جنه احلامى

الفصل الثانى عشر

********الفصل الثانى عشر*********

عند جنا ذهبت على بيت ميرنا ودخلت وهى باين على وشها الاجهاد والتعب
ميرنا بقلق: مالك ياجنا
جنا بتعب : انا تعبت اوووى ياميرنا الدنيا جايه عليا بزياده
ميرنا : ليه بس ياحبيبتى ايه ال حصل تانى
جنا بدموع : شوفته تانى بعد السنين دى كلها شوفت اكتر انسان كسرنى فى حياتى
ميرنا بصدمه: مراااد !!!
جنا : سى زفت ظاهر يقولى انا اسف فاكرنى هنسه كسرته ليا
ميرنا : قابلتيه فين وازاى ؟؟
جنا: قبل ماأدخل الشركه خبط فيه وياريتنى مابصيت فى وشه
ميرنا : ان شاء الله مش هتشوفيه تانى
جنا : المشكله انه لما شوفته النهارده فتح جروح زمان ماصدقت أقفلها
ميرنا بحزن على صديقتها : معلش حبيبتى حاولى تنسى المهم عملتى ايه مع عمر
جنا بعصبيه وبدموع : كانت ناقصاه سى زفت كمان بيهددنى بإخواتى علشان اتجوزه
ميرنا : مش انتى نزلتى الشغل عايز منك ايه تانى
جنا : قالى صرفت نظر عن موضوع الشغل ده اختارى جوازك منى قدام اخواتك
ميرنا : وانتى هتعملى ايه هتتجوزيه ياجنا
جنا بدموع اكتر : مش عارفه ياميرنا مش عارفه حاسه ان متلغبطه دول اخواتى عارفه يعنى ايه إخوتى
ميرنا بحزن : متزعليش ياحبيبتى ان شاء الله خير متخافيش
جنا بدموع : ياااارب يااااارب انا داخله اغير هدومى واصلى
ميرنا : ماشى حبيبتى جنا قامت وميرنا دخلت غرفة والدتها
ميرنا بدموع : وحشتينى اوووى ياماما اوووى وفاقت من دموعها على على صوت هاتفها وكان المتصل زياد
ميرنا : سلام عليكم
زياد : عليكم السلام اخبارك ايه
ميرنا : الحمد لله تمام
زياد : الحمد لله ايه مش ناويه تنزلى الشغل بقا
ميرنا بدموع : ملوش لازمه بقا انا كنت شغاله بس علشان خاطر علاج ماما وهى راحت خلاص
زياد مسرع : بس الشغل هينسيكى حاولى تنزلى واتغيرى جو
ميرنا وهى دموعها : ان شاء الله
زياد : محتاجه اى حاجه اجبهالك
ميرنا بخجل : ميرسى جدا يازياد على وقفتك جمبى مش عارفه اقولك ايه
زياد : متقوليش حاجه اهم تكونى مرتاحه
ميرنا : تسلم انا هاقفل بقا
زياد بابتسامه : مع السلامه
ميرنا : سلام

فى شركه نصار

عمر بيلملم اغراضه وخارج من المكتب قابل زياد
زياد : ايه ماشى بدرى ليه النهارده
عمر : ياعم هو انت امى بتسالنى رايح فين وجاى منين انا رايح الفيلا علشان ورايا ميعاد
زياد بغمزه : ميعاد من ورايا
عمر : مش المواعيد ال انت عارفهم وبغموض ميعاد تانى خالص
زياد : ماشى تمام انا رايح اشوف شغلى
عمر : ماشى وسابه ومشى وهو خارج من الشركه حد نده عليه
مراد : استاذ عمر
عمر باستغراب : انت مين !!!
مراد بخبث : انا موظف جديد هنا وكان نفسى اتعرف عليك جدا
عمر بعدم اهتمام : اهلا انا ماشى علشان مستعجل وسابه ومشى
مراد بمكر : بكره تقع تحت ايدينا والباشا يتصرف معاك

عند ملك مروان دخل عليها

مروان : ملك ملك ملك ملك مللللللك
ملك : ننننننعم عايز ايه انا ماوريش غيرك
مروان : اخس عليكى يالوكه بقولك هاتى رقم صاحبتك
ملك : انا قطعت علاقتى بيها
مروان بصدمه : نننننننعم
ملك : ههههههههه انت صدقت يامارو انا بلعب بمشاعرك بس
مروان بغيظ : تصدقى انتى عيله رخمه انجزى بقا وهاتى رقمها
ملك بخبث : ليه يالئيم
مروان : انجزى يابت من غير اساله
ملك بعند : طب مش هديك حاجه
مروان بشراسه : انجزى يابت انتى انا هتحايل عليكى ولا ايه
ملك. بخوف : احنا اسفين ياصلاح مالك اتعصبت كده يامارو
مروان : مفيش انجزى بقا وهاتى الرقم والا
ملك : مفيش والا خد الرقم اهو ياخويا وحل عن دماغى بقا
مروان بفرحه : شكرا يالوكه وخده وراح اوضته
ملك :هههههههه مجنون وربنا
وفجأه جه فى بالها ال انقذها من كريم وبعد كده نفضت الافكار من دماغها وقالت :
انا مش عايزه افكر فى حد تانى كفايه ال حصلى من الزفت كريم
عند مروان ذهب غرفته وطلع هاتفه ودخل فيه رقم ميرا
وانتظر الرد
ميرا :الو
مروان : الو ازيك ياانسه ميرا انا مروان أخو ملك
ميرا بكسوف وتسائل : اهلا استاذ مروان بس انت جبت رقمى منين
مروان : اخدته من ملك اصل انا استنيتك تردى عليا ومردتيش
ميرا : الصراحه يامروان انا مش مرتاحه للموضوع ده وبعدين انا عمرى ماصاحبت
مروان : دى مسمهاش صحوبيه ده تعارف بس لحد اخر الشهر ده بعد التخرج واتقدملك
ميرا بتردد : مش عارفه
مروان : متخافيش ياميرا حاولى معايا ومش هتندمى
ميرا : م ماشى
مروان بفرحه : بجد طب ينفع نتقابل بكره بعد الجامعه
ميرا : بس ممكن اتاخر
مروان : متخافيش مش هتتاخرى نتغدا سوا وامشى
ميرا : ماشى
مروان : سلام
ميرا : سلام