مَهِدِوِيِّأّتّ ♥️🌸

(الصورة الشخصية )

السلام عليكم ♡♥♡

إنَّ الصلاةَ على النبيّ تهدمُ الذنوبَ هدمًا.
اللَّهُمَّ صَلِّ عَلَىٰ مُحَمَّدٍ وَآلِ مُحَمَّد… ♡

.

اني سويت هذا الكتاب علمود اشارك معكم بعض المواضيع والمعلومات ونصائح دينية معكم
اتمنة لو شخص واحد يستفاد منة هاذا كل ما سعى اليه .
.
.
.يا الله نبدي بسم الله الرحمان .

‬‏‪الصورة الشخصية .

(صورة البروفايل). تذكري ان الحجاب يشمل الرأس والرقبه والتلگرام والفيسبوك والواتساب والڤايبر والانستگرام..!

السيد بهاء الموسوي: المهدوي يجب ان يكون مهدوياً في كل شيء حتى في صورته الشخصيّة.❤️ قبل كُل شي حسابچ يمثل شخصيتچ وذوقج ، بأي موقع من مواقع التواصل ، يعكس شخصيتچ واهدافچ ومبادئچ .

يعني آني من أشوف حساب فد شخص ، مباشرة أحكم عليه من خلال الصورة المخليها والوصف الكاتبة ..

هذا طبعنا احنه اي شخص نشوف حسابة ندخل عليه ونظل نگلب بصور البروفايل ونشوف شكاتب ونحكم عليه.
للأسف مرات نشوف بعض الاخوات يكون اسمها او اللقب الي مختارته يدل على حبها لاهل البيت وللامام الحسين او صاحب الزمان عليهم السلام  لكن الصورة مالها علاقه بالموضوع..!

انتي مو محجبه؟ وتصلين؟ وتعرفين الحجاب والستر؟ وتعرفين السيدة زينب ع؟
وتنشرين منشورات دينيه؟
ليش صورة حسابچ صورة لفنانه او بنيه كاشفه جزء من جسمها؟

تعرفين انتي بهاي الصورة اول شي شوهتي شخصيتج وحجابچ ومنشوراتج الحلوة ولقبج المختارته عن اهل البيت.

ثانيا اي شخص باوع لصورة الفنانة او البنيه الممستورة وتصفّح بوجهها انتي تشاركينه بالذنب لانج ساهمتي بعرض هاي الصورة؟!     

انتِ الحمد لله محجبة ومحترمة ومحتشمه ليش تخلين صورة بنت ممحجبه أو مبين جزء من شعرها أو جسدها؟
اكو صور تكون لابسة حجاب ومغطية وجهها بورقة شجر او سمايل ...زين شنو الفائدة ما مفاتن جسمج كلها مبينه؟

أو صورة بنت بمكياج وملابس مفصله ولابسه اسود،وشادة بإيدها علگ اخضر وكاتبه كلام عن اهل البيت ...هيچ صار حب اهل البيت..!

آني برأيي الي محجبة وتخلي صورة ممحتشمه تريد توصل رساله انو اني مليت واختنگت من الحجاب واتمنى اكون مثل هاي الصورة..!

خلي شي يعبّر عنچ ، عن شخصيتچ ، اعتزّي بحجابچ و بثقافتچ ، انتي من اختاريتي الإسلام دين والتشيّع مذهب كوني گد المسؤوليّه واحترمي اللي اختاريتيه..

شفتي فد يوم وحده ممحجبه خلت صورة محترمة ومحجبه بس لأنها عجبتها؟

أكيد لا لأنها ثابته على موقفها وتدافع عن رأيها ليش احنه مندافع عن قضيتنا اللي هي حق وأوضح من الشمس؟

اخاريتي لقب محترم خلي صورتچ محتشمه وتدل عليچ وعلى شخصيتچ.

طبعا اكو راح يگولون هذي حُرية شخصيه...صحيح اني وياكم حرية شخصيه ،بس منو الراح يتأذة من هاي الحرية؟

أكيد،انتِ ، راح يتجرأون عليچ ويدخلولچ خاص رغم هم يعرفون الصورة الحلوة المخليتها مو الچ ومو صورتچ ، بس راح يلگوه فرصه.

فالأفضل نحترم اهل البيت ونحترم السيدة زينب ونكون محتشمين حتى بصورنا الشخصيه وبالوصف وبالنشر ..

طبعا الكلام موجه للمهدوي.
.
.
.

في أمان الله وحفضه💛

#مهدوية