#جبروت السنين
الكاتبة :Sarah
البارت السابع
أكولَ انسةة وأرد أهواك
وبنفس الحجرٰ اعثرٰ
عنـديٰ إحساسَ راح أنساكَ
بـس احساسَ مو أكثرّ
دخلت ع الأصدقاء وطلعت من صفحتة مبيها شي راسلت بنت خالتي نور شوية ونمت حسيت ع صوت يمي باوعت ع شهد جاية ومبدلة وتحجي بالموبايل عرفتها تحجي وية سالم ردت ارجع انام بس تذكرت عندي امتحان وكمت فرشت كتبي واقرأ
حور :شهد مددافهم شي من الرياضيات صعببب
شهد :كولي لبابا يدخلج معهد خوما تضلين هيج مثل الاطرش بزفة كولشي ماكو بالرياضيات
حور :هم صح خلي اكولة باجر
شهد :تمام
بقيت اقرأ وقريت شوية ع اليوتيوب اصعب شي عندي الرياضيات
ثاني يوم رحت للامتحان وامتحنت جاوبت نص ونص
رجعت للبيت لكيتهم يتغدون صعدت سبحت وبدلت واجيت تغديت وياهم
حور :بابا
الاب:ها بوية
حور:بابا احتاج مدرس خصوصي للرياضيات مددافهم شي منة واليوم كوة جاوبت
الاب:مايحتاج مدرس
حور:ها لعد
الاب: خلي جسور يقريج يفهم بالرياضيات
مازن :اي والله حور اتذكر درسني هذيج المرة تدريسه فدشي
حور :عادي خلي يدرسني اهم شي افهم
مرن يومين واجانة جسور العصر
كاله بابا : اريدك تدرس بنت عمك حور بالرياضيات
جسور :اي تدلل انت وبنت عمي خلي تجيني العصر كل يوم ساعتين وان شاء الله خير
شوية بقة وراح وكل شوية الكفة يسترقلي النظر بقينة كلعدين نسولف الا ان اذن المغرب كمنة نصلي
كملنة صلاة وصبينة عشا
كال بابا لحسين : حسين كل يوم العصر تودي اختك لبيت عمك شهاب خلي جسور يقريها
حسين :صار يابة
ثاني يوم رجعت من المدرسة هلكانة ومحترك جد جدي من التعب وبس اتأفأف دخلت بوجهي سبحت ونزلت جوا تغديت
وياهم
حسين :حضري روحج العصر اخذج لبيت عمي يدرسج جسور
حور :اي ان شاء الله
حسين :مو تبقين نايمة
حور :لا لا
رحت لغرفتي شغلت السبلت وسقت راسي للمخدة والنومة نومة بعد مدريت بدنيا طشت رشت حسيت ع صوت حسين يصحيني ياربي ماافديوم نمت اذا مكعدني واحد لو المنبه ضلت بنفسي اني اكعد من وحدي بس هيهات اكعد وحدي لو يعوفوني ٣ايام انام ماحس وابقة نايمة
حسين :كومي يلا هاي عود وصيتج تحضرين روحج
حور :شنو شكو
حسين :اللهم طولج ياروح كومي يدرسج جسور
حور :اي كمت وانت خابر ابن عمك جسر مدري شسمة شوفة موجود
هز راسة حسين وطلع واني كمت غسلت وبدلت وفرحانه ممصدكة راح ابقه ساعتين اكابل جسور ويقريني يربي شكد متحمسة ممصدكة نزلت جوا لكيت حسين ينتظرني صعدت وياه واتوجهنة البيت عمي شهاب
أنت تقرأ
جبروت السنين
Chick-Litها أنا في قمة سعادتي وانارة الفرح تنير حياتي لا أحمل اي جراح في قلبي سمائي ملونة بألوان الفرح ولكن فجأة وبدون أي سابق إنذار... تبلدت سمائي بالغيوم السوداء وعكرت صفو لونها وانقطع حبل أنارتي وعم الضلام... نظرت الى طريقي المضلم لأرىٰ بصيص... من الضوء ...
