو شديد
قلت لي اسيه سامعه يا اسيه؟
اسيه...اي اي ما حخليها والله اصبري بس
سارا....ياخ الله يلعنكم ما ححكي اي شي😂😂😂😂😂😂😂😂😂😂😂
قلت ليها لا ياخ ما تزعلي ارح
سارا....المهم يا زوله بس يعني ده الحصل الولد يعني راقي واي شي لكن طبعا لسا ما اتعودت عليهو
قلت ليها بكره تتعودي
سارا....اسيل مجد ده ما طاير ياخ خلي التلفون
اسيل...لالا والله بس قالي بكره عندي ميتينق او اجتماع مهم ومحتار يلبس شنو قعد يخليني اختار ليهو بين لونين
انا فكيت الضحكه وقلت ليها قومي من جمبي يععععع وهمين بكرهكم
سارا....لالا اسيل ومجد بالجد مبالغه
اسيه...انا لو رديت بنبزها احسن اسكت
اسيل...خلاص ياخ اي الحركه وهميه لكن اعمل شنو معليش
اتونسنا معاهم وقفلنا
الامتحانات دي مرت كلهااااااا منها الصعب ومنها الساهل لمن مويه
في الفتره دي انا واسيل كنا بس مركزين علي قرايتنا شديد وبنتكلم مع مجد وغسان بالليل بس وهم كمان بشجعونا علي القرايه
اسيه برضو نفس الشي
سارا بدت تتعود علي تاج اكتر وكده
ريناد لسا بترسل لي غسان وانا متغاظه لكن هو سافها وكده
انا فكيت الجبص لكن كانو موصيني ما اشيل شي تقيل وبتاع😂😂😂💙💙💙💙
اسيل اخر كم يوم بدت تاني تشكي علي جنبتها وانا كنت خايفه عليها شديد شديييدد
اليله الخميس اخر يوم في الامتحانات صحينا بدري من الصباح جهزنا كنا متفقين نلبس بناطلين جينز ضيقههه وبلوفرات بيضه والشعر ضنب حصان كلنا لبسنا كده جات سارا ساقتنا ومشينا امتحنا خلاص كده خلصنا سنه تالته😢😢😢😢😢❤❤❤❤❤❤❤
كنا فرحانين شديد اول ما طلعنا انا طوالي دقيت لي غسان قلت ليهو غسان خللللصتتتت انا اتخيل
غسان....حبيبي انا الحمدلله ياخ
قلت ليهو ياريت لو كنت هنا اشتقت ليك
غسان....لالا ما دايرين زعل ان شاءالله بشوفك قريب جدااااا
قلت ليهو طيب ان شاءالله
مشيت للبنات اتصورنا واتعاورنا خليتهم يصورني فيديو وانا بنط وبرمي الشيتات ورسلتو لي غسان(اي برسلو ما عليكم) بعدين انا عاينت لي اسيل لقيتها تعبانه كده ما عارفه ليه طوالي قلت ليهم ارح يا بنات اسيل دي تعبانه
اسيل...والطلعه
قلت ليها اهم شي صحتك طلعت شنو
سارا وصلتنا ونزلنا انا وريت ماما عشان تجي تشوفها
ماما طوالي قالت لي اطلبي ترحال البت ما قادره تمشي
طلبت ترحال وماما اتصلت لي خالتو عبير ورتها خالتو عبير....نحن راجعين بكره خلاص لكن البت دي بتكون الزايده تاني
فعلا الدكتور قال الزايده ودايرا عمليه طوالي
انا طوالي مشيت ضربت لي مجد وريتيو
مجد....العمليه متين حتكون طيب
قلت ليهو غالبا الاحد
مجد....انا لازم اجي احضرها لازم
قلت ليهو والشغل لالا ياخ
مجد...انتي هبله دي اسيل بعدين الشغل هنا في غسان وحسن(صاحبهم بثقو فيهو شدييييد ده نفسو الغسان رسل ليهو قروش واشترا ليهو بيت)
قلت ليهو طيب وانا بعدين بخليها تتكلم معاك
شلنا الفحوصات واي شي وادوها مسكن قوي ورجعنا البيت
ماما بس اليوم كلو شغاله معاها عصاير وزبادي
لمن وصلت البيت خليتها تتكلم مع مجد عشان ما يفضل مشغول بعد ما قفلت منو جيت قعدت جمبها وختيت مخده في رجليني ورقدتها بقيت بمسح ليها في شعرها لمن نامت كانت تعبانه شديد والله بعد ما نامت انا شلت التلفون وفتحت الواتس
لقيت غسان خاتي الفيد ستوري وكاتب number one in my life
(رقم واحد في حياتي)
قلت ليهو غسان بحبك انت عارف بس هسا خلينا من ده
انت ما بتقدر ترجع مع مجد؟
غسان....والله نحن في احتماليه ننزل بعد شهر عشان مجد ناوي علي شي لكن ما حوريك ليهو طبعا
قلت ليهو لا وريني وقعدت احنسو
غسان...الموضوع انه هسا مجد حينزل براهو ويحضر العمليه ويتعرف علي اهلها على اساس انه زميلها وكده
وبعدين يرجع تركيا لانه اسيل اقل شي لازمها تلاته اسابيع راحه
بعد كده قال احتمال ينزل يخطبها عشان اهلها حيكونو اخدو خلفيه عنو لكن اوعك توري اسيل عشان مجد ما متاكد لسا
قلت ليهو طبعا ما حوريها والله
غسان....انتي مش كنتي بتقولي لي قبل يوم في اكاونتات حقت هدوم وجزم ومكياج عجبتك وكده
قلت ليهو اها؟؟
غسان...سوي لي فيهم تاق
قلت ليهو لي؟؟هوي انا بوريك ساي ما دايرا شي
غسان...وانا حشتري ليك مثلا دايرا اشوف زوقك بس
قلت ليهو بخيييلل😂😂😂😂طيب بعمل ليك هسا
خشيت الانستا سويت ليهو منشن في الصفحات وقفلت الواتس وقعدت افكر في شي
بعدين شلت التلفون وفتحت مذكراتي وكتبت *عندما تتخذ من احدهم موطنا تأكد انك في يوم ستصبح لاجىء*
#يتبع
ما تنسو التصويت
في امان الله
سؤال البارت
هل مجد حينفذ كلامو ويطلبها بعد شهر ولا في شي حيحصل منتظره اجوبتكم فالتعليقات😘😘😘😘😘😘😘
