قصة : (حتة مني ) الجزء الأول ، ل سهيلة سعيد المنجي ( 2015 )

الحلقة ٣ و ٤

قصة : { #حتة_مني } 👫🧡

الحلقة الثالثة { ٣ } 🙈

حمو بعصبية : احيه بقاااا !
كريم بغيظ ل عمر : خد هنا ياض !
عمر بقلق : من غير مد ايد بس !
كريم : هتنيمنا فين بروح اهلك ؟
عمر : م المكان واسع اهو ، الشقة اوضتين وصالة
غادة : صالة !
عمر : اة يختي صالة
حمو : طب م ندور ع شاليه نأجره ولا شقة كبيرة
رامي : مش لسة هندور ع سمسار ونأجر ، خلاص باظت ي عم !
كريم : ادي الي يمشي ورا كلام العيال !
جنى : انتوا مكبرين الموضوع ليه ، هو مش في اوضتين ، وكل اوضة فيها سريرين ي عمر ؟
عمر : ايوة
جنى : طب خلاص الشباب اوضة والبنات اوضة ، كل اتنين ع سرير
رودي : لا انا مش هنام جنب حد !
دلال : ولا انا !
جنى : خلاص الي متضايق في كنبة ف الصاااالة
( تدخل چنى شنطتها الأوضة تفضيها ويناموا ، چنى جنب غادة ودلال جنب رودي مش طايقين بعض ، ف اوضة الشباب ، يقوم كريم )
رامى ل كريم : رايح فين ؟!
كريم : مش هنام انا جنب سيد قشطة دة ، هنام برة
حمو وهو بينام ع السرير : عين العقل ، انام براحتى انا بقا
عمر : طب تعالى نام جنبي
كريم بغيظ : انت تخرس خالص
عمر : ههههه ماشي
( يطلع كريم ينام ع الكنبة برة ، يعدي الوقت ، تطلع دلال م الأوضة ، تشوف كريم نايم ، تقرب عليه تنام ف حضنه ، يفتح عيونه ويبصلها ، تبتسمله ، تاني يوم ، تدق الساعة اربعة العصر ، چنى تقوم الأول ، تشوف كريم ودلال نايمين )
جنى بغيظ : انت ي زفت ، ولا قوووووم !
كريم بنعاس : ايه في ايه ؟!
جنى : قوموا اتعدله البيت صحا !
كريم ب استهبال ل دلال : ايه دة ، ايه الي جابك هنا ؟!
( يزقها تقع ع الأرض ويضير وشه ويكمل نوم )
دلال : ايه دااا !
جنى : قومي ي حلوة
دلال : قايمة 
( الكل يصحوا وينزلوا الشاطئ ، كل البنات لابسة مايوهات إلا چنى لابسة هوت شورت وبادي ، ينزلوا الماية إلا هي قاعدة ع الشط حاطة ف ودنها الهيد فون وبتقرا كتاب ، يطلع رامي م الماية )
رامى ب استغراب : منزلتيش ليه ؟!
جنى : لا مش اختصاصي البحر
رامي : مبتعرفيش تعومي ؟
جنى : لأ
رامي : طب قومي وانا هعلمك ، مش لابسة مايوه ليه ؟!
جنى : كريم مبيحبنيش البسه
رامى بفهم : امممم ، اومال جاية ليه ؟!
جنى : جاية انكد عليكوا ، فكك مني بقا ي رامي
رامى : فقرية وربنا !
جنى : شكراً
رامي : العفو 
( رامي يرجع الماية ، يطلع كريم ووراه رودي ودلال ، چنى واقفة مسكاله الفوطة )
دلال : فاتتك الماية ي چوچو
رودي : اة تحفة اوي
كريم : م تجربي تنزلي وانا هنزل معاكي ، متخافيش
جنى : لا ي كريم ، انت عارف مبحبش البحر اصلاً !
كريم وهو بيلبس تيشيرت : طب تعالي نتمشى طيب
جنى : طب ريح الأول
كريم وهو بيشد ايدها : يما تعالي احنا مش جايين نريح ، يلا
( تمشي چنى مع كريم ، رودي ماسكة ف ايد وچنى ماسكة ف ايد ، دلال ماشيه وراهم متغاظة ، تدخل بين ايد كريم وايد چنى وتمسكه هي ، ترجع چنى تمشي وراهم ، تتكعبل ف رجل شاب قاعد ، تلحق نفسها وتخبط ف ضهر كريم تمسك فيه ، يلف كريم )
الشاب بعصبية : انتي حمارة مش تحاسبي !
كريم بغيظ : م انت لو لميت رجل اهلك كانت حاسبت !
الشاب وهو بيقوم : يعني تحب ادوسلك ع رجليها زي م هرست رجلي !
كريم انفعال : لو راجل اعملها !
( الشاب بيقرب ع چنى ، يشدها كريم يوقفها وراه ويزق الشاب ويضربه بوكس ف عينه يقع ع الكرسي ، الناس تدخل ويبعدوهم عن بعض ، كريم ياخد البنات ويرجعه الشط )
عمر ب استغراب : في ايه مالكم ؟!
كريم بعصبية للبنات : انتوا ايه الي جابكم ورانا ؟!
( دلال ورودي يبصوا لبعض )
جنى بقلق : خلاص ي كريم !
كريم ب انفعال : مهو لو مكانوش جم ورانا ولبخوني مكانش حد قدر يطول لسانه عليكي !
رامي : حد شتمها ولا ايه ؟!
( يحكي كريم الي حصل )
حمو : ي عم كل دة عشان حمارة م انت ضاربه !
كريم بغيظ : برضو مخدتش كفايتي !
غادة : خلاص ي كيمو بقا حصل خير
كريم بتنهيدة : ماشي
( چنى قاعدة متضايقة إنه زعلان بسببها ، يقرب حمو ع غادة )
حمو بتردد : ماااا تيجي نتمشى شوية
غادة وهي بتقوم بتنهيدة : تعالى
( يروحوا يتمشوا )
غادة : بقا عصبي اوي كريم !
حمو : انتي عارفة إن چنى بالنسباله خط احمر
غادة : علاقتهم ببعض غريبة اوي !
حمو وهو بيبصلها : ازاي ؟! 
غادة : ولا منها صحاب ولا منها حبايب ، بستغربها ، متعرفش هما ايه بالنسبة لبعض !
حمو : عندك حق ، ساعات بحس إنها بتغير عليه !
غادة : وانا بحس كدة مع كريم برضو !
حمو : ممكن عشان صحوبيتهم اڤورت ، بالعادة الأخ بيغير ع اخته ف دة عادي
غادة : يمكن ، مش عارفة  
( ع الشط ، نايم كريم ع شازلونج وحاطط فوطة ع وشه ، تقوم چنى تقرب عليه ، تشيل الفوطة من ع وشه ، يبصلها )
جنى وهي بتقعد : نمت ؟
كريم : تؤ
جنى : متضايق لسة ؟
كريم : لأ
جنى : بجد ؟
كريم بتنهيدة : مفيش حاجة والله
جنى : اوك
كريم : انتي كويسة ؟
جنى : اة فل ، م تقوم تنام فوق بدل م انت نايم ف الشمس !
كريم : الجو حر اوي فوق
جنى : امممم
( تقوم تجيب فوطة كبيرة وتفردها ع رجله )
كريم وهو بيمسك ايدها : تسلمي
( يبوسها ، تبصلها دلال بقرف وغيظ وتضير وشها ، تاني يوم ، چنى قاعدة كالعادة ع الرمل بتقرأ ، كريم واقف بعيد بيتكلم ف الفون ، يطلع رامي م الماية يقرب ع چنى )
رامي : م تقومي تنزلي معايا بقا وبلاش غلاسة
جنى بزهق : ي بني قلتلك فكك مني بقا
رامي بخباثة : ماشي
( يقرب رامي ع چنى )
جنى بقلق : راميييي ، لم نفسك وامشي احسنلك ⁦
( وفجأة ، يشيل رامي چنى ويجرى بيها ع الماية )
جني بصريخ : ي رامييبيي !
عمر : ي بني سيبها مش بتعرف تعوم !
جنى بخوف : نزلني بقااااا ، ي كريييييييم !
( يسمع كريم صوت چنى ، يلف يلاقي رامي شايلها وحدفها ف الماية ، يطلع كريم يجرى عليهم )
حمو بقلق : يخربيتك ي متخلف هتغرقها !
جنى بخضة : هييييي ، بالله ي رامي بالله طلعني !
رامي وهو ماسكها : متخافيش انا ماسكك
( تمسك چنى ف رقبة رامي ، يتضايق كريم ويقعد )
جنى بخوف : كفاية كدة ، طلعني بقا حرام عليك !
( يسيب رامي چنى ف الماية ، تطر چنى تتعلق ف رقبته اكتر ، كريم قاعد ع اخره الموقف مستفزه اوي مفكرهم بيهزره مع بعض لإنهم بعيد ، يقوم يمشي )
عمر بصوت عالي : ي رامييييي ، سيبها تطلااااااع
( يفك رامي ايد چنى من رقبته ويغرقها )
حمو : تعالى نجيبها ، دة حمار وهيغرقها !
( يدخل حمو وعمر يجيبوها ويطلعوها ، يطلع رامى وراهم )
رامى بضحك : انتي طلعتي جبانة اوي !
جنى ب انفعال وهي بتضرب ف رامي : انت حيواااان
غادة وهي بتحوشها : چنى اهدي خلاص ، اقعدي !
( تقعد چنى عماله تترعش كلها ، ياخدوها البنات ويطلعوها الشقة ، يرجع كريم الشط )
كريم : اومال فين البنات ؟
حمو : طلعوا الشقة
كريم ب استغراب : في حاجة ولا ايه ؟!
عمر : انت مش شايف چنى والحمار دة بيغرقها !