الجزء الثامن والثلاثون.......
مزن واسيه وسارا رجعو وجابو معاهم الاكل ومجد لسا جوه مع اسيل انا لمن شفت مزن خفت شددددييييددد
مزن...ارح ندخل ناكل معاها جوه
قلت ليها لالا خلينا نطلع ناكل بره
مزن....لالا نقعد معاها ياخ وخشت طوالي وطبعا انا بنبز في المتخلفات الماف وحده دقت لي ورتني انهم وصلو
دخلنا وراها
اسيل... مزن وين انتي ياخ تعالي سلمي د مجد الحكيت ليك عنو
طبعا انا واسيه وسارا كنا قاعدين علي اعصابنا لمن سمعنا كلام اسيل ارتحنا شديد😂😂😂😂😂
مجد....اهلينن اخت مرتي؟
مزن... اهلين راجل اختي
قعدنا نضحك 😂😂😂😂😂
دخلنا كلنا جوه وقعدنا ناكل ونتونس
طبعا مجد خاتي كرسي جمب سرير اسيل وقاعد جمبها القعده كلها هو ماسك ليها يدها وكل ما تتكلم بقعد يعاين ليها وانا واسيه بس نعاين لي بعض
يعني بالجد كنت فرحانه انه اسيل لقت الزول البحبها للدرجه دي
مجد عشان ما عندو زول حياتو غيرها خاتيها في عيونو
اسيل...مجد مفروض ترجع انت بعد كده ياخ من جيت من السفر ما رجعت
انا طوالي قلت للبنات قومو ارح نطلع بره حبه نتونس
اسيه...ارح اي
بعد ما مرقنا اسيل قالت يارا
فتحت الباب تاني قلت ليها ها
اسيل... لفيو
قلت ليها حيوانه😂😂😂😂😂
...................................................................
اسيل.....اها حترجع متين
مجد....بكره او بعدو كده
اسيل....لالا ارجع بكره طوالي انا الليله بالليل حيخرجوني
مجد... انا والله لو علي اقعد لحد ما تبقي كويسه لكن الشغل
اسيل....هو انت جيت من تركيا عشان تحضر عمليتي تاني تعمل شنو يعني؟
مجد....المهم انتي يا عمري
تلفون مجد اتصل طلعو من جيبو ورد
مجد...اي يا حسن
انا تمام الحمدلله
اي بجي بكره كده ان شاءالله
تمام يا زول برجع ليك بعدين كدي
اسيل..... يا خسيس غيرت تلفونك
مجد....😂😂😂😂😂اي عجبك؟
اسيل...وريني
مجد فتحو ليها واداها التلفون
اسيل...شايل ايفون X??
مجد....تصدقي وتأمني بالله؟
اسيل...اها
مجد...مشتري ليك ايفون ١١ وخاتيهو في الدولاب الهناك
اسيل....غطت وشها بي يدينها قالت ليهو واي خجلتت
مجد... الحركه ما جايه فيك بالمناسبه
اسيل....انا زاتي قلت كده والله
مجد...دقيقه يا اسيل اطلع اتاكد انتي حتطلعي متين وارجع ليك
اسيل...طيب
وبقت بتقلب في تلفونو طبعا هي واثقه فيهو الف في الميه لكن عندها فُضُول تشوف فشنو
خشت الواتس وكتبت فالستوري انا اسيل انتو منو؟
مشت ختت بصمتها فالتلفون
اول ما مجد دخل عملت فيها خاته التلفون
مجد...عملتي فيهو شنو
اسيل...انا ما شلتو اساسا
مجد...شال التلفون اول شي فتح الواتس لقا رسايل كتير مكتوب فيها انت اسيل كيف يعني
مشا شاف اللستوري بقا واقف وبعاين لي اسيل
مجد...عارفه لو ما كنتي عيانه كنت عملت فيك شنو؟؟
اسيل....اهااا😂😂😂😂😂😂😂😂
مجد..انا زاتي ما عارف لكن يا دكتوره اسيل ناس الشغل حيشوفوها
اسيل....عاديي وكدي قرب لي التلفون د اوريك شي
مجد..ابيت ماف
اسيل...بالجد والله سحر
مجد قرب ليها التلفون قامت قفلتو وفتحتو بي بصمتها وبقت تضححححكككك😂😂😂😂😂😂😂
مجد طوالي مسك ليها يدها وعرفتو حركه لويه الاصبع الحااارههه ديكك
سواها ليها😂😂😂😂😂😂
مجد....قدرك انا؟؟ بتهظري معاي لي
اسيل....مجد لا مجد انا عيانه لا يا حيوان
الباب اتفتح كانت ممرضه
قالت ليهم في شي حاصل خير
اسيل...لالا بس الشخص د بزعجني شويه
الممرضه...لو سمحت اتفضل بره
مجد....😂😂😂😂😂كويس يا اسيل
اسيل رقدت نامت
ونحن بره لحد بعد المغرب
بعدين خالتو عبير وعمو جو المستشفي عشان يعملو اجراءات الخروج
دخلو لقونا قاعدين سلمو علينا وعمو مشا يسوي الاجراءات ومجد طوالي مشا وراهو
خالتو عبير قعدت جمبي وقالت لي اسمعي يا بت
طبعا نهاااائي ما بتقول لي يارا
قلت ليها اي يا خالتو
خالتو عبير.... الولد دا جا متين تاني قولو ليهو امشي يا جماعه معقوله ماشي وجاي كده
قلت ليها جانا قبيل عادي يا خالتو هو براهو بجي
عمو ايهاب.....يا عبير ارح بعد كده وانتو يا بناتي الله يديكم العافيه ارجعو بعد كده
سارا واسيه... الله يعافيك يا عمو ده واجبنا
خالتو عبير.....خلاص يا ولدي ارجع ارتاح انت زاتك يلا
انا واسيل مشينا جهزنا اسيل وطلعناها بتمشي لكن بتتكل فينا
مجد وهو بعاين ليها كان بقول في نفسو يا قلبي انتي نفسي انا الاتكلك واعمل ليك اي شي
اسيل....يارا حترجعي معاي؟؟
قلت ليها لالا انا بجي بكره انا وماما وبعدين ببيت معاك
عمو ايهاب.... يلا يا جماعه عشان الوقفه ما كويسه ليها وبكره ما اوصيكم كلكم في الكرامه اشوفكم انت زاتك يا ولدي منتظرك
مجد...خير ان شاءالله
مرقنا كلنا
عمو ايهاب وخالتو عبير واسيل ومزن اتحركو مشو
انا وسارا واسيه وقفنا مسافه مع مجد وبعدين اتحركنا
سارا وصلتني طبعا انا لي كم يوم ما نايمه كويس كنت فتراااااانننهههه شددددديييييييد
طوالي دخلت استحميت وشلت تلفوني مع اني نعسانه لكن انا غسان ده مقصره معاهو شديييييدددد
اتصلت ليهو اول مره ما رد
تاني اتصلت رد لي
غسان....اي حبي
قلت ليهو نايم انت ولا شنو صوتك كده
غسان.... اي صحيت علي صوت التلفون
قلت ليهو طيب كمل نومك بتكلم معاك بالليل
غسان....في شي
قلت ليهو لا كمل نومتك يلا ما تصحا
غسان...حاضر
قفلت منو وانا زاتي رقدت نمتتتتتتتتتتتتت
ما صحيت الا ١٢ صباحا لانه انا لي كم ما نايمه كويس
قمت غسلت وشي ونزلت تحت اكلت ووريت ماما انه بكره حنمشي من الصباح وانا حبيت مع اسيل وكده وطلعت فوق غرفتي
خشيت الواتس لقيت سارا مرسله لي
يارا دايراك في موضوع ضروري
قلت ليها اها
اتصلت لي
سارا.....يارا عايني
قلت ليها اي احكي
سارا....تاج ده حاساهو بدا ياخد راحتو شديد في الونسه
قلت ليها كيف الكلام ده😂😂😂😂😂
سارا....ياخ يعني محسسني اننا مرتبطين ولا شنو وبديني اوامر ما تختي الصورة دي ومدري شنو
قلت ليها تستاهلي يا سارا براك اديتيهو فرصه وانتي الشي د مزعلك ولا شنو
سارا.....بري ما مزعلني بالعكس لكن يا يارا انا خايفه ياخ
قلت ليها سارا عايني انتي اول تجربه ليك كانت تجربه غلط مع الزول الغلط فأنتي ما تقفلي علي نفسك بي سببها
سارا....اي لكن دايما بفكر انو لو حصل لي نفس الشي انا اعمل شنو
قلت ليها تاج زي حاتم شبهو اسلوبو ؟؟
سارا.... طبعا لا ولا في مقارنه
قلت ليها سارا ما تنرفزيني خلاص معناها انتي اي ما تتسرعي لحد ما تتاكدي الف في الميه لكن ما تظلميهو برضو
سارا....طيب طيب
قلت ليها يلا عشان لي زمن ما اتكلمت مع غسان
سارا...غسغس ياا سلمي عليهو بالله
قلت لبها ارسل ليك رقمو تسلمي براك
سارا....بري كريهههه الولد ده
قلت ليها كيييفف؟😂😂😂😂😂😂
سارا....لمن سافر تركيا قلت ليهو حمدلله علي السلامه ليهو هو ومجد هو لحد الان ما رد لي
طبعا انا مت من الضحك وفرحححتتتتت شديد بيني وبينكم كده يعني😘😘😌😂😂😂😂
المهم قفلت من سارا وخشيت الواتس لقيت اسيل اون لاين
قلت ليها ناس العمليه ياا
اسيل....اسكتي زعلانه منك انا
قلت ليها سجججممي لييي؟؟
اسيل...كان غالبك تجي معاي
قلت ليها يا اسيل عشان ماما اجيبها بكره معاي وبعدين كنت تعبانه والله
اسيل....طيب طيب ما حنك
وانا بتكلم معاها غسان اتصل لي رديت ليهو
غسان....يعني انا مشتاق ليك شوق كده مبالغه
قلت ليهو والله ما بتلحقني وقبل ما تبدا كلام انا عارفه نفسي مقصره لكن والله يا غسان اليوم كله في المشفى مع اسيل
غسان....يا هبله لازم تنشغلي معاها متوقعاني اجي اعاتبك انا
قلت ليهو يؤبرني الفاهم انا
غسان....نقلب لهجتنا يعني؟؟
قلت ليهو غسان انت لي لمن زول يسالك من جنسك بتقول سوداني مع انك اردني اباً واماً
غسان....ما عشان شي والله لكن انا ما بحب الكلام الكتير لو قلت اردني حيقولو جاي السودان لي ويكترو معاي كلام
قلت ليهو اهاااا طيب جواب مقنع برضو
غسان....اها كيفك يا عسل واخبارك شنو
قلت ليهو عسل براك بلس ماف اي خبر بس بكره ماشيه لي اسيل البيت عشان عاملين كرامه وكده للعمليه
غسان....ماشيه براك
قلت ليهو لا ماما معاي
غسان...اها تمام انا هسا مارق زاتي
قلت ليهو غسان الساعه عارف كم؟
غسان...عارف مودي حاجات بيتي وراجع
قلت ليهو حي انا من بيتك ده واها بتاكل كيف انت ياخ والله حانه عليك
غسان....ما حنك كلها سنه وتجي تطبخي لي
قلت ليهو يحليلك عشم ابليس فالجنه انا اكبر اكله عملتها في حياتي بطاطس
غسان...😂😂😂😂😂😂😂😂😂😂😂😂😂😂😂😂احلفي؟
قلت ليهو وحياتك بلس اسكت دايرا اسالك الكرامه دي بمشوها بشنو
غسان...انا لو دايره رأي عبايه وطرحه وتلاته دبابيس
طبعا قعدت اضححكككك
قلت ليهو اسكت هي كمان الزول لازم يلبس شي مريح عشان يتحرك بي راحتو
غسان...اي صح البسي ليك بنطلوب وبلوفر وطيري اصلا ما عندك شي غيرهم
قلت ليهو لالا بكره حلبس شي سمح عشان عندها اولاد عمتها سمحين كده جاين
غسان....انا ما وريتك قبيل اتكلمت كول مع ريناد
قلت ليهو والله؟؟
غسان....مش براك بديتي
قلت ليهو بالجد ولا بتهظر
غسان...بهظر طبعا انا ما برد لي زول اصلا والله
قلت ليهو اي عارفه وانا زاتي بهظر طبعا
غسان...عارفه شنو
قلت ليهو انك ما بترد علي زول
غسان...كيف؟
قلت ليهو سارا قبيل قالت لي مرسله ليهو من سافر تركيا ما رد لي
قعد يضحك قالي هسا برد ليها ما انتبهت بس
قعدنا نتونس كتير شديد بعدين قفلت عشان انوم قبل ما انوم شلت ورقه كتبت فيها كلام وختيتها في الدولاب وبعدين
نمتتتتتتتت صحيت الصباح الساعه تسعه كده لقيت من اسيل عشره مكالمات اتخلعت طبعا
طوالي استحميت ولبست بنطلون ومعاهو قميص لونو تيفاني البتكون زرايرو وره داك وهمي لكن بحبو وخاته طرحه مشكله في رقبتي وشعري كعكه ولابسه رينق كبير ومتمكيجه تقول ماشيه حفله شلت الورقه حقت امس طلعت لقيت ماما بتلبس انتظرتها ومرقنا
ماما دخلت سلمت علي خالتو عبير وقعدو يتونسو انا دخلت لقيت اسيل قاعده ومعاها اظن سبعه بنات كلهم بنات اهلها
وسارا واسيه قاعدين
والبيت ده مليان مليان شديد
اسيل...تعالي يا عفنه اقعدي جمبي هنا
مشيت سلمت اول شي علي البنات كلهم بي يدي بس لاني ما بحب السلام الحار داك
قعدت جمبها قلت ليها اها؟
اسيل...جايه متاخر لي هسا حيضبحو اصلا
قلت ليها مزن وين؟
تحت بتساعد ناس البيت
قلت ليها ومجد ما جاي؟
اسيل...جاي بعد شويه يارا عايني انا صراحه دايرا افتح موضوع مجد ده مع امي
قلت ليها سجمك انتي جنيتي
اسيل....يارا امي شكلها حبتو اصلا كدي بس اوريها الموضوع
قلت ليها بعدين بنتفاهم انا مارقه اساعد الجماعه ديل البيت مليات تحت
اسيل...طيب امشي
نزلت تحت لي مزن بقينا بس طالعين وداخلين وكمان لمن يكون في ضبيحه في البيت يعني حاجه كده مبالغه
عمو ايهاب ناداني مشيت ليهو اتخيلو مد لي الكبده حقت الخروف في يدي قالي هاك اديها لي خالتك عبير جوه
قلت ليها عمو كيف اشيلها بي يدي اصبر اجيب صحن وارجع ليك
عمو ايهاب.... غايتو بنات الزمن ده عجيبات نحن زمان الكبده د ناكلها نيه
قلت ليهو...سجمكم انتو
دخلت جبت ليهو صحن ولمن جيت لقيت مجد جا وسلم علي عمو ايهاب ودخل الصالون لي الرجال
طبعا انا ومزن بالجد متنا من التعب
مزن...شفتي بنات اهلي ديل يا يارا وحده فيهم بتسوي شي ماف
قلت ليها شايفاهم بعاينو لي كيف كيف
مزن...اصلا يا بت كريهات اسكتي ساي بس
قلت ليها خليهم نحن بنكفي ما حنك
بعد مسافه بدأو يطلعو الصواني بتاعت الاكل والناس قعدت للاكل وطلعنا صينيه فوق للبنات طبعا الضيوف اهلهم الفي الخرطوم واصحاب ابوها والجيران وكده لكن اولاد اهلها وكده ما جو لانهم في شندي كانو بدقو تلفونات بس عشان كده الشغل كلو كان فيني انا ومزن
طبعا ما قعدنا نفطر عشان نسوي الشاي والجبنه وكده
خالتو عبير....يارا تعالي ودي الصينيه دي لي اسيل كانت عامله ليها سلطه فواكه وعصير منقه
قلت ليها لي ما حتاكل؟
قالت لي بس الفتره دي اكلها ما مفروض يكون فيهو بهارات وكده
قلت ليها اهااا اوكي طيب شلت الصينيه وديتها ليها فوق
لقيتها قاعده فالتلفون والبنات في الارض بياكلو
اسيل.... ياخ زهجت انا تعالي اقعدي
قلت ليها اقعد كيف انتي ما شايفه الشغل ده اكلي يلا وبالمناسله مجد تحت
اسيل...اي وراني لمن وصل
قلت ليها تمام
ونزلت بعد ما الناس فطرت مشيت وديت الشاي للرجال في الصالون وانا داخله جاني مجد قالي جيبي جيبي الرجال كتير جوه
قلت ليهو طيب اديتو الصينيه ومرقت
طبعا انا اليوم ده اكتر يوم اشتغلت فيهو من اتولدت ماما نادتني ادتني قروش وشنطه خاته لي فيها هدومي قالت لي يلا انا حمشي وصلتها بره والناس بدات تمشي
اسيل اتصلت لي انا تلفوني خاتاهو في جيبي
قلت ليها اي
اسيل...يارا مجد ده واقف بره عليك الله نادي ليهو امي يسلم عليها قبل ما يمشي
قلت ليها طيب
مشيت قلت لي خالتو عبير مجد بره داير يسلم عليك
خالتو عبير.....خليهو يدخل يا بت ماف زول
مشيت قلت ليهو خش ليها يلا
دخل سلم عليها وجايب معاهو حلاوه قعد اتونس معاها
خالتو عبير... امشي خلي اسيل تجي تسلم عليهو يلا
وانت يا ولدي خلاص بالليل راجع
مجد....اي والله يا خالتي خلاص الشغل بعد ده
خالتو عبير.... الله يوفقك يا ولدي
انا مشيت ناديت اسيل لبست توب جمبها ونزلت زي القرده
سلمت عليهو وقعدت حبه كده
مجد...انا بعد دا امشي يا جماعه يلا
خالتو عبير....انتظر عمك ايهاب يجي مشا قريب هنا وراجع
مجد...لالا يا خالتي خلاص وصلي ليهو سلامي
خالتو عبير... قومو يا بنات قدموهو لي بره
مشينا انا واسيل لمن طلعنا بره انا وقفت بعيد منهم كده
اسيل...طيارتك متين؟
مجد...الساعه تمنيه كده
اسيل...اناحفتح موضوعنا مع امي طيب
مجد...حاضر ووريني البحصل شنو وعليك الله تخلي بالك من نفسك
مجد اول ما بدأ يوصي فيها طوالي بدت تبكي
مجد...بتبكي لي انتي ؟؟
كلها فتره ونبقا مع بعض ما تبكي يا عمري
اسيل..ما عارفه حشتاق ليك ياخ والله
مجد...انا زاتي حشتاق ليك والله يلا عشان ما يجي زول يشوفنا هسا باس ليها يدها وقاليها يلا ادخلي
مجد...يارا
يا يارا
انا انتبهت قلت ليهو اي
مشيت ليهم سلم علي وقالي خلي بالك منها وخلي بالك من نفسك برضو
طلعت ورقه من جيبي قلت ليهو ادي دي لي غسان
مجد...حااضرر ممكن اقراها؟
قلت ليهو لا طبعا
مجد...هههههههه بهظر يلا في امان الله وركب العربيه ومشا
دخلنا جوه وطبعا اسيل ساكته ساييي
طلعتها غرفتها ترتاح وانا ومزن نزلنا نضفنا اي شي وطلعنا فوق خلاص
اسيل كانت نايمه
مزن قعدت في سرير وانا في سرير
فتحت الواتس لقيت غسان مرسل لي صور ليهو
طبعا محذراهو لو اتصور اي صوره وما وراني ليها ما بخليهو😂😂😂😂😂😂
قلت ليهو حلوين الف حبيبي انا
لقيتو اون لاين
غسان....خلصتو اي شي
قلت ليهو اي انت اجهز عشان تمشي تستقبل مجد
غسان...اي لسا طيارتو لكن
المهم كيفك
قلت ليهو والله من الصباح ما قعدت يا غسان هسا ياداب انا قعدت
غسان....الله يديك العافيه يارب
يارا اسيه فتحت معاك موضوع غيث
قلت ليهو اي واتفقو تقريبا
غسان....اي عشان انا فتحت الموضوع مع امها وابوها ويمكن ينزلو السودان الاسبوع الجاي لانه داير يخطب ويسافر طوالي
قلت ليهو سجججممي غسان جاي توريني هسا انت؟؟
غسان.....انا بكره حوري اسيه بالمناسبه قبل شويه قفلت من اهلها انا
قلت ليهو حي ياخ ما دايرا اسيه تمشي بعيد مننا
غسان...حال الدنيا بس
قلت ليهو اها ولو وافقو حيحصل شنو
غسان...حتحصل الخطوبه طبعا
قلت ليهو وانت حتجي
غسان...اكيد حجي اي
قلت ليهو حيببي فرحت ان شاءالله يوافقو
غسان...ان شاءالله والله الولد شكلو كويس يعني
قلت ليهو اي ظريف وحلاتو
غسان....اهااا
قلت ليهو اها شنو
غسان...يارا
قلت ليه قلبها من جوه
غسان...الله يخليك لي وما يحرمني منك طول ما انا عايش
قلت ليهو ولا يحرمني منك انت يا روحي مالك فشنو
غسان...ماف شي انسي
قلت ليهو غسان فشنو مالك
غسان....ما عارف يا يارا حاسي اني براي زمان بالليل والصباح امي بتتصل تطمن علي ابوي بسالني كيفك وحاصل معاك شنو اي صح انه خالاتي بتصلو لي وكده لكن حاسس اني براي والله والحاجه دي مؤثره فيني
قلت ليهو يقلبي انت الله يرحمهم يا رب انا معاك طوالي وما حخليك اصلا تحتاج لي زول عشان يسال منك
غسان...متين تجي وتملي علي الدنيا
قلت ليهو قريبا ان شاءالله بس انت ما تفكر كده طيب
وكل ما تجيك الافكار دي اتزكر انك اغلا شي في حياتي
غسان...حاضر يقلبي
قلت ليهو يلا حمشي اقعد مع اسيل عشان صحيت ياداب
غسان...طيب يلا خلي بالك من نفسك
قلت ليهو حاضر
بالجد كلتم غسان قطع لي قلبي يعني عايش بدون ام واب واخوان اخخ بس
#يتبع
ما تنسو التصويت
في امان الله
سؤال البارت
الليله دايرا رأيكم في البارت عامه كده؟؟❤❤❤❤❤😘😘😘😘😘😘😘😘😘😘😘😘😘😘😘
