مالم يكن في الحسبان''

البارت الثاني والعشرين

رتال.دخلت نسيت يوسف الطالعه علموده اريد نفسي ينتضم شبيه فحطانه هيج شكوو قابل شنو شفت صدك جذب توته اشبيج..

رفل.هااا شبيج  شوو تحجين وحدج؟!
رتال.منو اجه؟!
رفل.حسين وهذا الولد الدعمه همزين صحه وطلعوو من المستشفى..

رتال.هذا موو ولد هذا زلمه ااا اااجهالي وين..

زينب.؟؟؟ هاا مدري تعالي نصب غده الهم ..
رتال.رحنه صبينه غده الهم واني اتذكر شكله يممه كلبي والله مدري شجااني شكله عجيب ضخامته اتخبل موو كرش ومدعبل طوله وجسمه وشكله يربي اني شبيه اتخبلت اول تالي..

حسين.رتاال يمعوده احاجيج..
زينب.اشبيج اليوم مو طبيعيه..
رتال.هااا شكوو ااني مابيه شي..

حسين.كلي الدجاج عدل اريده محمص خووش انتي تعرفين شلون احبه..
رتال.اي ادلل هسه احمصه الك..
هاجر.اشعجب جبته وياك حسين لعد اهله وين..؟!

حسين.لا مو بس هو الاهله واخته متزوجه بغير محافضه وابو وامه بلعمره خطيه مايدرون بي وهو ماقبل يجي بس اني جلبت بي راد يروح لعمامه..والله ما انساهه اله لا اشتكه لا حجه يكول قضاء وقدر...

رتال.اااشسمه هوو؟!

حسين.سيف اسمه..لهيتوني يمعودات الولد وحده حضرن الغده وجيبنه..

رتال.سيف.حلوو اسمه مثله يااا شجاني شبيج يمعوده كافي الله يحفضه الاهله اني شعليه بي اذا حلو لو موحلو...

خلصنه صب الغدى ...
رتال.ااااني راح اصيح لحسين ياخذ الغدى.

هاجر.هسه دكيت الباب راح يجي..
رتال.مسمعه اكيد خلي ادك الباب احسن..

رحت لبست صايتي وشالي دكيت الباب اريده يجي ياخذ الاكل فتح الباب صار كدامي سيف..
رتال.الحمد الله على السلامتك انشالله ماعندك غير العافيه..

سيف.الله يسلمج تسلمين جان مدنك ويحجي وياي اشكد رزن وثكيل بس من دار وجهه حسين رفع راسه باوعلي  ورفع حاجبه وبتسملي يممممه مووو ابتسامه والله اخذ كلبي بيهه درت اريد ارجع للمطبخ  عثرت كمشت الحايط الله ستر موكعت درت وجهي عليه لكيته بعده يباوعلي رحت يم البنات بس اني بغير عالم سافرت لسيف مستغربه من روحي حيل شنو هذا الاحساس شو قبل ساعه جنت عايشه طبيعي هسه انكلب كياني كله نسيت عمر ومصايبه....

اجت امي من سمعت بسيف هنا راحت اتسلم عليه وكيفت ﻹن طلع بسلامه وما اشتكه على حسين خلصنه من هاي المصيبه اسمع صوته جان عالي
رحت يم الهول اسمعهم شيحجون..

امي.يمه الحمد الله من كمت سالم والف رحمه على البطن النكلتك عبنك طلعت ابن اصول ومابهذلت حسين...

سيف.الله يخليج خاله هو قضا وقدر وحسين مامتقصد الحمد الله على كل حال طلعت منهه وتعرفت بهاي الوجوه الطيبه..