الجزء الواحد والاربعون...
مجد واسيل وصلو المطار وطيارتهم جات وطوالي اقلعو على كندا حيفضلو هناك اسبوعين وبعدين يرجعو عشان عرسي لكن للاسف ما حيحضرو عرس اسيه وغيث💔
اسيل ومجد وصلو مطار كندا كان حاجه كده مباااالللللغغغغه يعني طلعو طوالي علي الفندق مجد كان حاجز جناح كااامللل كان جناح ملكي عديل اسيل فتحت شنطتها وبقت بتعاين في الهدوم لقتها كلها قصيرررهه وكععببههه
اسيل بينها وبين نفسها...الله يسامحكم يا يارا واسيه اصلا ده ما بي سببهم ده بي سبب سارا هي البتكون وصفت ليهم
مجد جا طالع من الحمام(عزاكم الله) سمعها بتتكلم قاليها في شي حبيبي
اسيل...لالا ماف شي خلاص ماشيه استحما
مجد...طيب
اسيل شالت هدومها ودخلت الحمام استحمت وجات مارقه لقت مجد واقف فالتسريحه بسرح شعرو
مجد اول ما شاف اسيل بقا بس بعاين ليها شديد
اسيل...بسم الله مالك
مجد...بقا بضحك وبقول ليها ما مصدق انك معاي
ومشا حضنها وقاليها الله يخليك لي يا قلبي
اسيل...امين ويخليك لي يلا فكني عشان الم شعري
مشت لمت شعرها واتريحت وجات لقت مجد فاتح فيلم وقاعد
لمن شافها قاليها تعالي يا قلبي احضري معاي
اسيل مشت ومجد بقا مرقدها في حضنو وبحضرو في الفيلم والفيلم كان رومانسي شديد
ومجد كان ما منتبه مع الفيلم كان بعاين لي اسيل بس
الفيلم انتهى ومجد طفا التلفزيون وبقو بعاينو لي بعض وهو مرقدها في حضنو
مجد عاين لي اسيل وقاليها حبيبي انا ما داير استعجل وانتي تكوني ما جاهزه انتي رايك شنو وغمز ليها
اسيل سكتت طبعا ماتت من الخجل
مجد قعد يضحك فيها قاليها اها
اسيل وهي خجلانه شددديييدد قالت ليهو طيب
وبعد ده كل زول وفهمو😂😂😂😂😂😂
....................................
اليوم التاني اسيل صحت الصباح بدري لقت مجد ما قاعد قالت الحمدلله مشت استحمت ولبست فستان مورد كده وجهزت نفسها ودقت لي
انا طبعا قااعدده مع اسيه لانه عرسها الاسبوع الجاي لمن شفت المكالمه من اسيل طوالي نطيت من السرير وشلت التلفون رديت
اسيل....قللللبييييي
قلت ليها واااييي مشتاقين
اسيل...هو يوم واحد يا بكاشه
قلت ليها حتى ولو مسيو
واحكي لي اها حصل معاك شنو يا عروس وقعدت اضحككككككك
اسيل...اضحكي كووييسس بعدين نشوفك انتي
قلت ليها لا بالجد كيف وكيف😉
اسيل....يارا والله اقفل الخط في وشك يا منحرفه
قعدت اضحك واتونسنا كتير وقفلت
انا وسارا مع اسيه الفتره د طبعا وفاقدين اسيلللل شدددديييييدددد
اي الليله تاني يوم من سافرت لكن انا ما كنت متقبله فكرة انه اسيل بعيده مني لكن الحمدلله كان غسان جمبي
الايام عدت وكانت بالنسبه لي انا كئيبه بدون اسيل اختي💔
لكن عشان ما نخرب الفرحه كنا بنحاول ننسا الموضوع
..................................................
الاسبوع مشاااا سريييععع وجا يوم الخميس الهو عرس اسيه
طبعا انا وسارا قاعدين نرحل من بيت لي بيت بس😂😂😂😂😂😂😂
مشينا الصباح بدري الكوافير وطبعا اسيه تعجبكم ما خلت شي ما سوتو وهي بترسم في الحنه قالت للكوافيره اكتبي لي في بداية ضهري Princess Ghaith(اميرة غيث)
قلت ليها انتي متخلفه كاتباها لي
اسيه...فستاني بي ورى بتفتح بي كباسات وغمزت لي😉
انا طبعا فهمتها بقيت بقول ليها يا تافها يا رمهه وسارا ميته من الضحك
بتاعت الكوافير قالت خلوها يا جماعه مالكم😂😂😂
اسيه كانت لابسه فستان ملكي يدينو كامله وطويلللللللل مباااالغهههه ولابسه طرحه بتاعت الفستان طويله وشايله ورده بيضا برضو والمكياج مبااالغههه وشعرها مسوياهو تسريحه
انا كنت لابسه فستان كحلي غااامممض وبلمععع طوييلللل من ورى ويدينو كامله وعامله شعري تسريحه واكسسوارات فضيه
سارا نفس فستاني بس بالاسود
بعد مسافه غيث وغسان وتاج وصلو
وطلعنا مشينا الاستديو اتصورنا كتيييييررر وبعدين اتحركنا علي الصاله
المره دي هم دخلو وانا وغسان واقفين في نص الصاله
وتاج وسارا بالجهة التانيه وبنجدع فيهم ورد العرس انتها علي خير وبرضو اسيه مشتت وبقينا بس انا وسارا💔💔💔
طبعا اسيه وغيث سافرو المانيا وشهر العسل برضو حيكون هناك يعني
.....................
بعد ما اسيه مشت انا خلاصصص طبعا مفروض يحبسوني من اليوم البعديهو واسيل تجي قبل عرسي بي تلاته يوم بس سارا طوالي رحلت البيت معاي لمن رجعنا من العرس غيرنا وقعدنا واتصلنا لي اسيل
فيديو كول وبنحكي ليها حصل شنو في العرس
بعد ما قفلنا دق لي غسان
غسان...حياتي
قلت ليهو اي يقلبي(طبعا ما دايرا اتكلم نهائي لاني بعد ما اسيل واسيه مشو بقيت قاعده علي الهبشه بس وابكي)
غسان....حاسيك ما علي بعضك ما عارف لي
قلت ليهو مشتاقه للبنات بس
غسان...وانا ما بشتاقو لي
قلت ليهو انت زاتك مشتاقه ليك يا كريه
غسان....يارا كلها اسبوع بس ونرجع كلنا تركيا واسيه تجينا اجازات مفروض انتي تفرحي لاننا حنتلما تاني والمره دي لمه للابد
قلت ليهو اي صح كلامك لكن كان نفسي يكونو معاي هسا
ونفسي تاني زول يكون معاي
غسان...ما فهمت
قلت ليهو لا ما عليك انسى
المهم غسان الساعه كم؟
غسان...خمسه صباحا الفجر قرب يأذن
قلت ليهو حي ياخ كنت دايرا اطلب بيتزا لي انا وسارا
غسان...خلي الاكل وامشي نومي يلا
قلت ليهو حادر يلا يعمري باي
وقفلت علي كده عاينت لي سارا لقيتها بتخلط ما بتتتززههجج من الخلط طبعا مبااالغغههه
مشيت فتحت مزكراتي وكتبت
*ياريت لو ما بعدنا ياريت فضلنا سوا كل ما اتذكر انك ما معاي قلبي بوجعني طيب معقوله في احلا ايام عمري ما حتجي؟؟ اشتقت ليك.
وغطيت وشي وقعدت اتزكررر وابكي قعدت في الكنبه ساعه تلفوني اتصل لقيتو غسان استغربت قلت ليها مالك بسم الله
غسان....انا تحت انزلي لي سريع
قلت ليهو غسان فشنوو؟؟
غسان...انزلي يلا
قلت لي سارا غسان تحت حمشي اشوفو وشايله مزكراتي في يدي نزلت ليهو
لقيتو واقف بالعربيه
طبعا الساعه سته ونص صباحا
مشيت عليهو وركبت العربيه الشارع ده فاضي ما فيهو طيرا
قلت ليهو مالكك بسم الله
غسان...نازله بي هدومك دي ما بتفكري انتي
قلت ليهو غسان ماف زول فالشارع ياخ اها
غسان...شوفي الكنبه الورى
عاينت لقيتو جايب اربعه علب بيتزا وبارد وشوكلاتات
قلت ليهو عفكرا بتخلي الزول يندم يقول داير شي
غسان...اسكتي اصلا بعد اسبوع حتبقي مسؤوليتي
قلت ليهو بعد اسبوع ما هسا
غسان...خلاص ياخ يلا شيليهم وانزلي لانه الناس بعد ده حتصحا
قلت ليهو حاضر وشكرا يا قلبي انا ختيت المذكرات حقتي قدامي في الحته البختو فيها علبه المناديل دي ياخ😂😂😂😂
وشلت الاكياس ونسيت المزكرات ونزلت ومشيت فوق سريع قلت لي سارا عان غسان جاب شنو
سارا طبعا في الاكل ما بتتفاهم طوالي قالت لي تاج عاين يا مان اقطع وشك جابو لي اكل
تاج...الله يسامحك يا فجعانه😂😂😂
قعدنا ناكل لمن خلصنا قفلت العلب وختيتها تحت السرير ورقدت نمت طوالي
غسان وهو نازل من العربيه لاحظ للمذكرات شالها وقفل العربيه وطلع البيت
لمن وصل غرفتو بقا بقرا في الكلام استغرب انه انا بكتب الكلام ده لمنو وهو بفكر لقا صفحتين ملصقات بي بعض فتحهم براحه وبقا بقرا في المكتوب
غسان....يا قلبييييي انتيييي ده كلو شايلاهو في قلبك
قفل المزكرات ورقد نام
.....................................................................
الليله الاربع واسيل جايه من السفر عشان عرسي الجمعه
انا صحيت من سته استحميت ولبست وصحيت سارا قلت ليها قومي البسي عشان نمشي نجيب اسيل من المطار
سارا...الساعه سته وهي طيارتها حتصل عشره اترزعي نومي
قلت ليها لا قومي نحوم ونفطر بره ونمشي ليها يلاااا قومي
طبعا سارا لتييييخخه مبالغه بعد تعب قامت وجهزت
سارا...يا متخلفه انتي عان الساعه سبعه
قلت ليها اسكتي دايرا اضرب لي غسان
شلت التلفون اتصلت ليهو قلت ليهو وين انت
غسان...نايم
قلت ليهو قوم تعال بيتنا يلا
غسان...فشنو
قلت ليها الليله اسيل جايه ودايرا امرق احوم لحد ما الزمن يجي
غسان...يارا انا تعبان عليك الله اختيني
قلت ليها بي راحتك انا بنتظرك لحدي تمنيه ما جيت بنمرق برانا
وطق قفلت في وشو😂😂😂😂😂😂
طبعا تمنيه الا ربع دق لي قالي انا بره
قلت لي سارا ارحح نجحنا
قعدت تضحك ونزلنا تحت لقيتو واقف ولابس الترينق بتاع النوم وسفنجه
قلت ليهو غسان ده شنو؟؟
غسان...ولا استحميت زاتو والله عشان افضحك الليله
ارح اركبي
ركبنا وانا طلعت ريحه من شنطتي وقعدت ارش فيهو
وسارا تضحححككك😂😂😂😂😂😂😂😂
غسان...اي اتعاوري كويس لمن اقوم عليك اقعدي قولي معلش وبتاع
طبعا خفت طوالي دخلت الريحه وسكت
غسان ودانا مطعم قعدنا اكلنا واتونسنا لمن الساعه جات عشره بعدين مشينا المطار
لقيناهم وصللووو واسيل لابسه تووببببب وااايييي كانت دررررعههههه وجمبها مجددد 😨😨😨❤❤❤❤❤❤❤❤❤❤❤❤❤❤
طوالي جريت عليها وحضنتها وقعدنا نبكي زي المتخلفات
اتخيلو غسان جا سلم وقال لي مجد جيتو سريع ليه
اديتو نظره طوالي قال قصدي اتأخرتو
اسيل قالت لي بي صوت واطي غسان جاي يستقبلنا بالمنظر ده؟
انا طوالي عليت صوتي قلت ليها ده فضيحه وكمان ما مستحمي ارح خليكي منو
غسان....ظابط يا سنفورة بنتحاسب بعدين
ركبنا كلنا ورى ومجد قدام مع غسان
انا واسيل ما سكتنا وشلتا تلفونها وبقبت بتفرج في صورهم كانت درررعههه كندا دي مبالغه يعنننيييي ماشاءالله تبارك الله
سارا...يارا ارمي لي الورقه دي من الشباك كانت ورقه لبانه قلت ليها شباكك مالو
سارا....ما بفتح
رميتها ليها
وقعدت اتونس مع اسيل وهي طبعا راديو ما خلت شي ما حكتو لي
سارا...يارا خلي غسان يمد لي مناديل
قلت ليها عزبتيني ياخ
يا غسان جيب علبه المناديل دي
مداها لي اديتها لي سارا وقعدت اتفرج في الصور تاني
قامت سارا مدت لي علبه المناديل وانا مندمجه مع الصور شديد قمت رميتها من الشباك 😂😂😂😂😂😂😂😂😂😂😂😂😂😂
وانتبهت طوالي قمت قلت وااايييي بي صوت عالي
غسان...ياخ بتصرخي مالك مجد اديني اي شي جمبك عشان ارميهو فيها
مجد....😂😂😂😂😂😂😂ماف شي
قلت ليه حبيبي رميت علبه المناديل بالغلط
غسان....لا اله الا الله دي شنو المصيبه دي يجماعه
واسيل دي ميته من الضحك وبتقول ما تضحكوني يااخخخ
قلت ليها ما نضحكك لي حامل ولا شنو
مجد...يارا اخرسي
قلت ليهو اسف
غسغس ساكت مالك ما تكون زعلت علي علبه المناديل
غسان...اسكتي خليني فحالي
طوالي سكت قبل ما اتكفت
وصلنا بيت ناس اسيل قلت ليها بكره طوالي منتظراك
مجد واسيل دخلو جات خالتو عبير سلمت عليهم شدييييييددد ودخلو ارتاحو وكده
......................
غسان طبعا ساكت ما كنت قايلاهو جادي في الزعله
قلت ليهو اقيف جايه قدام
وقف العربيه نزلت جيت قدام
قلت ليهو غسغس مالك
غسان...ماف شي
قلت ليهو والله بجيب ليك بكره علبه
غسان...انا فارقه معاي علبه مناديل يعني انا المزعلني استهتارك بالحاجات ما صح كده يا يارا اي شي تشتريهو بي قروش وتتعبي عشانو ما مفروض تستهتري بيهو
قلت ليهو غسان يخ ما تحرجني قدام سارا وحاضر اسفه ما حستهتر بي شي تاني
غسان....سارا زي اختي عادي ما بيناتنا اي بس فالحه انتي
قلت ليهو اي ارح جيب تلفونك عشان نتصور صوره للذكرى
شلت تلفونو وفتحتو طبعا انا البغير ليهو الباسويرد😂😂😂😂😂😂😂
قعدت اتعاور معاهو فالصور وبعدين وصلنا قلت ليهو تاني ما حشوفك الا يوم الجمعه وااايييي
غسان...خلي بالك من نفسك سامعه
قلت ليهو اي حاضر بحبك يلا باي
نزلت وهو مشا
#يتبع
ما تنصو التصويت
في امان الله
الحلقه الجايه حتكون حماس استعدو
❤❤❤❤❤❤❤❤❤❤❤❤❤❤❤❤❤❤❤❤
