لينظر لها بإبتسامة ويقول
آسر: في حد غيرها بره؟
سها: في٣ شباب بنتين وولد
آسر: ودول جايين ليه؟
سها: حضرتك كنت طالب شباب عشان يشتغلوا في قسم التصميم وكمان يساعدوا في الوظائف المختلفة
آسر: في غيرهم؟
سها: لأ مفيش دول بس وساره، وكان عندك اجتماع مع الرئيس التنفيذي لشركة آدم الصياد، واجتماع تاني بخصوص أخر النماذج اللي هننتج عليها المشاريع الجايه
آسر وهو يبتسم بظُفِرٍ
آسر: تمام، دخلي الشباب، وبعد أما اخلص معاهم هروح علي الاجتماع وبعد أما اخلص ابقي تعاليلي عشان اقولك تدخليها ولا لأ
سها: تمام بس...
آسر: بس ايه؟
سها: هسيب انسه ساره بره كده لحد أما حضرتك تخلص!؟
آسر وهو يرجع بظهره ليستريح علي الكرسي ويشبك اصابعه ببعضهم البعض
آسر: اه هتسيبيها ومش هتدخليها الا لما تقوليلي
سها: طب اقولها ايه دلوقتي؟
آسر: اخترعي اي حاجه
سها: طب ازا...
ليقاطعها هدير آسر بها وهو يقول لها أن تخرج
آسر: بره يا سها
سها: تمام يا آسر بيه، عن اذنك
_في الخارج..
ساره: ها ادخل؟
سها: هو انتي هتستني شويه وبعدين تدخلي
ساره: ليه؟
سها: ها، اصل اصل ؛ اه في ناس كانوا واخدين معاد قبلك وكمان عنده إجتماع بعد الناس دي وانتِ مكونتيش في الجدول بتاع آسر بيه فهتقعدي شويه علي أما يفضي
ساره: تمام، بس ياريت تقوليلي اما دوري ييجي
سها: تمام
ساره: إلا بقولك، فين الكافيتريا اللي هنا ؟
سها: الكافيتريا اللي هنا، هتمشي طوالي بعدين هتخشي يمين هتلاقيها في وشك علي طول، بس
ساره: بس ايه؟
سها: الكافيتريا دي مخصوص لآسر بيه لو عاوزه حاجه ممكن تنزلي تجيبيها من تحت
ساره وهي تهم بالنهوض والذهاب الي نفس الكافيتريا التي في نفس الدور
ساره: هنا عن تحت ايه يعني
ثم تبتسم بظفر ' يا انا يا انتَ '
لتسمع صراخ سها وهي تنادي عليها ' استني رايحه فين دي بتاعت آسر بيه ' لتقرر اللحاق بها لتسمع صوت آسر يناديها لتقول في نفسها ' اوف طب اروح هنا ولا هنا، وأنا مالي كأني معرفش انها راحت' لتلتف للذهاب الي آسر
_في المكتب ...
سها: ايوه يا آسر بيه
آسر: ابعتيلي آدم وخليه يجيب معاه عقد الشراكه بتاع آدم الصياد
سها: تمام يا فندم، حاجه تانيه؟
آسر وهو مازال مطلعًا في أوراقه
آسر: قولتيلها ؟
سها: هي مين؟
آسر وهو ينظر لها وهو مازال متئكًا علي المكتب
آسر: انا عايز اللي يشتغل معايا يشغَّل دماغه، ماشي يا سها
سها: مماشي، ايوه قولتلها
آسر: وقالتلك ايه؟
سها: قالتلي ماشي وأما دورها ييجي أبقي أنادي عليها
آسر: تنادي عليها ليه؟ هي راحت فين؟
سها: ها، راحت الكافيتريا
آسر: معاكي رقمها؟
سها: لأ، ليه؟
آسر:هتنادي عليها ازاي، هتنزلي ٢١ دور عشان تنادي عليها يعني
سها: لأ، مهو..مهو ..احم يعني هيا مش يا يعني..
آسر وهو ينظر لها مع رفع احد حواجبه
آسر: انتِ بتتأتأي ليه، هي ايه؟!
سها: بصراحه هي راحت الكافيتريا اللي هنا منزلتش تحت
آسر: الكافيتريا اللي هنا نهي؟
سها وهي تبتلع ريقها
سها: بتاعت حضرتك
ثم اخفضت رأسها
آسر وهو يبتسم لينهض من علي المكتب ليقف في شرفة المكتب
آسر: بقي كده، أما نشوف يا أنا يا انت انهارده
ليلتفت لها مره اخري ويعود إلي المكتب
آسر: اتفضلي انتِ اعملي اللي قلتلك عليه واما تيجي تقوليلي
سها: تمام يا فندم، عن اذنك
آسر: اذنك معاكي
ليبتسم مره اخري وهو يعاود النظر في الأوراق
_في الخارج ..
سها: جايَّلنا منين البت دي،اوف يارب بقي أنا كان مالي ومال الشغلانه دي
لتفزع من مكانها علي صوت هذه الفتاة وهي تقول لها "هي مين؟"
سها: بسم الله الرحمن الرحيم، بيطلعوا امتي دول
روان: هي مين، هي مين ونبي ونبي قوليلي
سها: السكرتيره الجديده ابعدي بقي عشان ودني اتخرمت
روان وهي تسأل بتعجب
روان: ساره؟!
سها: ايوه، تعرفيها منين؟
روان: دي صديقي الصدوق يا بنتي، هي فين صحيح؟
سها: بجد!، هي راحت الكافيتريا
روان: اهئ اهئ، انا لسه هنزل ٢١ دور ياما اهئ
سها: لأ، هيا في الكافيتريا اللي هنا منزلتش تحت
روان وهي ترمش بعينيها عدة مرات
روان: فين ياختي، انا معدليش دعوه بالبت دي، رميت طوبتها خلاص
سها وهي تضحك
سها: ماشي، اه صحيح كنتِ جايه ليه؟
روان: اه، كنت جايبه الورق ده
ثم مدت لها يدها لكي تأخذ الورق
سها: تمام، انا اصلاً كنت هكلمك عشان تجيبي الورق ده، بس آسر كان عايز آدم
روان: آدم مشي من ساعه كده وقالي أخلص الورق واجيبه
سها: تمام، خلاص هديله الورق وابقي أكلمك لو احتجت حاجه
روان: ماشي، اما أروح أشوف البلوة اللي مصحباها لتكون عملت مصيبة
سها: ماشي، سلام
روان وهي تودعها بظهرها
روان: سلااام
__________
تشااااو
ياتري ويا هالتري ساره عملت ايه ..؟
_ سُــو ..🌸
أنت تقرأ
"والقلبُ وما حوىٰ ."
Romanceلِمَ رَحْلَّتَ وَتَرَكْتَنِي؟ لِمَ خَالَفْتَ وَعْدَكْ وَهَجَرَّتَنِي؟، ألَمْ تَقُلْ اَنَّكْ لَنْ تُذِيقَنِي عَذَابَ (الْفُرَاقِ )!، وَلَكِنْكَ خَالَفْتَ هَذا الَوَعَّدَ، لَكِنْ انَا لَنْ اَنْتَظِرُكَ، لَنْ اَبْقَى اَحْلُّمُ بِعَوْدَتِكْ، لَنْ اَذْرُ...
