مرارت النهر (قيد الكتابة )

مشهد ١

مريم // خيه فدوه انطيني فلوسي والله محتاجتهم

سعدية // كتلج ما عندج فلوس يمي

مريم // شلوون ما عندي فلوس يمج والشهر الشتغلته بيتكم

سعدية // هههههه يا شهر هذا هوا انتي غير البارحة اجيتي وكتلج ما اريد خدامه بيتي

مريم // خيه حرام عليج والله صالي شهر اشتغل بيتكم وانضف بي علمود الجم فلس ونوب تكليلي ما شتغلت بيتكم

سعدية // دوختيني طلعي بره لا هسه الم السلف عليج واكلهم تريد تبوكني طلعيي انتي غشيمه وغبيه انتي شفتي بيتنه هذا بيت واحد يخلي خدامه بفلوس وانه ما دكيت بابج وكتلج تعاي اشتغلي عدي انتي اجيتي وكتيلي وغشيم المايرضه بخدامه بلاش

مريم // ضليت ابجي حيل وحايره بلمريضه الراح تموت من الوجع وحايره بزماني طلعت واني احس جبل على كُفاي من الهمووم ،، شلون يربي كلي شلون والله راح اموت منين اجيب فلوس بجيت واني مادري برجلي وين ياخذني حسيت على روحي وانه واكفه يم نهر شكله حلوو يمه نخل عالي وحشيش كصير كعدت وصفنت بزماني شون بيه منين اجيب فلوس يربي ماريد اسوي شي يغضبك يا اللهي ساعدني حسيت صوت اجه من وراي

مسلم // شسوين هنا رفعي شوفج

___________________________

هلاو مشهد من قصتي اتمنى تعجبكم  وهمينه متنسون التفاعل ترا والله يسون واهس