صدف لا تنتهي

البارت 23

رجعنا لضار كل طلع لبيتو ينعس كان خاصني نفيق شوية بكري باش نخرج لفلوس من لبانكة او نوصلهوم لوليدة , دكشي لي درت نيت خرجت شي فلوس او مشيت لضار تاع لوليدة دقيت او خرجاتلي ماما
انا : لوليدة اتخليني فلباب
ماما : جبتي لفلوس
مديتهوم ليها
ماما : زديني راه ختك اتجي من لخاريج او خصني نشري ليها شي حوايج
انا : معنديش امتا اتجي
ماما : راهوم دبا اوسط كازة
انا : يعني نتسنا حتى نسلم عليها (هاد ختي انا كبر منها بعماين مكتحملنيش واخا انا لي خلصت عليها باش تمشي تكمل قرايتها فبرا ، دوزنا واحد شوي عاد جات هي وباها)
ماما كتعنق وتبوس : سعدي وفرحي بنتي ، اجي gلسي راه توحشتك
نرمين : حتى انا اماما ، اه ختي ميار صافا
عنقتها : صافا حمد الله كداير نتي مزيان
نرمين لعياقة دوالو : حمد الله
لموهيم تجمعنا فوق طبلة كانت لوليدة تحيد لماكلة من قدامي او تعطيها ليها ، انا كليت غاشوي اونضت نمشي تاحد متسوق ليا ولا قال اقولي حتى بسلامة ، كنت نسيت منسول لوليدة على طبيب حتى سمعتهوم كيهضرو عليا
ماما : يبنتي ديك لبنت كنلقا متبقاش تجي
براهيم : والله كمكان على فلوسها لعاود عتباتها عندي ، باركة عليا غا بنتي حبيبتي كولي راك مكليتي والو
نرمين : ههههههه كنت حاسة بديق فاش كانت مزيان ملي فهمات راسها وناصت
تميت راجعا بحالي ونا مخنوقة او مبغياش نبكي ، شديت طاكسي لفيلا كانو لو خرين ناعسين اما صقر فكان كيصوني عليا او مكنتش كنجاوبو ، طلعت عندو نيشان لبيتو لقيتو كيخدم فتيليفون او متكي علا لخشب دنمسية بضهو او لابس غا شورط قصير شوي سديت لباب او مشيت تلات معنقاه او خاشية راصي فسدرو
انا : بلا متسولني عفاك (كان صوتي مخنوق ، قبل منسمع صوتو بديت نبكي حط تليفون او حوطني بواحد ليد او لوخرة كان كيلعب بيها فشعري ، هضر بصوت خافت حدا ودني)
صقر : صافي بلا بكا واش ضراك شي حلاجة (درتلو لا) دارليك شي حد شي حاجة
انا : هئ هئ هئ صقر واش انا ممزيناش تال هاد درجة
صقر : متقوليش هكدا
انا : وعلاش تاوحد مبغاني نكون حداه
صقر : انا بغيك تكوني حدايا غا سكتي براكة من لبكا ونتي خصك غا ضماري
انا : ههههه الله امسخك بكترت مصنعتي طنبلات تأتر حتى تعناب ديالك تزيد شوي تقولي خصك لمزوط
صقر (جبد وجها من عنقو او باسها من لفم) : كجاتك هاد لماركة دلمازوط تبغي تجربي مركة خرى (بدا كيقرب باش اعاود ابوسها ، سدات ليه لفم بيديها)
انا : بارك راه درت لبلان ، اجي اش كنتي كتشوف فتيليفون حتى كضحك
صقر : باغيا تعرفي ، انا نوريك (كان داك لفيديو ديالها فاش تجرحات فكتفها او دارت فيها سخانة مبغات حتى ولات كطلب توام)
نقزات عالى تلفون بغات تحيدو ليه : علاش ممسحتيهش
صقر : علاش نمسحو (زلقات ليها رجليها حتى صدقات مطيحاه فوق نموسية او هيا فوقو جا فمها على فمو بقاو كيتشاوفو حتى ، لقات راصها تحتو او هوا كيبوس فيها كانت يدو شادة يديها بجوج او حكماهم باش ميتحركوش ، كان كيبوس فيها او يعاود ، بدات كتحس ميار بشي حاجة كدوز تحت حويجها كانت يد صقر لي تخشات تحت تيشورت ديالها او كتلعب فكرشها او ضهرها بدا كيحس بصهدة كطلع معاه ناض من فوقها او هوا كينهج اما لوخرا فلحشما دارت فيها مبغات ، ناضت بزربا كتقاد فحويجها او خرجات من بيتو اما هوا فدخل لحمام ابردو راسو حيت شعل فيعلن)
#هي#
دخلت سديت عليا فبيتي حليت شراجم يكما نبرد شوي مكنقدرش نمنعو من اقيسنا قلبي كزدح ، ناري كفاش بغيت نشوفو فاش نهبطو تفو ، ولكن فمو واع احن احن تقي لاه ونتي زملتي ، بدلت او هبط لتحت نتسناهوم باش نخرجو نتغداو برا ، بان ليا هوا ودراري اما لبنات فباقي منزلو
منير : زين يلاه فقتي
انا : لا فقت بكري مشيت شفت نرمين
معاذ : علاه جات
انا : واه لقيتها يلاه دخلات لدار
اسماء هابطة فدروج هي ولبنة : يختي واش باقة مشياكة بحال ديما
انا : عمزات فتعفار ديالها
لبنى :(خرجنا من ضار او مشينا علا رجلينا وحنا كنتجمعو) يختي معرفتش اش باقي مسبرك عليها تكليف تاع قرايتها كاملة نتي خلصتيها او باقة كتعفر عليك ديك لماركة كون كانت عندي كون قطعتها من لحالة لمدنية
صقر : علاش كتهضرو ، شكون هاد نرمين
منير : خت ميار صغيرة واحد لمسمومة هي وهناء من طريكة وحدة
ميار : جوج بلازمات هههههه
مشاو gلسو فواحد لمطعم جنب لبحر غا بغاو اطلبو مياكلو ميار سمعات شي حد كيعيط عليها ، بان ليها لبلان باش تخلي صقر يخسر رهان
دري : ميار
ناضت عندو تلاح عليها لاخر بتعنيقة او هي بادلاتو معرفاش انو داك تور غاكيسبر راصو عليهوم مبغاش يخسر كيبعد عنيه باش ميشفهومش ولكن كيسمع ضحكها ويعاود اشوف فيهوم
ميار : نوفل فين هاد لغبور
نوفل : نتي لي فين زيانيتي او قديتي لفورمة ضوري نشوف (ضارت) ههههه قرطاسة
ميار : ههههه اجي نعرفك عليهوم هادا منير او خطيبتو او هدا معاذ او خطيبتو اما هدا
نوفل : متقليش خطيبك
ميار : ههههه لا هدت ولد عم منير (صقر تصدم اما لخرين ماتو)
نوفل : هي باقالي فرصة ياك
ميار : علاه انا نلقا حسن منك ، قيدلي نمرتك