Amiss Prayer (Zawgyi&Unicode) [Completed]

Part-13(သိလာခြင်း)

For Unicode
သိလာခြင်း

“ လူလေး.. မင်း.. သခင်လေးဘေးမှာ အလုပ်လုပ်နေရတာ အဆင်ပြေရဲ့လား။ သူမင်းကိုနှိပ်စက်သေးလားသား “

“ အဲဒီလိုမျိုးတော့.. မရှိပါဘူးအဘ။ ဘာဖြစ်လို့လဲ “

“ သခင်လေးက စိတ်ကြီးတယ်ကွယ့်။ သူအလိုမကျတာရှိရင် နည်းနည်းမှသည်းမခံတတ်ဘူး။ အရင်က သူဘိလပ်မသွားခင်ကဆိုရင် သူ့အနားမှာခစားရတဲ့ကျွန်တွေကို စိတ်တိုင်းမကျတာနဲ့ တစ်ယောက်ပြီးတစ်ယောက် အလုပ်ထုတ်တာပဲ။ညအလုပ်ထုတ်ရုံလောက်ဆို မပြောပလောက်ပါဘူး..။ နှိပ်စက်တာတွေပါလုပ်တတ်တော့ ငါ့သားအတွက် အဘစိုးရိမ်တယ်ကွယ် “

“ ဘယ်လိုမျိုး နှိပ်စက်တာလဲအဘ “

“ ဒီလိုကွယ်.. တစ်ခါတုန်းကပေါ့.. ကျွန်တစ်ယောက်က ရွှေတိုငွေစတွေကိုခိုးတာ မိသွားလို့တဲ့ကွယ်.. ခြေတွေလက်တွေကို ချိုးပစ်တာကွယ့်။ ပြီးတော့.. ဘာကြောင့်ခိုးတာလဲ.. ဘာအတွက်လဲ မေးမြန်းခြင်းမရှိဘဲသတ်လိုက်တာပဲ။ နောက်တစ်ယောက်ကကျတော့ ဒီအိမ်‌တော်ကိုအလည်လာတဲ့ သခင်မကြီးတွေရဲ့ဧည့်သည်မိန်းကလေးကို ကျွန်‌တစ်ယောက်ကအရက်မူပြီး ညဘက်ကြီး အဲဒီဧည့်သည်မိန်းလေးအခန်းကိုဝင်တယ်.. အတင်းအဓမ္မ ဆွဲလားရမ်းလားလုပ်တယ်လေ။ အဲဒီတော့ သခင်မကြီးတွေရော သခင်လေးကပါ အတော်ကိုစိတ်ဆိုးသွားတယ်။ အိမ်တော်ကိုသိက္ခာကျအောင် လုပ်ရလားဆိုပြီးတော့ အဲဒီကျွန်ကို လျှာဖြတ်၊ မျက်လုံးဖောက်၊ တန်ဆာကိုဖြတ်ပြီး သတ်ဖြစ်တာ။ နောက်တစ်ယောက်ကျတော့.. အမျိုးသမီးကွယ့်။ သူကကျွန်သာလုပ်တာ ရုပ်ရည်ကတော့ အင်မတန်ချောမောတယ်။ အဲဒီအမျိုးသမီးလေးက သခင်လေးကို သခင်မကြီးတွေမရှိတုန်း မြူဆွယ်လို့တဲ့ တံကျင်လျှိုပြီးသတ်လိုက်တာ “

“ တံကျင်လျှိုပြီးသတ်တယ်ဆိုတာ.. ဘယ်လိုသတ်တာလဲအဘ “

“ ဟိုလေကွယ်... မဟာဓမ္မရာဇာမင်းတရာကြီးလက်ထက်မှာ ဗရင်ဂျီဘာသာဝင် ငဇင်ကာကိုသတ်သလိုပေါ့။ ကျင်ကြီးပေါက်ကနေဦးခေါင်ထိ သျှားသစ်သားချောင်း လျှိုပြီးတော့မြို့လယ်မှာပြထားတယ်ဆိုတာ ကြားဖူးလား “

“ ဟုတ်... ကြားဖူးတယ်အဘ “

“ အေး.. အဲဒါကို တံကျင်လျှိုပြီးသတ်တာလို့ခေါ်တယ်။ ဒါပေမဲ့.. ဒီမိန်းကလေးကိုတော့ တံကျင်လျှိုပြီးသတ်တာပေါ့..။ မြို့လယ်မှာတော့မပြဘူးလေ “