#ماضي_لا_ينتهي
#بوسي_مصطفى
_____الحلقة ٣١_____
ليلى في التليفون 📞
ليلى : بقولك هي يا سليم
انا متأكده
سليم : ايوه يعني ايه المطلوب
دلوقت مش فاهم
ليلى : ناخد البنت نسلمها ل أهلها
سليم : اوكيه اتصلي ب البوليس
ولا اديني العنوان وانا اللي هتصل
ليلى : لو بلغنا البوليس ممكن يأذوا البنت
سليم : مش فاهم انتي بتفكري في ايه يا ليلى
بالظبط
ليلى : اروح انا اجيبها
سليم : نعم !
ودي بقى هتعمليها ازاي
ليلى : الموضوع محتاج تخطيط وانت لازم تبقى معايا
لما تيجي بالسلامة بقى
ولو اني خايفه على البنت اوي
سليم : ليلى انا هبات الليلة في مرسي مطروح.
ليلى : ليه يا سليم
سليم : اخدنا وقت في تسجيل الحلقة ولسه بكره
كمان
هرجع بكره بقى
ليلى : ترجع بالسلامة يا حبيبي
خد بالك من نفسك
سليم : انا اللي عايزك تاخدي بالك من نفسك
يا ليلى
علشان خاطري يا حبيبتي
ليلى : حاضر يا حبيبي متقلقش سلام.
سليم : مع السلامة.
________
في المساء في شقة هيثم
هيثم : اظن بقى طالما سمعتي ماما قالت ايه
اكيد بقى سمعتي ردي.
رانيا : ايوه بس انا عايزة افهم ايه وجهة نظر مامتك
في قعاد ميار هنا
يعني هي مش عارفه إن ميار مبطقنيش وعايزة
اي فرصة علشان تخرب بيتي
مامتك ليه بتعمل معايا كده
دا غير ان مروة كمان زعلانه من الحوار دا
وليها حق كمان تزعل ما هو الموقف اللي عملته ميار
دا كان وحش اوي وكان ممكن الجوازه كلها تتفركش
بسببها.
هيثم : رانيا علشان خاطري مش عايز اتكلم في الموضوع
دا كان مجرد كلام ماما قالته
ميار لسه في بيتها مجاتش وقعدت معانا هنا
ويوم م يحصل هاخدك انتي والولاد ونشوفلنا شقة بره
مش هغلب يعني
وحاجه كمام لازم تكوني واثقه منها
انا استحالة اغلط الغلطه دي تاني
اكيد فاهمه انا اقصد ايه
رانيا : ايوه يا هيثم بس
يضع هيثم ايده على بوقها.
هيثم : قولنا ايه
رانيا : خلاص... اوكيه مش هجيب سيرة الموضوع
دا خالص
هيثم : عين العقل يا حبيبتي.
__________
في شقة عدي
عدي : هههههههه عايزة تشتغلي
رهف : و ايه بقى اللى يضحك في الموضوع دا
عدي : الغريبه انك عايزاني انا اشوفلك شغل
رهف : خلاص هنزل أدور أنا
عدي : هههههههه لا اقعدي رايحه فين
رهف : هجيب ازازة مياة عطشانه هههههههههه
يحدفها عدي بالمخده تتيجي في وشها
رهف : على فكرة جات فيه
عدي : م انا قاصد ده
رهف : يعني بتعترف انك قاصدها
تمام اوكيه
بس متلومش غير نفسك بقى
عدي : عارفه يا رهف لو عملتي مقلب من مقالبك
دي
ايه اللي هيحصلك
رهف : انا برضو اللي بعمل مقالب؟؟!
هروح اشرب واجيلك
عدي : هكون نمت
رهف : لا اوعي علشان في خبر مهم جداً لازم تعرفه
عدي : لو خبر حلو هستني
رهف ' هو حلو بس معرفش بالنسبالك هيبقى ايه
عدي' ": شوقتيني
رهف في ايدها ازازة مياة وجات قعدت جنب عدي
وبتشرب.
عدي : ها بقى ايه هو الخبر
رهف : مش عارفه اشرب يا عدي
عدي : هههههههه اشربي يا حبيبتي.
رهف : الحمد لله
اسمع بقى.
عدي : اتفضلي يا روحي.
رهف : شوف دا كده
عدي : ايه دا؟؟
رهف : مش عارف ايه دا؟؟
عدي : اه دا تيست حمل.
رهف : بالظبط.
عدي : ايه دا هو حصل؟؟
رهف : ليه الدهشة اللي اترسمت على وشك دي؟؟!
يا ترى بقى فرحان ولا زعلان؟؟
عدي : معرفش.
رهف بحزن : خلاص يا عدي هات دا.
وقامت رهف وهي زعلانه.
عدي مسك ايدها وقعدها جنبه.
عدي : روفه انا خايف عليكي.
رهف : من ايه؟؟
عدي : يعني كنا أجلنا الموضوع دا شويه..
بس خلاص بقى اللى حصل حصل.
رهف : هي دي مبروك اللي بتقولهالي؟؟
احتضنها وهو بيطبطب عليها.
رهف وهي بتبكي : بعد ايه بقى؟؟!
عدي : لا بقولك ايه
انا اسمع إن الست في فترة الحمل دي بيكون
مودها مش تمام
مش هبتديها بقى..
رهف تخبطه : أنت ايه يا اخي مش عايز تقول كلمة
حلوة ابدا؟؟!
عدي : هههههههه مبروك يا روفه
لا مفاجأة بالنسبالي بجد
انا قولت قدامنا سنتين تلاته كده
ههههههههههههه معرفش إنه هيحصل بسرعة كده.
رهف : عدي انت فرحان بجد ولا بتقولي كده علشان
مزعلش.
عدي : حبيبتي انا فرحان طبعاً
كل الحكاية اني خايف عليكي
وانتي عارفه السبب.
رهف : انا قولت لماما وهي قالتلي على دكتوره
شاطره جدا هتابع عندها وهتظبطلي كل حاجه بقى.. متقلقش.
عدي : هههههههه اوكيه.
رهف : بتضحك على ايه.
عدي : هههههههه علشان هبقي اب.. مش مصدق.
رهف : يا سلام!!
عدي : انا بقول بالمناسبة السعيدة دي نطلب عشوة لذيذة
كده ونسهر مع بعض بقى.
رهف : والميزانية تسمح
يا حبيبيي؟؟
امسك ايدك شوية احنا جايلنا طفل ولازم نبدأ نحوش بقى.
عدي : ههههههههههه هحوش من بكره.. النهاردة اجازة.
رهف : بتتريق.
عدي : هو انتي كل يوم بتحلوي عن اليوم اللي قبله ولا انا بيتهيألي
تخبطه على إيده.
رهف : لا يا حبيبي دا اسمه استعباط ها..
عدي : طب انا غلطان.. تصبحي على خير.
رهف : ايه دا والعشا والسهر وكل الكلام دا راح فين؟؟
عدي : ملكيش نصيب بقى ..
رهف : خلاص انا اسفه قوم بقى.
عدي : سبيني انام بقى يا رهف.
رهف : خلاص حرمت مش هعمل كده تاني.
قوم بقى يا عدي وبطل اللي بتعمله ده.
عدي : التلاجه عندك كلي اللي نفسك فيه.
رهف : بس انا عايزة اكل غير اللي في التلاجة
عدي : خلاص خرجي فرخة واشويها دلوقت.
رهف : تعبانه مش هقدر.
عدي : والميزانية؟؟
رهف : نحوش من بكره
ههههههههههههه
عدي : طب هاتي التليفون.
تجري رهف تجيبه.
عدي : طب ما على مهلك بقى
انا مش ناقص لو حصل حاجه اروح بيكي فين دلوقت.
رهف : خلاص هاخد بالي بعد كده.
معلش لسه جديدة في الوضوع ده.
ههههههههههههه
عدي : طب هاتي بقى
واخد التليفون وطلب أكل.
بعد شوية
رهف : اتأخر صح؟؟
عدي : يعني مش اوي.
رهف : انا جوعت اوي.
ونظرت ل عدي.
عدي : ايه في ايه؟؟؟
رهف : دا صوت جرس الباب
وتجري رهف.
عدي : قولنا ايه؟؟!
رهف : خلاص هبقي اخد بالي.
عدي : وبعدين انتي خارجه ليه
مش مفروض انا راجل البيت وانا
اللي افتح الباب؟؟!
وسعي ب لبسك ده.
رهف : هههههههه
صحيح انا كنت هفتح الباب ب اللبس دا ازاي؟؟!
ههههههههههههه
____________
أنت تقرأ
ماضي لا ينتهي
Genç Kız Edebiyatı_______المقدمة ________ سرعان ما تمر الأيام وتمضي السنين. القصة تتحدث عن خمس أبطال لقصص قديمة دمجتهم مع بعض نبذة مختصرة عن ماضي كل قصة معانا :_ 💓ندى ومازن ندى من أسرة بسيطه احبها شقيق مازن الدكتور يوسف ولكن بعد معرفته بحب أخيه البشمهندس مازن ب...
