ذهب اسر وباسل للمشفي ورأوا فتاه تبكي بشده.
ذهب لها باسل:ماما فين يا كارمن.
كارمن وهي تشاور علي غرفه ما:جوا.
كان اسر محرج ان يتدخل في امور شخصيه لكن عندما رأي كارمن ذهب لها.
اسر:ازيك يا كارمن والف سلامه لوالدتك.
كارمن:الله يسلمك.
باسل:هو انتو تعرفوا بعض.
اسر:اه اتقابلنا قبل كده.
باسل:واتقبلتي معاه فين يا هانم.
كارمن :في الشارع هو كان ماشي وانا كنت بلعب.
باسل:معديش تنزلي الشارع تاني.. فاهمه.
كارمن:فاهمه.
اسر:اهدي يا باسل هي معدتش هنزل تاني وهتسمع كلامك.
خرج الدكتور من الغرفه.
سعد (عم كارمن):خير يا دكتور.
الدكتور:للاسف عندها القلب ولازم العمليه تتعمل في اقرب وقت.
باسل:طب دخلها.
الدكتور:نظام المستشفي لازم تدفع وبعدين ندخلها العمليات.
كارمن بغضب :يعني تموت عشان الفلوس.
سعد:العمليه هتاخد كام.
الدكتور:15الف بس.
سعد :بس... كل دا وبس .
الدكتور:مليش دعوه انا عليا لما اخد الفلوس ادخلها العمليات غير كده انا مش هخسر انتو الي هتخسرو المريضه.
سعد:واحنا مش هندفع.
(سعد:شخصيه انانيه جدا وبخيله تحب المال كثيرا)
الدكتور:براحتكوا ..عن اذنكوا.
تركهم ودهب لمكتبه بينما هتف اسر:اهدوا يا جماعه ان شاء الله هتتحل من عند الله.
سعد :مش هي امكوا انا مليش دعوه الي كان يربطنا بامكوا هي ابوكوا.. وابوكوا مات يبقي خلاص انتهت العلاقه.
وتركهم وخرج من المشفي باكملها.
كارمن ببكاء:باسل هي ماما هتموت وتسبني زي بابا.
ضمها باسل:ان شاء الله هتعيش يا حبيبتي انا هشتغل واجيب فلوس العمليه واخد معاش ابي وهدخلها العمليات متخافيش.
اسر:باسل انت صاحبي واخويا.. يا ريت تقبل مني اني اتكلف بمصاريف العمليه.
باسل:مستحيل انت زي اخويا واكتر بس مش عشان اغني مني هتعطف عليا يا اسر.
اسر:انا عمري ما فكرت كدا وانا بقول الكلمه مره واحده انا هتكلف بالمصاريف يبقي انا هتكلف بالمصاريف ودا اخر كلام.
باسل:بس دا كتير عليك يا اسر.
اسر:مش كتير اني انقذ حياه بني ادمه يا باسل وزي ما هي امك فهي كمان امي... ثم نظر لكارمن وابتسم رغم حزنه علي والده صديقه:وحماتي.
كارمن بعدم فهم:حماتك ازاي.
اسر:باسل فاهم مش مهم انتي.
باسل :يعني هتاخد مقابل العمليه.
اسر:طبعا ...ويلا عشان نروح نجيب الفلوس.
باسل:ماطروح انت.
اسر وهو يجذبهم :ماهو انا مش همشي لوحدي لازم حد يسليني.
خرجوا من المشفي وذهبوا الي فيلا اسر دخلوا وجدوا ايمان وليث ومطر الذي يظهر عليهم الضيق الشديد.
جلسوا معاهم.
ليث باستغراب:مين دول يا اسر.
اسر :تعالي عايز اقولك حاجه.
ليث:ماشي.
نهضوا ودخلوا غرفه اسر.
قص له اسر كل شيء عن باسل وكارمن ووالدتهم.
ليث : وانا موافق روح اقولهم يجوا.
وبالفعل نزل اسر ليناديهم.
وبعدها اتجهوا الي غرفه اسر واعطي لهم المال وخرج معهم الي المشفي.
في الاسفل
ايمان:قوليلي بقي انت وليث مالكوا.
مطر:مفيش حاجه يا ماما متقلقيش.
نزلت دنيا من غرفتها وجلست بجوارهم.
دنيا:انا نيمت العيال وجايه اقعد معاكوا.
ايمان:تعالي يا حبيبتي.
دنيا:كنتوا بتتكلموا في ايه من غيري.
ايمان:كنت بسألها هي وليث مالهم قالتلي مفيش.
دنيا:امممم وليث فين.
مطر:نزل مع اسر وزميله.
دنيا:راح فين يعني.
ايمان:مرضاش يقول لحد.
دنيا:اوك...قوليلي يا مطر في ايه حصل لما انا وسيف مشينا.
تنهدت مطر بصوت عالي ثم هتفت:انا وليث هنطلق.
ايمان:نعم .
دنيا:انتي بتتكلمي جد.
مطر:اومال بهزر.
تركتهم وصعدت لغرفتها.
ايمان:انا مستحيل ادمر حياه ابني وحفيدي.
دنيا:طب انا هطلع اصحي سيف عشان يروح لاهله.
وصعدت لغرفتها وجميله ايضا لغرفتها.
»»$»»$»»$»»$»»$»»$»»$
في بيت ابراهيم.
