💜MY SEXY TEACHER💜
💜 TAEHYUNG FF💜
EPISODE FOUR
______________
"Hey...Sarah! Tho rawh, school i tlai dawn a nia" ka nu in min rawn sawi harh nawk nawk chuan ka meng tawk tawk, mut hi chu a va han nuam tak em, a bikin zinglam pangah hian mut a tui duh zual
Nizan ah ka mengrei lutuk a, Blackpink leh BTS an lo ship khanglang a, ka thinrim lutuk group ah kan in hnial hrep a, ka duh aiin ka mengrei..
Muangchang chuan ka tho a, bathroom ah lutin ka inti fai mawlh mawlh a, nitin school kal hi ka van ning tawh tak, lehkha zir a la ngai tel zui, hetiang te chuan ka dam rei pawh ka ring lo..
Inhnuaiah ka chhuk a, ka nu ei siam rim chuan ka ril a ti tram lutuk..
"Kha breakfast kha ei vat vat la, i tlai ange..nula ve uai tawh si, zing kaithawh i ngai ziah, i thiannu Jennie te saw entawn ta che, hma takah a tho a, lehkha a zir a, a nu eirawng bawl a pui bawk a, amah ang sawn awm ve ta che" ka ning ka nu lah hian Jennie nen min tehkhin ziah a, henu hi chu ka haw takzet a ni, school ah nitin hmuh tawh nak laiah thenawm lawkah an la awm leh zui, henu nen hi chuan engtikah mah kan inmil thei ngai lo ang, ka mood a off vek, school thleng thuai thuai ila, sir hmelthate-a hmuh leh vat vat zawk ila ka hlim ber ang, a mah vang chuah hian school kal hi ka phur deuh..
Ka nau nen chuan school kan kal rual a, school ah ka thiante tih loh hi chu inlam ah thian han kawm vak ka nei lem lo, ka nau nen hian kan inkawm deuh ber zel..
School kan thleng a, a ngaite bawkin kan ri leh nghal chur chur..
Nitin kan inhmu hlawm a, zanah lah kan in chat leh hlawm vek a, chuti chung pawh chuan sawi tur hi kan tlachham lo hlawm reng reng..
"Hey..sarah news ka hria sin" Jimin in min rawn kuah pah chuan a ti a
"Eng news maw, Jungkook leh kha tuaipa bawk kha mi"
"Teuh nang aw..."
"A nih enge..sawi vat vat rawh, min ti hrechak zek zek a nia"
"Jungkook leh y/n-(your name, i part ve tur aw😉) te an in be tha leh tawh a"
"Maw..mahse engtik khan, a van mak" Jungkook leh y/n te hi an inngaizawng thin a, y/n hi class 12 Sec C assistant leader a ni a, a felin a zaidam a, a ngawichawi hle bawk, hmeltha lutuk tia sawi tur chu a ni lo, mahse a nungchang vangin tupawn hmeltha an ti vek zel, Jungkook nen hian thla 1 lai an ni ve tawh a, engvanga inthen nge an nih tuman kan hre lo, Jungkook lahin engmah a sawi duh silova, a sawi duh loh miau avangin zawh buai tumna ka nei bik lo
Mahse tunah an inbe tha leh tawh a, ka lawmpui takzet, an inhmeh tih loh an awm lo
Mahse kan tuaipa erawh ka khawngaih khawp mai, a rilru a na dawn mange..a star emem in bialnu a nei daih a, keipawh sir Taehyung hian bialnu nei ngat se chuan ka rilru a na viau ang mawle..a dinhmun tur hi ka hrethiam tawp, nakinah cheng 1 in ka la ral ang..
"Mahse..ka hrilh che tih Jungkook bulah sawi suh aw, nizanah min rawn hrilh a, a nuam lo, tawngthei min ti palh ang"
"I tawngthei reng alawm.. ka thuruk chu ka hrilh ngai lo tawp ang che mawle" Jimin ner sang chu ka piai vak a, a la rak ring em em zui...hepa pawh hi bialnu nei ve se a tha ang, a inla luck bawk a, tun thlengin a la single tluang chu a nia..a ka chuah hi a luck a niang..
"Hey...i va tlai ve" Hyemi ngui hmel deuhah rawn lut chu ka bia a, a hmel atang chuan a rilru a nat hmel khawp mai, enge maw a chungah thleng le..
Ngawireng chuan dawhkan ah chuan a bawk nghal thlawp a, engvang nge ni ang aw..
