حرب المشاعر {من تأليفي Macilia Ch}

{1}

الحلقة 1:

💕#حرب_المشاعر💕
في الحُب: كل المقَاَيِيس فَاشِلَه .. فَلَيس العَين بالعيَن والسَّن بالسَّن .. و البَادي أَظَلَم ..! فِي الحُب: العَين بالقَلب ، والسِّن بالشَّوق ، والبَادي أجَمل♡ ~

كانت غير كيما وصلت من عند صحاباتها.....  حطت طونوبيلتها  قدام الباب و خرجت منها و هي تتمايل بغرور ....دخلت للفيلا ....بعدما فتحتلها الخدامة الباب ....سقساتها على يماها 
نور : ماما فشمبرتها !!؟
الخدامة : مدام صفاء راهي قاعدة  مع مسيو لؤي فلجنينة
نور : أه مليح يعني لؤي جا ... جيبيلي قهوتي ...
راحت لعندهم و  الضحكة على وجهها توحشت خوها عندها سمانة مشافتوش .....قبل متلحق لعندهم سمعت يماها تهدر ....ترسمت الصدمة على وجهها و بعدت خطوات للور ..
.....شدت فلحيط  ...حاطة يديها على فمها ...قعدت تسمع فيهم و عينيها معمرين دموع
لؤي : كيفاااااه...ناض من بلاصتو يحاول يستوعب هدرة يماه ...يد شاد  بيها شعرو بقوة و يد بين سنانو ...حاول يهدي روحو وهو يشوف فدموع يماه ...خذا نفس و قعد ..
صفاء كملت تحكي :كيما قتلك أنا مريضة بالسرطان و مانيش حابة نداوي مانيش حاملة نقعد بين الدواوي نتخنق.. ....
لؤي و عينيه شاعلة بالغش : راح تداوي بسيف مرانيش متحمل نخسر فرد آخر من عائلتي ...
....شهقت نور من الصدمة كانت راح تطلع لشمبرتها حتى نطقت الخدامة : مدام نور قهوتك. ...لؤي شاف فيماه و ناض  يدعي لربي تكون ما سمعتش ...نور حساسة ....بالسيف لا تجاوزت موت باباهم .... نور غمضت عينيها وهي تلعن فيها دارت ليها شافت فيها شوفة تخوف و نطقت حطيها و خرجي ...حطتها و خرجت تجري خافت على روحها أول مرة تشوفها بهاديك الحالة    ...لؤي : نور !!!
نور خذات نفس و حاولت تبان هادية ...دارت لعندو و هي تتبسم : حبيبي وقتاه جيت راحت عنقاتو و بعدت  بعد ما شافت يماها تخزرلهم  ..بعد لكلام لي سمعاتو مخها تخربط
صفاء :بنتي ...حطت يدها على خدها ...راكي مليحة وجهك صفر
نور : مليحة ...عيانة شوية هدا مكان راح نروح لشمبرتي نريح نشوفكم على العشا شافت فيهم نظرة أخيرة و راحت
بعدما غلقت الباب تاع شمبرتها ..راحت قعدت ففراشها ..ماعرفتش  إذا تبكي على مرض يماها و لا تبكي على روحها  .. الدموع تحجرو فعينيها ...حطت راسها على المخدة و غمضت عينيها  تخمم لبعيد ... عندها إحساس بلي حياتها راح تتبدل بعد هاذ اليوم ...
************
في جهة أخرى .......
حيااااااة نوضييي نوضيييي راااااح الحاااااال نوضيييي شكارة رقاااااد
حياة: اووووف أمل  خليني راقدة ... أمل بنفاذ صبر ....نحاتلها الغطا بسيف هي تجبد و حياة تجبد ....حتى إستسلمت و خلاتها ....قبل ما تخرج من الشومبرا نطقت أمل : كيما تحبي مرحش نديرونجيك ...تبسمت بخبث .....شافت للكاس لي معمر بالماء ....رفداتو بخطوات ثقيلة ....وصلت لعند راس حياة و رماتو عليها ..
شهقت حياة بقوة ...وبعدت لغطا عليها بالزربة ....أملللللل!!!!!
أمل: ههههه شوفي وجهك كيفاه ولا ههههه .....هيا نوضي ...ماشي ليوم عنديك خدمة ههه ..غمزتها ولا عقلك فبلاصة وحدوخرا ...قبل ما تكمل هدرتها خبطتها بالمخدة للوجه ..
ناضت تجري من الفراش ...شدتها من ذراعها و خرجتها بالزور
أمل : آه يا @@@ واش فيهم يديك ....بلعقل إيييي
حياة خرجتها برى الشومبرا ...
روحي يا الكلبة المجرابة ...غلقت عليها الباب ...نسفت أوووف
...ضحكت بتسوميم ههه مهبولة ...سقمت شعرها لي خربتهولها حياة بالمخدة... رايحة للكوزينة ...كاش ما تاكل ميتة بالجوع هيا... 😏😏...