جنه احلامى

الفصل الثالث والعشرون

************الفصل الثالث والعشرون************

فى صباح اليوم التالى

فى فيلا عمر نصار

عمر استيقظ وقام اخد شاور ولبس علشان يروح الشركه
فى الوقت ده جنا استيقظت
عمر : صباح الجمال
جنا بنعاس : صباح النور انت رايح الشركه
عمر بغمزه : اه ولا انتى عايزانى اقعد
جنا وشها احمر من الخجل : ل لاء انا بسال بس
عمر : ماشى بقولك
جنا : نعم
عمر : زياد هيروح يتقدم لميرنا هيطلبها من اهلك وهى مصممه تبقى معاها
جنا بفرحه : بجد انا فرحتلهم اووى
عمر : تمام لما اجى هاوديكى
جنا : ماشى ياحبيبى وفجأه استوعبت ال قلته وداست على شفايفها
عمر قرب منها وقالها : قولتى ايه
جنا بتوتر : م مقولتش ح حاجه
عمر : قولتى ايه
جنا : مقولتش وقامت تجرى دخلت الحمام وقفلت الباب وحطت ايدها على قلبها وقالت يلهووووي انا ايه ال قولتوا ده وابتسمت بعدها
عمر لما هى جريت ضحك عليها وخرج من الغرفه ونزل من القصر بأكمله

فى احدى المناطق الشعبيه

اميره : بابا يابابا انا خارجه
والدها : راحه فين يابنتى على الصبح
أميره بحزن : هاروح اشوف شغل كده يابابا ادعيلى
والدها : ربنا معاكى يابنتى ويوقفلك ولاد الحلال
أميره : يارب وخرجت من البيت وهى نازله لقت حسام كان واقف بعيد استغربت
حسام : صباح الخير
أميره باستغراب : صباح النور حضرتك بتعمل ايه هنا
حسام بتردد : ك كنت عند واحد صاحبى
أميره : صاحبك هنا
حسام : أ ا ه هنا انتى راحه فين
أميره : راحه اشوف شغل
حسام : طب تعالى اوصلك المكان ال انتى عايزاه
أميره بتوتر : مالوش لزوم علشان معطلكش
حسام : لاء انا النهارده مش رايح الكليه
أميره : م ماشى وركبت معاه

فى فيلا عمر نصار

جنا مسكت هاتفها وكلمت ميرنا
جنا بمزاح : واطيه يابسنت
ميرنا بضحك : مالك على الصبح يابسنت
جنا : بقا ياواطيه زياد هيجى يخطبك وانتى متقوليليش
ميرنا : اهدى يامنار ده انا شرطى الوحيد انك تبقى موجودى
جنا : روحى ياروحى هجيلك لما عمر يجى
ميرنا : ايوه ياعم ماشيه معاك حلاوه
جنا : بطلى قر يابت انتى اقفلى بقا وروحى اجهزى
ميرنا : ماشى يامزه سلامووز
جنا بضحك : سلام ياهبله
وقفلت الفون لقت فونها رن برقم غريب
جنا باستغراب : سلام عليكم
الشخص : بقولك ايه من غير كلام كتير السنيور بتاعك قاعد دلوقتى فى الشركه مع الاموره بتاعة زمان
جنا ودموعها تنزل فى صمت الفون وقع منها فى الأرض وقامت لبست وخرجت تجرى وهى بتدعى ربها يطلع الكلام ده كله كدب

عند حسام واميره

حسام : احم بقولك ياأميره هو انتى مرتبطه
أميره باستغراب من سؤاله : لا
حسام بارتياح : الحمد لله
أمير بدهشه أكبر : مالك مرتاح كده
حسام : بصراحه كده ياأميره أنا معجب بيكى وعايز اجى اتقدملك
أميره بصدمه : مين انا !
حسام بتأكيد : ايوه انتى ياأميره ها قولتى ايه
أميره بارتباك وخجل : انت فاجئتنى بالموضوع ده
حسام : ادى لنفسك فرصه وانا كمان ومتقلقيش انا هستناكى
أميره بتوتر : ا ان شاء الله