ماضي لا ينتهي

الحلقة ٣٢

#ماضي_لا_ينتهي
#بوسي_مصطفى

        الحلقة ٣٢

في التليفون 📞
سليم بغضب : مبترديش على الزفت ليه؟؟!
ليلى : في ايه يا سليم؟؟!
سليم : انتي فين؟؟
ليلى : شوف بقى قبل م تقول أي حاجه انا هحكيلك اللي حصل.
سليم : تحكيلي ايه؟؟
قوليلي انتي عامله ايه الأول؟؟
ليلى : الحمد لله
عشر دقايق وهكون في البيت مش هتأخر
انت فين؟؟
سليم : عشر دقايق ايه؟؟!
هو انتي فين الأول ؟؟
ليلى : لما ارجع البيت هقولك
سليم بغضب : ليلى متجننيش قوليلي انتي فين؟؟
ليلى : في ايه يا سليم انت بتكلمني كده ليه؟؟
سليم : عايزانى اكلمك ازاي
وانتي عماله تكلميني بالالغاز ومش فاهم منك اي حاجه
ليلى : انا في قسم الشرطة عايزني بس في كلمتين علشان يقفلوا المحضر هخلص وارجع على البيت على طول
انت فين؟؟
سليم : قسم ايه ومحضر ايه
انا مش فاهم حاجه
م تتكلمي بقى.. في ايه؟؟
ليلى : فاكر البنت اللي كنت كلمتك عنها
سليم : لا مش فاكر
اخلصي بقى وقوليلي في ايه؟؟
ليلى : انا بلغت البوليس عن مكانها والشرطة راحت هنا ومسكوا الراجل ده والولاد اللي كانوا معاه والبنت فعلاً
لقيوها هناك
سليم : اه وبعدين؟؟
ليلى : طلبوا مني اجي علشان يقفلوا المحضر و..
قاطعها سليم : قسم ايه
ليلى : في ايه يا سليم
سليم : بسألك قسم ايه
وفين الولاد؟؟
اوعي تقولي إنهم معاكي !!
ليلى : ايوه اخدتهم معايا بس مدخلوش معايا جوه
سيبتهم في العربية.
سليم : قولي بقى انتي في انهي قسم بالظبط؟؟
________

في شقة راوية
أميرة : طب استني هلبس و اجي معاك.
سيف : مش هينفع يا أميرة
خليكي هنا وأنا هبقي اكلمك اطمنك.
أميرة : يعني هتيجي تاني؟؟
سيف : أكيد طبعاً
بس اشوف ليان و أطمن إنها بخير؟؟
أميرة وهي واقفه عند الباب
أبقى هاتها معاك يا سيف
سيف : هشوف... سلام

راوية : تعالي يا بنتي علشان تاكلي
أميرة بتقفل باب الشقة وتقعد على السفرة.
أميرة : مليش نفس يا ماما
راوية : ليه يا بنتي؟؟
مش قالك انهم لقيوا البنت وهي مع باباها دلوقت
أميرة : انا عارفة سيف بيفكر في ايه دلوقت
وايه اللي مضايقه
راوية : علشان يعني البنت مع باباها؟؟
ما دا الوضع الطبيعي يا بنتي
وأكيد باباها هياخد باله منها بقى
بعد اللي حصل ده
أميرة : سيف مرتبط ب ليان اوي يا ماما
كإنها بنته مش اخته
وانا كمان بعتبرها بنتي زيها زي عمر بالظبط
وقعادها مع باباها دا تعبنا نفسياً
بس على رأيك اهو في الاخر ابوها
بس المرادي بقى يحافظ عليها
فادي راح لماجده؟؟
راوية : لأ
مدي ايدك يلا خلي نفسي تتفتح
اميرة : دي خبطة طنط مديحه انا عارفاها
راوية : هههههههه طب افتحي
أصلها قالت هتنزل تتغدا معانا وانا نسيت
تقوم أميرة تفتح باب الشقة
مديحه بابتسامة : عارفه لو كنتي سافرتي قبل م انزل اسلم عليكي كنت هزعل اوي
أميرة بابتسامة : حبيبتي يا طنط وانا مقدرش على زعلك
راوية : تعالي يا اختي وبطلي رغي
مديحه :"انا رغيت يا أميرة؟!
أميرة : ماما بتحب تهزر معاكي يا طنط
راوية : تعالي كلي وانتي ساكته
مديحه : هههههههه يا اختي مش عايزة اكل طالما مضايقه مني كده
راوية : انتي يا ست انتي جرالك ايه
بقيتي قماصه اوي
مديحه : امال فين جوزك يا أميرة
هو لسه مجاش لحد دلوقت ؟؟!
بس محمد ابني م اكدلي انه شافه وسلم عليه
يكون بيحلم الواد دا ولا ايه
راوية : هههههههه ولا بيحلم ولا حاجه
جوز أميرة كان هنا ولسه نازل من شويه.
مديحه : هتقعدي هنا كمان كام يوم بقى يا أميرة
راوية : لا يا اختي هتروح الليلة
خليني انزل البلد بقى
مديحه : هههههههه مامتك مش عايزاكي تقعدي معاها شوفتي بقى !!
راوية : متبطلي بقى يا ست انتي
خليكي محضر خير
انا عايزة انزل البلد في مصلحه كده ومش عايزة اخد أميرة معايا. انتي عارفه طريق البلد كله مطبات ودي يدوب لسه حملها مكملش الشهرين وخايفه عليها
مديحه : يا اختي ولا تخافي ولا حاجه
دي جايه من في سفر أصعب من مشوار البلد اللي بتقولي عليه دا
راوية : جوزها بيسوق على مهله
لكن انا هقول للسواق امشي بالراحه علشان بنتي حامل
يااختي دي حتى متجيش يعني
وبعدين هتيجي معايا تعمل ايه
دي دايخه ومش قادرة توقف على رجلها.
أميرة : لا انا بقيت كويسه
بس هروح بيتي برضو
مديحه : هههههه انتي زعلتي ولا ايه
مامتك خايفه عليكي
راوية : بعد ايه يااختي
لسه فاكره تهديها
مديحه : هو انا قولت حاجه
مدى ايدك يا أميرة وكلي
مامتك عليها شوية محشي إنما ايه مقولكيش
ههههههههههههه
أميرة : مليش نفس يا طنط
ريحة الأكل
وقامت أميرة تجري وهي ايدها على بوقها
راوية : اهي على الحال دا من ساعة ما جات
مديحه : فترة وتعدي
متقعديش انتي بس تقوليلها
يا عيني يا بنتي وصحتك ومعرفش ايه
اصل انا عارفاكي
خليها تجمد كده علشان الفترة دي تعدي على خير
وبكره تنسى كل دا أول م يشرف النونو
_________