ماضي لا ينتهي

الحلقة ٣٠

#ماضي_لا_ينتهي
#بوسي_مصطفى

_____الحلقة ٣٠_______

هيثم نظر ل أعلى
سعيد واقف فوق دا اللي اتحقق منه لكن مين الولد اللي معاه لسه
بيتحقق كويس وبدأ يقلق انه ممكن يكون ابنه اللي مع سعيد
صرخت رانيا استدار ليها
رانيا بتشاور ل أعلى بعد أن وضعت يدها على فمها وبتحاول التقاط انفاسها.
الضابط في الميكرفون : سعيد مفيش داعي للي بتعمله ده
نزل الولد
وسلم نفسك يا سعيد مفيش داعي لكل دا لو حاولت تأذى الولد موقفك هيبقى صعب
سلم نفسك لإنك كده كده بقيت تحت ايدنا.
_________

في شقة خيري.
رهف : مش هقدر اكل كل دا
عدي : كلي اللي تاكلي والباقي هاخده معايا اتعشى بيه في البيت.
ليلى : هههههههه انت لسه هتتعشا
عدي : دا انتي سامعه كل حاجه بقى.
ليلى : طب كل دا بقى علشان مش قادرة أكمله.
خيري : رايحه فين يا ليلى
ليلى : هغسل ايدي يا بابا
خيري : طيب يا بنتي
ويهمس ل سامية : امال سليم مطلعش ليه؟؟
سامية : سليم مجاش اصلا
ليلى بتقول ان عنده شغل.
خيري : اه طيب.
شريف : بابا كنت عايز حضرتك في موضوع كده بس بعد الأكل.
خيري : خير يا شريف
شريف : ناكل بقى الأول
غادة : امسكي المعلقة كويس يا ليلى
ومتوقعيش على نفسك
سامية : سبيها يا غادة شريف كان بيعمل اكتر من كده.
شريف : انا يا ماما؟!
عدي : هههههههه ايوه يا عم انت
ايه مكونتش صغير ولا اتولدت كده؟!
شريف : طب م بلاش انت بقى
يغمزله عدي علشان ميتكلمش.
شريف : ايه خايف أتكلم؟؟!
عدي : أنت زعلت ولا ايه يا شريف
انا كنت بهزر يا حبيبي
شريف : ايوه اتعدل كده
نظرت سامية ل خيري ببتسامة.
عدي : ايه رأيكوا يا جماعه في إسبوع عسل كده في أي حته
شريف : عسل ايه يا بشمهندس
أنت معندكش شغل ولا ايه؟!
عدي : هاخد اجازة
خيري : اجازة ايه يا ابني انت مكونتش في اجازة ولسه راجع من اسبوع واحد بس
ثم مين اللي هيوافقلك على الاجازة دي
عدي : حضرتك يا بابا
خيري : نعم!
عدي : اقصد يعني ان حضرتك ممكن تكلم...
ولسه عدي مكملش كلامه
كان رد خيري عليه : انا لا هكلم ولا ليه علاقة بيك نهائي في الشركة
الشغل شغل واوعى تفكر علشان احنا شغالين مع بعض بقى
إنك هتورطني كل شوية
عدي : اورطك ايه بس يا بابا
دي مجرد اجازة.
خيري : خد بالك من شغلك يا ابني
في خريجين كتير يتمنوا فرصة عمل في شركة زي اللي انت فيها
دي.
وعلى قد م تدي شغلك حقه على قد م هتاخد منه.
بلاش استهتار كده من اولها
ولو على الاجازة شوية كده وابقى اطلب اجازة لكن في الوقت الحالي صعب اوي
ومتحرجنيش بقى مع البشمهندس مازن
الراجل صحيح مبياخرليش طلب
بس إذا كان حبيبك عسل متلحسوش كله ولا ايه.
عدي نظر ل شريف اللي كان بيضحك.
عدي : انت بتضحك على ايه دلوقت؟!
شريف : هههههههه لا ولا حاجه انا داخل اغسل ايدي
ليلى انتي فين؟
ليلى : انا هنا يا شريف
كانت ليلى واقفه في البلكونه.
بتكلم سليم في التليفون 📞
ليلى : يعني ايه هتتأخر
وشغل ايه ده؟!
مش مفروض إنك في اجازة ولا انا مش واخده بالي؟!
سليم : في ايه بس يا ليلى؟
ليلى : ما هو انا مش فاهمه انت فين بالظبط يا سليم؟
سليم : هكون فين يعني يا ليلى؟
ليلي : ما هو متقوليش انك بتصور حلقة دلوقت
سليم : فعلا بنسجل حلقة
علشان بكره مش هطلع مباشر.
ليلى : ليه
سليم : علشان مسافر يا ليلى
ليلى : ايه... مسافر فين
وبعدين مقولتليش يعني؟!
سليم : الموضوع جه فجأة انا نفسي مكونتش اعرف.
ليلى : طيب مسافر فين
سليم : مرسي مطروح
ليلى : ليه؟
سليم : الحلقة الجايه هعملها من هناك.
ليلى : هتقعد قد ايه؟
سليم : هوحشك صح؟
ليلى : بطل بقى.. وقولي هتقعد قد ايه؟
سليم : الحكاية كلها يوم ونص بالظبط
ليلى : يعني هتبات هناك
سليم : هنام في العربية
ليلى : هتسافر الليلة؟
سليم : مالك يا ليلى
ليلي : مش عايزاك تبعد عني.
سليم : هههههههه طب ايه رايك تيجي معايا بس هتندمي في العربية سامعه.
ليلى : مفيش مشكلة
بس انا عندي مشكلة تانية
سليم : الشغل طبعاً.. عارف هتقولي ايه.
ليلى : طب بتسأل ليه بقى؟
سليم : طب ممكن تسبيني اخلص الحلقة دي وبعدين ابقى اكلمك ونرغي مع بعض زي م انتي عايزة
انا اصلا هبقي فاضي وعايزة حد يسليني علشان منامش في الطريق
ليلى : لا بلاش انت اللي تسوق
وبعدين متسافرش من عندك عدي عليه الأول
سليم : اكيد طبعاً
ليلى : حبيبي يا سماسيمو
سليم : بس ابقى جهزيلي كعم طقم كده علشان اغير فيهم
ليلى بغضب : يعني انت هتيجي علشان تأخد الهدوم بس؟
وبعدين ايه كام طقم ده
انت مش مفروض مسافر يوم واحد وراجع
سليم : يوم ونص خليكي فاكره
ليلى : مفرقتش كتير
سليم : لا هي فارقه عندي بقى
الدقيقة الواحده بعيد عنك بتفرق معايا كتير اوي يا لوله
ليلى : طب اقفل يا سليم
سليم : دلوقت اقفل؟؟!
اوكيه سلام.
عدي : هو سليم مش جاي يا ليلى؟؟
__________