الجزء التاسع والثلاثون.....
مشيت لي اسيل قلت ليها اها كيف هسا؟؟
اسيل...لالا تمام الحمدلله ماف اي شي
الساعه كم هسا
قلت ليها تسعه ونص
اسيل...لسا مجد ما بكون وصل
قلت ليها لا لسا غسان قال ما هسا
اسيل...اهااا تمام انتي كيف بعد الشغل حق الليله ده والله ما عارفه اقول ليك شنو
قلت ليها انتي متخلفه يا بت ولا شنو من متين بيناتنا رسميات..
اسيل....😂😂😂😂اها كيف غسغس
قلت ليها انتي برضو بقيتي تناديهو كده كويس والله الحمدلله
مزن...اصبرو اصبرو انا جايه اتونس معاكم
اسيل...اي تعالي
مزن جات وقعدت جمبنا
اسيل ختت رجلينها فيني
قلت ليها د شنو انتي؟
اسيل...عليك الله عصريهم لي مش نحن اخوات
مزن...لالا اسيل اوفر
قلت ليها خليها محنك
مزن...اها انتو غسغس د منو
اسيل دي ماتت من الضحك
وانا طبعا مصدومه مع انو مزن دي صحبتي شديد يعني ونفس نوعيتنا بتحب الونسه والقطيعه وكده
اسيل... غسغس د حبيب يارا يا مزن
مزن...اهاااا كلام لكن
قعدت اضحك قلت ليها مالك
مزن...وريني ليهو
فتحت تلفوني وفتحت ليها ملف الصور الحافظه فيهو صورنا مع بعض وصورو هو
مزن...ماشاءالله تبارك الله يا يارا ده عايش وين
قلت ليها شغال في تركيا مع مجد
مزن....اهااا اي اي صحي مره اسيل حكت لي ده الاردني قلت ليها ياهو زاتو😂😘❤
قعدنا نتونس ونعلق ما خلينا شي ما قولناها
قلت لي اسيل علي فكره غيث حيطلب اسيه الاحد الجاي والخطوبه الخميس
اسيل صلحت قعدتها قالت لي كيف يعني لي ما ورتنا قبيل
قلت ليها هي زاتها ما عارفه غسان هسا وراني ومجد وغسان حيجو يوم الاربع
اسيل...وااايييي ربنا يتمم ليها علي خير ياخ والله غيث ده مع اني ما شفتو كتير لكن شكلو بحبها
قلت ليها بحبها مبالغه قال ما بسافر الا يعمل شي رسمي
مزن...هي زاتها اسيه حلاتها تستاهل ومسافر وين هو
قلت ليها عايش في المانيا ما هنا
مزن...وووووببببب منكم كلكم حابين ناس بره
الا سارا
اسيل....منو القاليك تاج زاتو مستقر في الامارات ما هنا
مزن قعدت تضحك
اسيل...يارا اها مفروض نمشي نشتري الفساتين صح
قلت ليها لا لانه اتوقع اسيه تكون عامله خطه ما حتعديها كده
المهم انا ماشيه انومممم
اسيل....لالا اقعدي معاي ياخ الساعه ياداب عشره ونص
مزن...انا ماشيه الغرفه التانيه زاتي ما قاعده
مزن مرقت وانا واسيل قعدنا
جات خالتو عبير عشان تطمن علي اسيل
خالتو عبير... اها يا اسيل كيف الليله
اسيل...تمام الحمدلله يا امي تعالي اقعدي اصلا دايراك في موضوع
انا طوالي قلت حطلع حبه بره وارجع
اسيل...يارا لا خليك
انا عرفتها حتفتح موضوع مجد وكده
خالتو عبير.... فشنو يا بنات مالكم
اسيل...امي انا حكون صريحه معاك مجد ده انا بعرفو من دخلت الجامعه وصراحه نحن بنحب بعض وهو جا من تركيا عشان يحضر عمليتي ووالله يا امي هو بحبني وكان حيفتح الموضوع مع ابوي لكن انا قلت ليهو خليني اوري امي اول
خالتو عبير... ده كلام شنو يا بتي وما وريتيني من زمان ليه غايتو يا اسيل ما بسالك
اسيل...امي انتي شفتي مجد وعرفتي وضعو شنو وعايش وين يعني ما اظن في شي تاني
خالتو عبير... شي تاني دي بقررها ابوك يا بت هويي انتي بس خليهو يجي يتقدم بالباب عديييلل وانا ما عندي مانع الولد راجل وماشاءالله ود ناس
قلت ليها اي والله يا خالتو صدقتي
خالتو عبير.... محامي الدفاع حقك نطق
نحن قعدنا نضحك
خالتو عبير.... هسا اهم شي تبقي كويسه وانتي يا يارا ما اكلتي شي من الصباح قومي اكلي
قلت ليها اي اي باكل متخافي
طلعت وقفلت الباب
قلت لي اسيل ازغردت ولا كده اوفر؟
اسيل...طبعا اوفر اترزعي اقعدي
قلت ليها فرحت شديييدد
اسيل...ما بتلحقيني ياخ مجد ده ما بكون وصل بس مع كلمتها مجد رسل ليها انا وصلت الحمدلله
قلت ليها والله ابن الحلال عند زكرو ببان
مشيت طفيت النور ورقدت نمتتتتت
صحيت الصباح زي الساعه حداشر كده صحيت علي صوت تلفوني شلتو لقيتها اسيه
عرفت انه غسان حيكون وراها
رديت قلت ليها ايييي
اسيه...يارا الحقييي ماما وبابا جاين السودان بعد بكره والاحد غيث واهلو حيجو يطلبوني قلت ليها واااييي حبيبتي انا الف مبروك ربنا يسعدكم يارب ويتمم ليكم علي خير
اسيه...حاسه نفسي فرحانه وفي حاجات كتير دايرا اعملها الخطوبه الخميس
قلت ليها ريلاكس حبي يوم الاحد البسي فستان من الجبتيهم من الاردن اصلا في اتنين ما لبستيهم
اسيه....ايييي وفستان الخطوبه حخلي غسان يجيبو لي من هناك
قلت ليها اييي فالحه يلا هسا اقوم استحما وكده واتكلم معاك بعدين
عاينت لي اسيل لقيتها بتحكي لي مجد انها فتحت الموضوع مع امها بعد ما قفلت قلت ليها قال شنو
اسيل... فرح شديد مسكين ياخ
وبعد ما جهزنا وفطرنا وكده
دخلت الواتس لقيت غسان كاتب لي احلا رساله توصلني في الدنيا
قلت ليهو لفيييووو
*طبعا الرساله كنت كاتبه ليهو فيها
ممكن تكون اول انسان حبيتك للدرجه دي حبيتك بي كل تفاصيلك بي كل صفاتك السيئه قبل السمحه حبيتك لانك راجل وعينك مليانه لاني كل ما اقع في مشكله بلقاك وراي صح بنتشاكل كتييييررر لكن ما بنقدر نبعد كتييررر
غسان انت اي شي فيك بكملني اي تصرف انت بتعملو بكون من خوفك علي دايما لمن افكر اني لو كنت من نصيبك ومشيت بلد تانيه بكون مطمنه وما خايفه لاني حعيش مع زول بخاف ربنا فيني زول بحبني وبحترمني اي هو الزول د عصبي احيانا بس دايما لمن ارجع وافكر في الشي الانت كوركت بي سببو او عصبت فيهو بعرف انه كان معاك حق
في الختام الرساله دي اي كان ممكن اكتبها ليك واتساب لكن حبيت اكتبها ليك بالطريقه دي عشان تفضل معاك لحدي ما نتلاقه في بيتنا بحبك*
#نرجع
غسان...شفتي القروب المسوياهو اسيه؟
قلت ليهو لا ويت اشوف
لقيت اسبه عامله قروب اسمو خطوبتي💍❤
وكاتبه عاينو يا جماعه شفع في الخطوبه ما دايرا نوو شفعع والله اشوف شافع جمبي اصمتو كفف لمن يتحير
غيث....كيف يعني ما دايرا 😂😂😂😂😂😂
اسيه...كده يا غيث كده
غيث...كويس
غسان...هوي انت بتخاف منها ولا شنو كورك فيها طوالي
غيث...خليها هسا عامله فيها عروس وبتاع انا بعرف اتصرف معاها لكن
اسيه...محرد عليك يا غيث عشان فرق السن وانت يا غسان انقلع من هنا😂😂😂😂😂
قلت ليها هوي انقلعي براك
غسان....حيييي اناا البدافع لي حبيبو
اسيل....يارا وغسان غادرو المكان سرييعع لانو حبه وحتجلطونا
سارا...عليك الله يا اسيه كملي ما تشتغلي بالاعلانات دي
اسيه...اييي طيب
المهم تاني شي يارا واسيل وسارا دايراكم تكونو نبيهات معاي اي شي غلط فيني في فستاني سريع توروني سامعين
مجد...والله ما عندك اي موضوع يا اسيه
اسيه...اخرس انت مع احترامي ليك يا اسيل
اسيل... هو انتي خليتي فيها احترام خدي راحتك حبي
اسيه...المهم كل اتنين حيلبسو نفس الون فهمتو؟
غيث...انا ما داير
اسيه...انت اسكت اصلا انا طلبت البدله حقتك اون لاين
طبعا نحن متنا من الضحك يعني اسيه دي مسيطره مسيطره مبالغغغغههههه
غسان....والله انا ما عارف كيف مستحمل البت دي انت يا غيث انا يارا لو سوت لي كده ايييكك يا
مجد...ايك شنو اسكت والله كل يوم هارشاك
غيث...انت بهرشوك وجاي تنصحني😂😂😂😂😂😂
قلت ليهم اسكتو اسيه كملي
اسيه...اخر شي نحن حنخش اول شي وانتو وراي علي حسب اعماركم
قلت ليها لكن انا اصغر من اسيل وغسان اكبر من مجد
مجد....اكبر مني بتاع حبوبتك قدري والله فرقنا عشره يوم تقول
اسيه...اسسسسكتتتتووو انا ما عندي علاقه بالاولاد انا بتكلم عن اعمار صحباتي يا غبيات
اسيل...ما تنبذينا بلس يعني رتبينا اها
اسيه...اول شي انا وغيث ورانا سارا وتاج وراهم اسيل ومجد واخر شي غسان ويارا
سارا...واااهههاااا يارا اخر شي
قلت ليهم حزنت ما دايرا اكون ورى
غسان....ما حنك يا غبيه عشان عقبال ما هم يخشو نحن نتونس
اسيه...غسان ويارا ما تجو الخطوبه لو سمحتو
قعدنا نضككككككك😂😂😂
تاج...المهم يا استاذه اسيه التعليمات انتهت
اسيه... اي بس اتفاعلو وارقصو وكده
قلنا ليها كويس
الاسبوع مرا الحمدلله ما كان في شي كعب نهائي اسيل حالتها بقت كويسه شدددديييدد الحمدللهه
يوم السبت كلنا مشينا مع اسيه البيت عشان بكره حيجو يطلبوها وكده
السبت كلووو نحن قضيناهو تجهيز وماسكات وحمامات زيت ما خلينا شي ما سويناهو لمن المغرب اذن ياداب نحن كنا خلصنا خلاص
وقعدنا
قلت لي اسيه اها فستانك طلبتيهو خلاص
اسيه...اي غسان بكره حيمشي يستلمو
قلت ليها تمام وانتي يا سارا
سارا...اي جبتو وتاج برضو جاب البدله
عاينت لي اسيل
مجد امبارح وراني تشكيلات واخترت واحد قال حيجيبو من هناك هو وبدلتو
قلت ليهم تمام فالحين
خالتو دينا جات هرشتنا عشان ننوم طفينا الانوار ورقدنا نمنا
تاني يوم صحينا الساعه حداشر بي كواريك خالتو دينا قمنا مخلوعين واسيه بقت بتكورك وانا ما حلحق الناس جاين الساعه وحده
اسيل...ما تكوركي فينا نحن اي شي جهزناهو من امس خشي استحمي سريع يلا
خشت تستحما
خالتو دينا... ما تقيفو كده البيت ده مليان غرف كل وحده تمشي غرفه تستحمى يلا
فعلا كلنا طلعنا استحمينا جينا عشان ننتهي من اسيه اول شي
قعدناها انا واسيل ستشورنا ليها شعرها كلو وسارا مشت تلبس
لمن خلصنا اسيه قامت لبست وقعدت عشان سارا تمكيجها ونحن كل وحده فينا شايله استشوار وبتسوي شعرها لمن خلصنا دخلنا نلبس
سارا لبست سكيرتي مكسر لونو كحلي ولبست معاهو قميص شيفون ابيض رفعت شعرها وعملت ميكب حلو شديد
اسيل لبست جيم سوت اسود وهيلز فضي واكسسوريز فضيه كلها شعرها خلتو مفرود عادي
انا لبست سكيرت جلد لحد الركبه لونو اسود وتحتو كيلون بي لون الجسم وبلوزه فسفوريا بي كم واحد وفكيت شعري عادي وهيلز اسود
بعد ما جهزنا بقينا كلنا بنزبط في اسيه وكده وامها جات قالت الناس وصلو تحت وحده فيكم تطلع تصور من بعيد
نزلت انا وشلت التلفون وقفت بعيد وبقيت بصور كان قاعد غيث وابوهو وامو ومعاهم مرتين شكلهم خالتو ولا شنو ما عارفه
ابو غيث...اخوي عبدالرحمن طبعا انت عارف سبب زيارتنا انا الليله جيت عشان اطلب يد اميرتك اسيه لي ولدي غيث علي سنه الله ورسوله
عمو عبدالرحمن.... نحن بنتشرف بي نسبكم والله بس طبعا الرأي رأي البت(هو عارفها موافقه لكن لازم يعمل كده)
اسيه جات نازله من السلم وكلهم بعاينو ليها لانها كانت سممممممححححححههههههه شددددديييييييد
لابسه فستان اصفر هااادديي الفستان اوف شولدر من قدام لحد الركبه ومن ورى طوييلل لابسه هيلز فضي عااللييي ومتمكيجه مكياج سمح وفاكه شعرها
جات سلمت علي ابو غيث قاليها ربنا يحفظك ايه من الجمال وسلمت علي امها قامت وباستها وخالاتو برضو سلمت علي غيث غمز ليها فكت يدها سريع قبل ما ابوها يقوم يشلتها وقعدت
عمو عبدالرحمن... اسيه حبيبتي انتي عارفه انه غيث اليوم طلب يدك علي سنه الله ورسوله انتي شو رأيك
اسيه....البتقولو يا بابا
كلهم ضحكو
عمو عبدالرحمن....معناها نقرا الفاتحه علي بركه الله قرينا الفاتحه وقعدنا نزغرد وصورتهم كلهم
وصورت اسيه مع ام غيث وابوهو
قعدو لحدي المغرب بعدين طلعو
طبعا يا جماعه ابو غيث وغيث قابلو عمو عبدالرحمن اول ما جا السودان واتفقو علي اي شي لكن دي رسميات وعادات وكده
بعد ما مشو نحن ياداب ارتحنا كده وابو اسيه وامها جو باركو ليها وكده
طلعنا الغرفه كلنا غيرنا وشلنا تلفوناتنا
رسلت الصور لي غسان
غسان....يا الله ياخ ياريت لو كنت معاكم كلكم كنتو حلوين شددددديييييييد
اموت انا في الفسفوري
قلت ليهو بطل تفاها😂😂😂😂
غسان... بالمناسبه الهدوم القصيره دي بعدين كتري منها فالبيت
قلت ليهو غساااننن انت انحرفففتتتت يا تافه اقطع وشك مني تاني ما برسل ليك صورة لي
غسان....لا والله اسف خلاص متزعلي
قلت ليهو رمه
طبعا اسيه تنزل في صورها هي وغيث وتتظارف في الاستوريات وكده
اسيه...اسمعو بكره بنات اهلي جاين ما تدوهم وش نهائي بكرهم شديد
سارا....لي مالهم
اسيه...متكبرات وحيحاولو يصاحبوني وكده لكن انا ما شغاله بيهم
قلنا ليها كويس مشيت قعدت جمب اسيل قلت ليها عان غسان لمن شاف الصور قالي شنو طبعا ماتت من الضحككك
قلت ليها ياخ اسكتي لي بتعملي كده
اسيل...😂😂😂😂😂😂😂اقول شنو لكن عادي حتى مجد مرات بفلت كده
قلت ليها غايتو انتيييي
اليوم التاني صحينا علي جوطه في البيت صحينا كلنا وطبعا انا واسيل وسارا عشان في بيت اسيه وكده طوالي لابسين بناطلين وتشيرتات طويله
المهم اسيه وسارا نزلو وانا واسيل رتبنا الغرفه بعدين لحقناهم لقينا بنات اهلها واولاد اهلها وخالاتها وعماتها كتير شددددييييييييدددد ماشاءالله تبارك الله
والبنات زي ما اسيه قالت يجرو ويتحاضنو فيها ونحن يسلمو علينا بي طرف يدهم لكن اااا وين يااا زول شغال بيهم ماف بالعكس انا واسيل واقفين ونعلق فيهم وفي مياعتهم واسيه شكلها ما طايقاهم اصلا😂😂😂😂😂😂😂😂
انا تلفوني اتصل لقيتو غسان وفيديو كول كمان رديت وطلعت فوق قلت ليهو اها مالك
غسان...ما تطولي لسانك انا في مكان الفساتين جبت فستان اسيه يلا انتي اختاري وخاتي لي الكاميرا علي الفساتين طبعا انا مستحيل اقدر اختار كده بقيت بعاين ومحتاره قام قفل الخط في وشي اتخيلو بس😂😂😂😂😂😂😂😂
رسل لي في الواتس اسم الاكاونت حقهم في الانستا وقالي سريع خشي اختاري وانا علي حسب لون فستانك حختار البدله
دخلت الاكاونت وبقيت حايمه في النهايه في واحد عجبني الف رسلت ليهو الصوره وقفلت النت
ونزلت تحت بقينا نجيب في العصير ونقدم الحاجات وكده
