#قتلت_أنوثتي 🔥 (المقدمه والحلقه 1)
الضحكه كانت مليانه في هل الحوش في وجود امي، الحنيه كلها عندها حسينا وقتها براحه بس بي وجودها ، انوض الصبح نلقي بدلة المدرسة مكويه ومغسوله انوض نغسل وجهي نشوف للمطبخ، نلقيها موتيه الفطور! ناشطه ومتحمسه باش نمشو للمدرسه ونتعلمو حاجات جديدة 💛 حضنتها وقتلها صباح الخير ردت صباح النور، كانت ديما تقوللنا اقروا كويس باش تطلعوا حاجه كبيرة 🔥 امي متعلمه وقاريه لغه عربيه وقعدت في الحوش وتخدم نظافه في شركه، ، كانت امي هيا لي تخدم علينا وبابا ديما راقد مايخدمش بكل واصلا امي خدت بابا عن حب هيا تحبه وهوا لا 💔 المهم اعطتني فطوري وطلعت اني وأختي التؤم للمدرسه وكلي أمل لانه امي كل يوم تعطي فيا الامل فاتو السنين وتوفت امي ،، تعبت نفسيتي اني واختي ماعندناش غيرها وقتها ايه بوي موجود لكن امي هيا الحنان كله عندها 💔 لما توفت كنا صغار تسودت ايامنا انحرمنا من ريحتها ،، بوي كأنه في شي في راسه ويخطط ليه بس استمرينا نقروا باش نطلعوا حاجه 🔥زي ماقالت امي 💔 لكن بابا وقف قرايتنا في ثانيه ثانوي 💔 تعذبنا هلبا وقتها وصلت لضرب باش خلاص نقولو حاضر ونسيبوها ،وسيبناها وعشنا احقر أيام عمرنا بوي خايف منه من العار هه كأنه احني لعنه هدا علاش سيبلنا قرايتنا جهل! !
تخيلي انه جمالك بس سبب هدا كله ،، تخيلي انه جمالك هوا سبب تعاستك مش فرحتك 😔
__________________________
اني اسمي أفتخار وأختي ليلى نفس العمر
طبعا نشبهو بعض هلبا!
نفس الموصفات بشرتنا بيضاء هلبا ، عيونا خضر، شعرنا بني مايل للأصفر ومش طوال ومش قصار عمرنا 22
احنا من طبقه الصفر فقراء لي أبعد حد نسكنو في جنوب ليبيا في قرية
عندي عم واحد عنده 2 بنات و 5 ولاد يسكن في طرابلس🤷♀️
وعندي عمتين 🤷♀️مش متزوجات ويكرهونا لدم وهما عايشات في طرابلس
عيلة امي عايشين بعيد علينا وكأنه ماعندهمش اخت متزوجه مايتصلوش ولا يدورو 🤷♀️ علاش لانه احني عيله فقيرة وامسخين وهدا مامطلعين علينا للناس وانه بناته متعين عار هذا علاش وقف قرايتهم 💔ماعلينا منهم
-------
اني وأختي ديما متحجبات ولبسنا كله عبايات بس ثلاثه عبايات نقاسمو فيهم علي بعض 🤷♀️وحتى نلبسو في حوايج امي هلبا وفي العيد نعيدو بالعبايات
ومتعلقين بصلاتنا هلبا مافيش صلاه تفوتنا، نقروا في الأذكار الصباح هلبااا ،،💛
وطبعا زي ماقتلكم من موتت امي بابا وقف قرايتنا قعدنا بس نضمو ونطبخو ونغسلو في الحوش 🖐 ومانطلعوش من الحوش بكل بابا محرمنا من طلوع،
واي شي نديروه مع بعض ونرقدوا مع بعض ونوضو وكأنه شخص واحد بس أسمائنا تختلف وتصرفات كل وحده تختلف علي ثانيه افتخار الهاديه وليلى الفرفوشه لحد ماجي في يوم نهي كل شي وكل شي تحطم حياتنا وقتها بس ماتخيلت تصير زي الجحيم هذا 💔
أنت تقرأ
قتلت أنوثتي
ChickLitتحكي علي زوز أخوات تؤم يعيشو في البدو (جنوب ليبيا) يعيشو في حياة جحيميه تحت ما مسمى رعب زواج بالغصب 💔 وبسبب جهل وفقر وحياه لا تطاق وقذف كلام سئ من اقاربهم بي كلام غير موجود 💔 . هل تنجو احد الاثنين من جحيم هدا او يعيشو حياه بائسه طول حياتهم ؟ وفي...
