Part-14 (ကျွန်တော့်နှလုံးသား)

540 59 2
                                    

For Unicode
ကျွန်တော့်နှလုံးသား

သခင်လေးပြောလိုက်သည့် စကားသည်နားထဲမှ မထွက်သေး..။ ပြန်လည်ကြားယောင်တိုင်းတွင် စိတ်ထဲ၌ အလွန်ကြည်နူးနေမိသည်။ တန်ဖိုးရှိကျွန် ဟုသဘောထားရုံထက် မိမိကိုအဆုံးရှုံးအပျက်စီးမခံနိုင်ကြောင်းဆိုလာခဲ့သည်လေ..။ သခင်လေးသည် မိမိအားတန်ဖိုးထားကြောင်း သိရရုံမျှနှင့် အလိုလိုပျော်ရွှင်ကြည်နူးလာရသည်။ မိမိ၏ပျော်ရွှင်မှုမှာ သခင်တစ်ယောက်မှ ကျွန်တစ်ယောက်ကို ချီးကျူးစကားပြောဆိုသည်ကြောင့် ဂုဏ်ယူနေသောအပျော်မျိုးမဟုတ်။

မိမိတန်ဖိုးထားသူက မိမိအားပြန်လည်တန်ဖိုးထားသည်ကို သိလိုက်ရသောကြောင့် ပျော်နေသည့်အပျော်မျိုးပင်။ မိမိမြတ်နိုးသူက မိမိကိုပြန်လည်မြတ်နိုးသောကြောင့် ပျော်နေသည့်အပျော်မျိုးဖြစ်သည်။

မြတ်နိုးသူလို့ ကျွန်တော်သုံးနှုန်းလိုက်လေသလား..။ တကယ်ရော ကိုယ်ကမြတ်နိုးနေတာလား.. မြတ်နိုးဖို့‌ရော အခွင့်အရေးရှိပါ့မလား။

သူသည် မိမိ၏သခင်တစ်ပါး..။ မိမိသည် သူ၏အစေခံကျွန်တစ်ယောက်။ အဆင့်အတန်းကွာခြားသည့် မိမိတို့နှစ်ဦးကြား ချစ်ခြင်းမေတ္တာသည် အကျုံးဝင်နိုင်မည်လော။ ပို၍ခက်ခဲသည်မှာ မိမိတို့သည် အမျိုးသားများသာဖြစ်သည်။ အမျိုးသားနှစ်ဦးကြား ချစ်ကြိုးသွယ်ခြင်းမှာ ဖြစ်နိုင်မည်လော။

ကျွန်တော့်စိတ်တွေ တကယ်ဖောက်ပြားနေပြီပဲ။ ကျွန်တစ်ယောက်အနေနဲ့ မမျှော်လင့်သင့်တာကို မျှော်လင့်ခဲ့မိသလား။ အမျိုးသားတစ်ဦးအနေနဲ့ မမျှော်လင့်သင့်တာကို မျှော်လင့်ခဲ့မိသလား။

မဖြစ်ဘူး.. ကျွန်တော့်စိတ်တွေဖောက်ပြားနေတာကို သခင်လေးသိရင် သဘောတွေ့မှာမဟုတ်ဘူး။ အမျက်ဒေါသသာ လောင်ကျွမ်းလိမ့်မယ်။ ကျွန်တော့်စိတ်ကိုကျွန်‌တော်တားဆီးမှ သင့်တော်လိမ့်မယ်။

ရိုးသားစွာချစ်ခြင်းအား အမျိုးသားနှစ်ဦးဟူသောသတ်မှတ်ချက်ကြောင့် ဖွင့်ဟ၍မရ။ ဝန်ခံ၍မဝံ့မရဲသော ထိုခေတ်ကာလတွင် နန္ဒတစ်ယောက်.. အတော်ကိုပင်အခက်တွေ့ရသည်။

Amiss Prayer (Zawgyi&Unicode) [Completed]Kde žijí příběhy. Začni objevovat