جنه احلامى

الفصل الرابع عشر

*******الفصل الرابع عشر*********

فى المساء فى فيلا نصار

عمر فى غرفته بيضحك بانتصار وقال فى نفسه : وقعتى فى ايد ال مبيرحمش ياجنا وخلص لبسه وكان فى منتهى الوسامه مز من الاخر😍
نزل عمر وكان فادى وميرا مستنينه تحت
عمر : ها خلصتوا
فادى باستغراب : انا مش عارف ايه ال حصل اول مره اشوف جواز بالطريقه وكمان مين هيتجوز عمر ده القيامه هتقوم ياجدعان
عمرا : ليه يااخويا شايفنى قله ولا ايه
فادى بغمزه : بس مين دى ال وقعتك يالئيم
عمر بغرور : انا محدش يوقعنى ياحلو انت فاهم
ميرا : اصل البت مزه يافادى عارف تبقى مين اخت ملك
فادى اول لما سمع اسم ملك قلبه دق جامد
فادى بفرحه : يعنى احنا رايحين عندهم دلوقتى ومكمل بمزاح وقعت واقف ياعمر
ميرا : عندك حق يافدووش
عمرا : يلا انتم هتحفلوا عليا فين بابا وماما
فادى : نزلين دلوقتى
كامل نصار وزوجته نزلوا
فادى بيصفر باعجاب : ايه ده احنا عندنا عريس وعروسه تانى ولا ايه
سميره : اخرس ياولد
ميرا : لاء ياماما عنده حق انتى احلى منى انا شخصيا
كامل : عندكم حق ياولاد والله
سميره بكسوف : خلاص بقا يلا نمشى علشان منتأخرش
عمر : يلا وخرجوا كلهم
كامل اخد زوجته فى عربيه ومشيوا وميرا هى وفادى ركبوا مع عمر فى عربيته

فى شقة مهاب الحسينى

جنا قاعده فى غرفتها بتعيط وميرنا معاها
ميرنا : يابنتى اهدى حد قالك هتروحى معاه دلوقتى
جنا بدموع : مش عارفه ياميرنا قلبى مقبوض
ميرنا : يختتاااااى يابنتى اهدى ومتخافيش وانتى زى القمر كده (جنا كانت لبسه فستان ازرق عليه نجوم وحجاب ابيض وبسيط من مساحيق التجميل وكانت ايه فى الجمال)
جنا : يابنتى بقولك قلبى مقبوض وفجأه سمعت حد جه بره
جنا بخوف : ميرنا ده جه جه ياميرنا
ميرنا : يابنتى هو عزرائيل
جنا : اكتر والله
فى الخارج مهاب سلم على كامل وزوجته واولاده ورحب بيهم جدا ماعدا عمر سلم عليهم بغرور
ودخلوا قعدوا فى الصالون
مهاب : اهلا وسهلا نورتوا
كامل بابتسامه :ده نورك والله
مروان قاعد عينه هتطلع على ميرا وميرا قاعده بتحاول تبعد بنظرها عنه
ده غير فادى قاعد مستنى ملك تدخل بفارغ الصبر
سميره : مش هتجبولنا العروسه ولا ايه
نبيله : طبعا هاقوم اندهلها وقامت تنادى لجنا ال كانت فى غرفتها ومعاعا ميرنا وملك
نبيله دخلت عليهم يلا يابنات اخرجوا يلا ياجنا
جنا بتوتر وضيق : حاضر  وخرجت مع والدتها دخلت هى الاول الكل انبهر بجمالها واولهم عمر بس طبعا كبرياءه منعوا ان يبين حاجه
سميره : بسم الله ماشاء الله قمر ربنا يحفظها
جنا بخجل : ميرسى ياطنط
عمر كان بيبصلها نظرات مش مفهومه
جنا : كانت بتبصله بتحدى
ملك اول لما دخلت جريت وقفت جمب ميرا
ملك بفضول : تفتكرى ايه ال هيحصل
ميرا : شكلهم ميطمنش تحسيهم هيقتلوا بعض كده
ملك وهى تكتم ضحكتها : خلينا نشوف وبصت نظره على فادى ال من ساعة مادخلت وهو مشالش عينه من عليها
عمر ابتدا يتكلم بهدوء مميت : انا النهارده جاى علشان اكتب الكتاب علطول
الكل بصوا لبعض فى صدمه واولهم جنا ال بصت لابوها وامها وملك وميرا بصوا لبعض
مهاب : مش شايف ياابنى انك مستعجل شويه
عمر ببرود : والفرح هيبقا بعد الامتحانات
كامل : بص ياحاج مهاب انا عارف ان كل حاجه جت بسرعه بس لما يكتبوا الكتاب هيبقى براحتهم بدل الخطوبه
مهاب : مش عارف والله ياحاج الراى راى العروسه وبص لجنا
ال كانت بتكلم نفسها بغيظ : ماشى ياعمر الكلب والله لعيشك اسود ايام حياتك
عمر بسخريه : عروستنا سرحانه فى ايه
جنا بصتله بغيظ وبعدين بصت لأبوها ال كان بيسالها
مهاب : ها ايه رايك ياجنا
جنا بتبص لعمر ال كان بصصلها بصه كلها تهديد ووعيد
جنا بتحدى اكبر : موافقه
مهاب : بس لسه هنتصل بالمأذون على لما يجى
عمر : لاء انا عامل حسابى وفجأه جرس الباب رن
عمر بثقه: جاى فى ميعاده
ميرنا قامت تفتح كان زياد ومعاه المأذون
زياد بمرح : اوعوا تكونوا كتبتوا الكتاب من غيرى
فادى : انت عبيط ياابنى انت ال جايب المأذون
زياد : اه صح ايه الغباء ده
وبعد كده بص لميرنا ال كانت واقفه وبهمس : ازيك ياميرنا
ميرنا بكسوف : الحمد لله
جنا قاعده مذهوله من السرعه دى
وتم عقد القران على خير منهم ال فرحان ومنهم المندهش ومنهم المتغاظ وطبعا انتم عارفين مين المتغاظ😂