الجزء الاربعون.......
تاني يوم من الخطوبه غيث سافر وطيارة مجد وغسان العصر كده
نحن بي تعبنا حق امس جات سارا ساقتنا ومشينا المطار
صح انها ما اول مره ابعد من غسان لكن المره ده ما خليت دمعه ما نزلتها ما عارفه لي اتأثرت شددديد ياخ
وغسان كل شويه يمشي حبه ويرجع لي بالجد ما كنت قادرة افكو ياخ😥😥😥😥😥
فالنهايه بعد معانا مشا وانا الطريق كلو ابكي والبنات ساااكتتتيننن
رجعت البيت خشيت غرفتي طوالي عشان امي دي بتعرفني من وشي لو كنت ببكي كملت البكا حقي ونمت 😿😿😿😿❤
......................................................................
بعد مرور سنتين
الليله تخريجنا من الجامعه؟؟؟
الليله حنتوج جهد السنين وحنرفع راس اهلنا
الليله مشوارنا التعليمي انتهى وانتهت معاهو زكرياتنا خلاص كده؟؟
يوم التخريج اول فرحه بتمر علي الانسان في حياتو اليوم الحيكون واقف قدام الدنيا كلها ورافع راسو وبقول انا شلت شهادتي في يدي شوفوني
اليوم الحيعاين لي اهلو ويقول ليهم عاينو انا ما خذلتكم اي اليوم ده جا خلاص
لكن فرحتي حتكون ناقصه لانه غسان ما معاي حبيبي البكمل فرحتي ما حيكون معاي...😥😥💔💔💔💔💔💔💔💔💔💔💔💔💔
صحيت الصباح الساعه تمنيه كده استحميت ولبست فستان ابيض ساده لحد فوق الركبه بي حببببهههه ومن فوق اوف شولدر وطبعا راسمه في يديني وحركااتتتت شعري استشورتو وفكيتو وعشان الفستان ابيض سويت فل ميكب وروج احمرر وهيلز عالي احمر
جاتنا سارا ومرقت سارا لابسه فستان لونو بني محروققق طويييللل ومن فوق استرابلس عامله مكياج ترابي درررععههه
مشينا جبنا اسيل😱😱❤❤❤❤
كانت لابسه فستان لونو اسود قصتو من الصدر شكل قلب وهو ماسككك لكن من الخصر فاري ولحد الركبه بس
كانت حلللللووةة😥❤❤❤❤❤❤
اسيه المتخلفه لابسه ليها فستان سماوي وفيهو فراشات صغيره بي نفس اللون بس درجه اغمق وبرضو للركبه 😂😘😘😘😘😘😘
طبعا مجد وغسان ما حيجو عشان فتحو فرع تاني ومضغوطين شددديييييددد😥
المهم نحن قدرنا وضعهم مشينا الفندق الحيسو فيهو التصوير اول ما وصلنا ادونا الارواب ولبسناها واتصورنا وبعدين بدأو يعملو لينا الفيديوهات ويشيلو البيانات والكلام ده
اول ما المغرب اذن مشينا الصاله كانت كبيرههههه شددددديييييييد
وصلنا وطبعا بي زفه وبتاع
بقينا قاعدين والحفله طبعا بدت بعد زمن واهلنا والناس مباللللغغغغهههه
ارقامنا كانت قريبه لي بعض شدييييددد
اسيه رقم سبعه
سارا تسعه
اسيل حداشر
انا اتناشر
الحفله بدأت
وطبعا الصاله فيها مسرحين مسرح صغير بتقيفي فيهو بزيعوك وترقصي مع اصحابك الحولين المسرح وبعدين تتحركي علي المسرح الكبير الفيهو اهلك والدكاتره وكده
#المذيع طبعا كان واحد من الدفعه بنعرفو عشان كده بقول عننا كلام وكده
درست في المملكه الاردنيه الهاشميه
تحيه لي الشهاده العربيه😂😂😂😂
التحقت بجامعه المستقبل قسم الهندسه المعماريه
الام بكل الحب دينا محمد ابراهيم
الخريجه اسيه عبدالرحمن تيسير حلاوه
واشتغلت اغنيه بتاعت جنيت جنيت وقعدنا نرقص ونكورك بعدين اشتغلت يا ست الحبايب يا حبيبه واسيه مشت لي امها وقعدت تبكي وشالت شهادتها ونزلت
..................
المذيع...
درست بالمملكه العربيه السعوديه
(اي دفعتنا كلها شهاده عربيه)
ثم التحقت بجامعه المستقبل قسم الهندسه المعماريه
الام بكل الحب انتصار خالد طه
الخريجه سارا عمر محمد احمد
سارا كمان اختارت اغنيه لالا يا لا لا لالا يااا عرفتوها رقصنا معاها شددديد
وتاني اشتغلت اغنيه جنه الدنيا يا امي وتحت اقدامك مناي
ومشتت
...................................
المذيع....
درسه بمدرسه العالميه الابتدائيه ومنها الي المعالي الثانويه ثم الي جامعه المستقبل قسم الهندسه المعماريه طبعا يا جماعه فراشه الجامعه ونحنا نصففررر
الام بكل الحب عبير صالح محمد
الخريجه اسيل ايهاب عبد الرازق
اسيل اختارت اغنيه بتاعت علو علو الزاغاريد شهاده صارت بالايد
بعدين اغنيه الله علي دعوتك يما مشت واستلمت الشهاده واهلها نزلو عشان هي تتصور مع الدكاتره فجاءه نزلت من المسرح لقت مجد قدامها طبعا هي ما مصدقه بقت بتصصصرررخخخ شددديييد
مجد....اسكتي خلينا نسمع يارا اسكتي
..........
المذيع...
والله يا جماعه من دخلت الجامعه وهي عامله لينا جو كانت الضحكه بتاعت الدفعه
درست بمدرسه كيبس الابتدائيه
ومنها الي المعالي الثانويه ثم التحقت بجامعه المستقبل قسم الهندسه المعماريه وهي من دوله فلسطين المحتله💔
الام بكل الحب تغريد جميل احمد
الخريجه يارا يعقوب عايش الصعيدي
طبعا انا اخترت اغنيه اركب الطيارا يا جبررررههههه والناس دي حتتتتموووتتتت من الرقيص حتوهو حت نضيف
بعدين اشتغلت اغنيه انتي يا من تملكين جنة تحت القدم كل الفاظ لساني كل شكر قد رهن
والدي يا خير عون كان لي عند المحن
ومشيت سلمت على امي وابوي وببكي اعاين القا غسان واقف وبرفع لي حاجبو انا تلقائيا صرخت
ماما....ما تفضحينا يا بت مالك
اهلي نزلو وانا شلت شهادتي ونزلت طوالي
الدكتور يا بت حتى يوم تخريجك طايشه تعالي اتصوري
جيت اتصورت ونزلت لي غسان جرريييي
غسان...البكايه
قلت ليهو جيت متين ووين ولي
غسان...تعالي كدي مشينا وري المسرح لقيت مجد واسيل قاعدييينننن وغيث واسيه وسارا واقفه مقلقه
قلت لي غسان سارا مالها
غسان...اقفلي الروب ده قبل ما اجي اديك كففف تشوفي عشره عشره
قلت ليهو اخرس ما وقتك
مجد....😂😂😂😂😂😂حي يا غسان لي بسو ليك كده
مشيت لي سارا قلت ليها فشنو
سارا...تاج تلفونو مقفول من ساعه كده ما عارفه ليه حموت من الخوف حموت
قلت ليها ريلاكس حبي اصبري مشيت وريت غسان قالي اصبري احاول انا
بقا بحاول وكلنا قلقنا ومشينا بره جمب الصاله
انا واقفه جمب غسان في ولد مسكين هو والله جا جمبنا وعاين لي عادي
غسان...فشنو يا مان
الولد...ماف شي
انا واسيل متنا من الضحكككككك
قعدنا نحاول كلنا ندق لي تاج وسارا بدت تبكي واتوترت شديد بقيت بشاكل فيها قلت ليها بتبكي ليه متخلفه انتي
سارا...يارا هو بسوق بي سرعه لو حصل ليهو شي حموت انا
غسان...لا تموتي لا شي هدا ليهو جا
طبعا جاي مروق ولا كانو حاصل شي
غسان...ياخ دي قعدت تبكي من قبيل ما حرام عليك لكن
نحن طوالي دخلنا
قلت لي غسان تعال سلم علي ماما وبابا
وديتو يسلم وقعد مع بابا مساااافههه
انا مشيت اشوف اسيل وين لقيت خالتو عبير قبطت مجد وقااااععععددههه معاهو
مجد....يارا واسيل بس ثواني داير اتكلم مع خالتي براها
نحن قمنا ومشينا نشوف سارا واسيه
لقينا ليك اسيه المتخلفههه شايله باغت مويه وبترش في غيث جمب الصاله بره
اسيل...اعملي فيها ما بتعرفيها ما تعايني ليها
اسيه....سامعاك يا كريها اصبري
قلت ليها جاده انتييي؟؟؟
اسيه....قالي فستانك ما سمح والناس ضحكت فيك ما بخلي حقي😂😂😂😂😂😂😂😂😂😂
#عند سارا وتاج
تاج....بتبكي ليييهه يا قلبي
سارا بي صوت عالي...ما تقول لي بتبكي ليه انت لي مهمل كده انا كنت حموت من الخوف عليك عارف يعني شنو حموت اتخيلت لو حصل ليك شي انا كان حيحصل فيني شنوو
تاج اهدييي يعمري وحضنها وقاليها سارا انا بحبك
سارا مسكت فيهو شديد وانا زاتي بحبكك وبقو واقفين سوا
................................................................
مجد....خالتي انتي يمكن الموضوع ما جديد عليك يمكن الوقت ما مناسب لكن انا جاي من تركيا عشان اطلب يد اسيل علي سنه الله ورسوله
عمو ايهاب.... فجاءه كده يا ولدي
مجد....انا بحب اسيل لي اربعه سنين وانا شغال في تركيا والحمدلله بفضل الله عندي بيت وعربيه وشركه منها تلاته فروع
عمو ايهاب.... الله يزيدك يا ولدي خلاص تجي تتقدم طوالي
مجد...بس انا عندي منكم طلب بسيط
عمو ايهاب.... اتفضل يا ولدي
انا داير اجي يوم الاحد البكره ده اطلبها والجمعه العرس
خالتو عبير.... يا ولدي استهدي بالله كيف الكلام د لكن ما بنقدر صعبه
عمو ايهاب... انت تعال بكره وربك كريم
مجد....يا عمي انا عندي شغل كتيير والله ويعني قلت بكره نلبس الدبل وصحيح يا عمي لو حابب تسال مني وكده طوالي
عمو ايهاب.... انا من يوم جيت المستشفى لي بتي سالت منك وانا بعرف اسال منو بكره ان شاءالله بديك تلفون
مجد...خلاص تمام يلا انا امشي بعد كده
قام سلم ومرق
غسان اتونس مع بابا كتير شديييييييييييييييدددددد وابوي سالو من شغلو وكده وحبااهو شديد وبعدين مرق
نحنا بقينا واقفين بره كلنا وبتونس
اسيل...مجد ثواني دايراك في موضوع
مجد مشا ليها
اسيل... قلت شنو لي ابوي
مجد...ما قلت شي طلبتك بس والعرس الجمعه الجايه
اسيل....هههه ظريف ياخ جاده انا
مجد....اهظر معاك ليه والله بكره جاي اطلبك والجمعه العرس
اسيل....مجد انت لو جنيت وريني كيف تعمل كده بدون ما تاخد رأي بالسرعه دي
مجد....ما دايرا تبقي معاي؟
اسيل....مجد ما تقطع كلام من راسك لكن انا بتكلم انه انت خليت الموضوع سريع شديد
مجد بي صوت عالي وهو نادرا ما يكورك.....انا ماف زول حاسي بي من يوم ما امي اتوفت وانا عايش براي باكل براي اشرب براي اي شي براي والله قرفت من حياتي انا عايش عشانك انتي بس
اسيل طبعا ما متعوده انه مجد يكورك فيها طوالي قعدت تبكي
مجد لمن شاف اسيل بتبكي طوالي سكت وساقها من يدها ومشا مسافه كده بقا بمسح ليها في دموعها وبقول ليها والله ما قاصد يا عمري وحضنها
اسيل...مجد انا ما قصدي ازعلك وانا موافقه طيب
مجد...لا حبي لو ما موافقه نأجلو شويه
اسيل.... لا انا ما مفروض ابقا انانيه انت انتظرت كتير خلاص انا بكره منتظراك
مجد....بحبك طيب
اسيه....وانا كمان بحبكك
دخلو لقونا قاعدين في كراسي في النجيله الجمب الصاله
وانا واقفه بحاكي ليهم مشية اي زول فيهم وطبعا اسيه ضحكتها بتجيب بوليس الاداب لمن تضحك غيث بقعد يقرص فيها
اسيل ومجد لمن جو انا قعدت
مجد....يا جماعه انا بكره حمشي اطلب اسيل وحيكون في تلبيس دبل وتقريبا العرس الجمعه
انا من الصدمه قبلت علي غسان وضربتو في كتفو قلت ليهو ده شنو
غسان....والله اديك كف انا ما تضربيني يا متخلفه
مجد...يارا غسان نحن جادين
طبعا نحن بنعاين ليهم وما مصدقين
سارا...كيف يعني ونحن نجهز متين كيف الكلام ده لا ياخ بتبالغ يا مجد
مجد...والله انا وريتكم غايتو تاني تجهزو ما تجهزو خلاص
بعد ما كملنا ونستنا رجعت البيت تعبانه شددددييييد طوالي رقدت نمت صحيت تاني يوم الساعه اتناشر بقيت ما قادره اتحرك لاني مصدومه شديددد شلت التلفون لقيت تسعين مكالمه من اسيل ومجد وغسان ماف زول ما متصل علي ولا حاولت افتش لبسه قمت استحميت وغيرت هدومي وشلت اول لبسه لقيتها قدامي في كيس وجري علي بيت اسيل
دخلت طوالي لقيتها فالهول
اسيل.... ارجعي ارجعي جايه بعد شنو
قلت ليها معليش والله قاعده كده ليه قومي سريع يلا
طلعنا الغرفه سويت ليها شعرها ومكيجتها ولبست فستان طلبتو من النت اتخيلو ودفعت زياده عشان يصلها سريع لونو لحمي وفاااااري مبالغه وفيهو نقشه بالشيفون الابيض
هيلز ابيض ومكياج ترابي وشعرها فاكي كانت درعه
انا لبست فستان اسود برضو اوف شولد من فوق ومن تحت لحد الركبه من فوق ماااسك فيني ومن تحت فاري وفاكه شعري خاته تاج فضي وهيلز فضي
طبعا اتخيلو اسيه وسارا لحد الان ما وصلو لمن مجد وغسان باقي ليهم ساعه ويجو
جونا داخلين اسيه وسارا نبزناهم وما خلينا فيهم شي
خالتو عبير....الاولاد وصلو خليكم هنا
انا قلت حنزل تحت عشان اسمع الكلام وبتاع
نزلت غسان كان بعاين لي شديد لمن خجلت
خالتو عبير... جيبو المويه والعصير يا بنات
جينا انا ومزن قدمنا ليهم ورجعنا
مجد...عمي ايهاب طبعا انت عارف سبب زيارتي وبما اني ابوي وامي انتقلو الي رحمه الله تعالي فانا جاي اطلب يد اسيل لي نفسي
عمو ايهاب.... والله يا ولدي راجل علمت نفسك واشتغلت براك وانا شي بفرحني انه بتي تعيش مع راجل زيك
لكن برضو نشوف رأي البت في اي شي
يا يارا جيبي اسيل
طلعت فوق ونزلنا اسيل ووراها انا واسيه وسارا
نزلت وقعدت
عمو ايهاب.... زي ما عارفه يا بتي مجد جاي يطلبك علي سنه الله ورسوله لكن العريس ده مستعجل انتي رأيك شنو
اسيل...الرأي رأيك يا ابوي
انا والله بي عفويه قلت موافقه البت دي هوي
طبعا عمو ايهاب د صعععب ما حصل شفتو بضحك غطا وشو بي يدو وقعد يضححككك وغسان لمن شرق بالعصير
وسارا واسيه يقرصوني
عمو ايهاب....تعالو خلاص يا جماعه نقرا الفاتحه
جينا وقرينا الفاتحه وقامو لبسو الدبل وانا ما خليت وضعيه ما صورتهم فيها بي كمرتي ديييككك عرفتوها😂😂😂😂😂
قعدو معانا لحدي المغربب وطلعو انا طلعت وراهم بي عفويه كده عمو ايهاب كان ودعهم ودخل
غسان..انتي لو بت عتبي عتبه الباب د بي فستانك الماف د
قلت ليهو اسكت يا عدو الموضه
دنقر عشان يشيل حجر نظام بخوفني😂😂😂😂😂😂😂😂😂😂😂😂😂😂
انا جريت جوه لقيت اهل اسيل قاعدين
خالتو عبير... انتي يا يارا جنيتي يا بتي
عمو ايهاب... والله ضحكتني يا عبير
قلت ليها يا خالتو غاظتني عامله فيها خجلانه
خالتو عبير....طوالي فوق من البيت ده ما بتطلعي الا يوم العرس انتي وصحباتك
طلعت للبنات فوق غيرنا وقعدنا واسيل كل شويه تقعد تخت لي الدبله في وشي لمن زحيت من جمبها المتخلفه
اسيه جاها تلفون شالت تلفونها ومرقت اتكلمت مسافه وجات
انا شلت تلفوني رسلت لي غسان يا قلب
غسان... هلا هلا
قلت ليهو رجعت البيت وارتحت
غسان...الحمدلله اي
قلت ليهو تمام شافها وما رد
قلت ليهو مالك؟
غسان...مالي؟
سكت ما رديت ليهو مستغربه طبعا
مجد...بتضحك مالك يا غسان
غسان....بعمل حاجه شريره
مجد...متخلف اتخمد نوم
......................
نحن زاتنا طوالي نمنااااا
صحينا الصباح اسيل طوالي بدأو معاها حبس ودخان وحاجات كده عجيييبببههه
وانا والبنات كل يوم ماشين السوق وجاين ما خلينا شي ما جبناهو
خلال الاسبوع د انا وغسان ما كان بيناتنا كلام نهائي
يوم الخميس اهل اسيل بدأو يجو والبيت بقا ملينا شددديدد لمن في رجال كانو بنومو في السطوح
وخلاص جهزنا لي اسيل خمسه شنط كبيره كلها هدوم ومكياج واي شي من تركيا مجد ما خلا شي ما جابو اي شي كان جديد اسيل ما شالت اي شي من هنا
لمن يوم الجمعه جا وطبعا العقد بعد الصلاه
اول ما سمعنا الطلقق عرفنا انه عقدو خلاص قعدنا نبكييييي وابوها جا سلم عليها وحضنها ومجد اتصل ليها
اسيل...ايي
مجد....مرتي
اسيل...ما تقول كده بخجل ويلا انا ماشيه الكوافير
ونحن كنا منتظرين العقد عشان نمشي الكوافير
اول ما عقدو طوالي شلنا حاجاتنا ومشينا
اسيل دي اتحننت حنه مبالغه ماشاءالله تبارك الله وفستان الزفاف طبعا من تركيا بعد ما لبست الفستان قعدت للشعر والمكياج احنا بعد ما شفناها بقينا بس بنعاين ليها كده😨😨😨😨😨 يعني ما شاءالله تبارك الرحمن
فستانها كان شكل سمكه واكمامو كامله وبسيط شديد بتحسو مرصع بي الكرستال لبست اكسسوارات حلوه شديد وشعرها فاكي لي نهايه ضهرها وهيلز عالي فضي لااااممععع
والمكياج الوان ترابيه مبالغه😥❤❤❤❤❤❤❤❤❤❤❤❤❤
مجد وغسان وغيث وتاج وصلو وكلنا مرقنا بره
مجد جا حضن اسيل قاليها اخيرا بقيتي حلالي الحمدلله علي نعمة وجودك في دنيتي
وطلعو ركبو العربيه وانا مع غسغس واسيه مع غيث وسارا مع تاج
مشينا الاستديو وقعدو سااااعه يتصورو لمن نحن حسينا اننا اتأخرنا علي الصاله
مرقنا والعربات دي ورى بعض وعملنا ازعاج مبالغه
طبعا انا عشان ما بتكلم مع غسان ساكته بس ومنتظراهو يقول كلمه وحده عشان انفصم فيهو😂😂😂😂😂😂😂😂
وصلت لقيت امي وابوي قاعدين استغربت انه يعني ما وروني مشيت سلمت عليهم ورجعت عشان حندخل دخله معينه
الهي اسيل حتجي داخله مع ابوها ومجد حيكون منتظرها في نص الصاله وانا واسيه وسارا وري الكوشه
اسيل جات داخله بي اغنيه ودوني علي بيت حبيبي نعيش مع بعض حقت يارا😥❤❤❤❤❤❤❤❤❤❤
كان ابوها ماسكها ومشا واداها لي مجد وقاليهو اديتك حته مني حافظ عليها وحضنو
مجد واسيل وقفو ورقصو سلو علي اغنيه اجنبيه هااااددديييههه
بعدين جو قعدو والناس المبالغه قعدو يسلمو ويباركو وكده وتاني شغلو الاغاني ورقصنااااا شددددييييييييدددد
بعد شويه اسيل مسكت المايك وقالت اي بت في الصاله تجي يلا يلا عشان نشوف الحتعرس وراي منو
وقفنا كلننناااا وراها وهي مديانا ضهرها فجاءه اتلفتت وجات ومدت لي الورده وقالت لي عايني وراك
انا طبعا مستغربه شديد عاينت وراي لقيت غسان قاعد في ركبتو ومادي لي الخاتم وبقول تقبلي تتزوجيني
طبعا انا ما عرفت وشي ده اوديهو وييييننن وابوي وامي عاينت لقيت ابوي بهز لي راسي بي معني وافقي عاينت لي امي قالت لي يلا
قلت ليهو موافقه
لبسني الخاتم وشالني دورني لاحظو ده كلو انا ما فاهمه اي شيييييي
غسان...بعدين حتفهمي
اسيل دخلت ولبست توب الجرتك وجينا سوينا الجرتك وكده وبعدين لمن جات لحظه الوداع ما شفتو انا واسيل الصاله كلها بتتفرج فينا انا كنت حاسه انه قلبي بطلع من حتتو بقيت بس ماسكه فيها وامي بتحاول تفكنا لكن كنا ماسكين في بعض شدييييددد
فالنهايه اتفكيت منها وطلعت برا الصاله
مجد واسيل طلعو عشان طوالي حيسافرو كندا شهر العسل😉❤❤❤❤❤
طلعو طوالي علي المطار وانا واقفه برا وببكي جاني غسان قالي بتبكي لي كلها شهر ونسافر كلنا تركيا الفرق بينكم حيكون شارع ما تبكي
قلت ليهو انت اسكت مني
غسان...😂😂😂لييي
قلت ليهو كنت بتتحاقر معاي الاسبوع الفات
غسان...ما انا عشان كنت مسوي ليك سبرايز ما شفتي ابوك وامك كانو بقولو ليك وافقي
قلت ليهو صحي انت وريتهم؟؟
غسان...يوم التلات انا كنت في بيتكم وطلبت يدك لكن قلت ليهم ما دايرها تعرف عشان اسوي ليك الحركه دي وبعدين صحباتك كلهم كانو عارفين
قلت ليهو طيب سامحتك
غسان...ياخ خلاص فكي وشك اسيل ما طايرا
قلت ليهو طيب زاتي ماشيه ودعتو وطلعت وفي الطريق سالت بابا انت كنت عارف
بابا...اي غسان جانا في البيت يوم التلات وطلب يدك وانا سالت منو الولد ماشاءالله وقالي انك بتحبيهو واي شي
قلت ليهو فعلا
بابا...خجل ماف
قعدت اضحك لكن ياخ مشتاقه لي اسيل ما دايراها تمشي
لمن رجعت البيت طوالي نمت عشان ما افكر فيها وابكي وكده
#يتبع
بقيت بحاول اكتب بارتين في اليوم عشانكم
ما تنسو التصويت
في امان الله
❤❤❤❤❤❤❤❤❤❤
