قصة : (حتة مني ) الجزء الأول ، ل سهيلة سعيد المنجي ( 2015 )

الحلقة ١١ و ١٢

قصة { #حتة_مني } 👫🧡

الحلقة الحادية عشر { ١١ } 🙈

كريم بقلق : لا اطلع ع اقرب مستشفى دي تعبانة اوي !
عمر : اوك
جنى بتعب : دماغي ، دماغي بتوجعني ي كريم !
كريم : معلش ي قلبي هنروح المستشفى دلوقتي وهتبقي كويسة ماشي
جنى وهي بتمسك فيه : متسبنيش 
كريم : انا معاكي مش هسيبك ، متخافيش
( تعيط چنى )
كريم : چنى بالله عليكي متعيطيش بدل م انزل اطلع مي*ين اهلها !
جنى وهي بتمسح دموعها : خلاص خلاص
( بعد شوية ، تقف ايمي قدام بيت كريم ، تنكش شعرها وتقطع هدومها وتبهدل نفسها اكتر ، تخبط ع الباب ، تفتحلها الشغالة ، تشوف ام كريم واخوه قاعدين ، تدخل تجري عليهم )
ايمى بعياط : الحقونييييي !
ام كريم بخضة : في ايه ؟!
ايمن : ايه الي عمل فيكي كدة !
ايمي ب انهيار : كريم ، كريم ضربني وبهدلنييييي !
ام كريم بعدم فهم : كريم ابني ، ازاي ؟!
( تحكي ايمي الي حصل ف المدرسة بس متحكيش الي هي عملته ف چنى ، يوصل كريم ب چنى المستشفى وياخدها منه ع الطوارئ ، يرن فون كريم ، يمسكه )
كريم : الو
ايمن بحدة : انت فين ي استاذ ؟
كريم : ف المستشفى
ايمن ب استغراب : بتعمل ايه ف المستشفى ، وايه الي عملته ف ايمي دة ، تعلالي ع البيت حالاً !
كريم : مش متحرك من مكاني غير لما اطمن ع چنى الأول ، والي اتعمل ف ايمي تستاهله ، ولسة لما اشوفها هكمل عليها ، ف لو جت تشتكيلكوا قولولها تروح احسن
ايمن ب استغراب : ليه مالها چنى ، ايه الي حصل ؟!
( يحكي كريم الى حصل كله )
ايمن : طب تخلص وتروحها وتجيلي ع البيت ، ماشي ؟
كريم بتنهيدة : ماشي ، سلام
( يقفل كريم مع ايمن ، تطلع چنى من عند الدكتور ، يقرب عليها كريم )
كريم وهو بيسندها : ايه حاسة ب ايه ؟
جنى بتعب : دماغي وجعاني اوي ، عاوزة انام
كريم : معلش هروحك دلوقتي وتنامي براحتك
جنى : اوك
( بعد شوية ، يوصل كريم چنى البيت ويمشي ، ايمي لسة قاعدة مع ام كريم واخوه )
ايمن : مهو ي انتي كدابة او كريم كداب ، لإن الي بيحكيه غير الي انتي بتقوليه دة خالص !
ام كريم : بيحكي ايه ؟
ايمن : بيقول إنها هزقت چنى وشتمتها وهزقته هو كمان عشان لقيتهم قاعدين سوا ف الفصل ، ف الأستاذ كريم طبعاً ميتوصاش ف ضربها بالقلم ، ودة ليه حسابه ، بس الهانم بقا مسكتتش وخلتهم واقفين قدام المدرسة ومسكت چنى من شعرها طلعته ف ايدها ، واغمى ع چنى وخدوها ع المستشفى !
ام كريم بخضة : ينهار ابيض ، انتي اجننتي انتي بنت ازاي تعملي كدة ، انا م الأول قلت دي جوازة سودة ونسب منيل !
ايمن : معتقدش اصلاً هيكون في اي جوازات من بعد الي حصل دة !
ايمي بخضة : ليه يعني ايه ؟!
ايمن ب انفعال : وكمان بتسألي ، ي بجاحتك والله !
ايمى : انا اتعاركت مع صاحبته مش معاه ، هو الي طلع يجري ورايا وبهدلني كدة !
ام كريم : اومال عوزاه يسكتلك لما تعملي كدة ف چنى ، دة احمدي ربنا إنها جت ع قد كدة بس !
( تتوتر ايمي اكتر )
ايمن : غلطان برضو ي امي ميمدش ايده ع بنت مهما حصل ، لما يرجعلي الأستاذ !
ايمي : انا مستعدة اعتذرله طيب
ام كريم : بعد ايه بقا !
( يدخل كريم ، يشوف ايمي )
كريم ب اندهاش : ينهار ابوكي ازرق ، لحقتي تقطعي هدومك ، صحيح م انتي بت ..........................
ايمن وهو بيقوم : كريم اخرس !
كريم بزعيق : دة انا هطلع روح امها !
ايمن وهو بيقرب عليه : قلتلك اسكت ، تعالى
( يشد ايده وياخده ع فوق ، كريم عمال يشتم ف ايمي وهو طالع )
كريم : بنت الكلب دي تطلع برة ⁦
ايمن بزعيق : امشي بقااااا
( يطلع كريم وايمن فوق )
كريم : سيبني بس اكمل عليها ، هي مش جاية مقطعة هدومها اكمل انا بقا سيبني
ايمن : ي بني هي واحد صاحبك دي بنت ، عارف يعني ايه بنت ، مينفعش تمد ايدك عليها !
كريم : وحياة ربي الي نجدها مني إنها بنت ، لو مش بنت كنت روحتها ع المستشفى ، انت مشفتهاش عملت ايه ف چناااا !
( عند چنى ، نايمة ع سريرها بس صاحية ، تدخل جدتها )
الجدة ب استغراب : بت ي چنى ، مالك ؟!
جنى : ماليش
الجدة وهي بتقرب عليها : لا في حاجة ، في ايه ؟!
( تقعد جنبها )
الجدة : حصل ايه ، مال دماغك ؟!
جنى : كورة خبطت ف دماغي واحنا ف المدرسة ، ف وجعاني شوية بس ربطها
الجدة : مين الحمار الي خبطها ف دماغك ؟!
جنى : قولي حمارة
الجدة : كمان بنت ، انا هروح المدرسة بكرة واقدم فيها شكوى للمدير !
جنى : لا مافيش داعي ، هي اتحاسبت خلاص
الجدة : ازاي ؟!
جنى : كريم ضربها
الجدة : احسن تستاهل
جنى بوجع : اااااه !
الجدة : طب ي حبيبتي هسيبك ترتاحي شوية
جنى : ياريت 
( تمشي الجدة ، يرن فون چنى )
جنى : الو
عمر : چنى عاملة ايه دلوقتي ؟
جنى : كويسة
عمر : انا اسف ع هزاري البايخ معاكي الصبح ، بس والله انا ...........................
جنى : مافيش حاجة ي عمر حصل خير
عمر : انا بس محبتش تكوني زعلانة مني
جنى : لا ي عمر مش زعلانة ، هروح انام شوية احسن دماغي بتوجعني اوي
عمر : الف سلامة عليكي ، لو عوزتي اي حاجة اتصلي بيا اوك
جنى : اوك ، باي
عمر : باي
( تقفل چنى مع عمر وتنام ، كريم قاعد مع اخوه )
ايمن : انا عارف إنها غلطانة ، بس مهما حصل مكانش ينفع تمد ايدك عليها
كريم : لو مكنتش ضربتها كان احتمال يجيلي شلل !
ايمن : طب خلينا ف الكارثة بتاعة دلوقتي ، هتروح بيتهم ازاي دي ؟!
كريم : زي الناس ، نعملها ايه يعني ؟
ايمن : زي الناس ايه ، تروح لأهلها مضروبة من خطيبها !
كريم بتريقة : عشان يعرفوا إني مسيطر من اولها
ايمن بعصبية : انا مش بهزر يخربيت اهلك !
كريم : وانا مال امي م تولع ، وبعدين انا مبقتش خطيبها خلاص !
ايمن : يعني ايه ؟!
كريم : يعني دي مش انسانة حد يرتبط بيها دي متوحشة ، وانا مش عايزها ، والي يرش چنى بالماية هرشه بالدم ، وهي خلاص بانت معاها ، اعتبروني فسخت الخطوبة بقا
ايمن : هو انا خاطبهالك ولا خاطبها ل چنى ، انت هتجنني !
كريم : هو كدة ، ي انا وهي تبقا معانا كويسة ي بلاش خالص ، البنات ع قفا مين يشيل ي عم
ايمن : خلاص اتجوز چنى وريحنا
( يسكت كريم ويضير وشه )
ايمن : طلاما مفيش حد عاجبك ودي اهم واحدة عندك واهم من خطيبتك ، وكمان ضربتها عشانها ولسة هيحصل مصايب من اهلها لما يعرفه ، يعني غصب عنك بقا استحمل الي جاي !
كريم وهو بيمسك الفون : الي عندهم يعملوه مبخافش غير م الي خلقني ، يروحوا يربوا بنتهم الأول
ايمن : ماشي ي كريم ، فكك من ايمي دلوقتي ، انا عايز اعرف بقا چنى دي هتفضل معاك لأمتى ؟
كريم ب استغراب وهو بيسيب الفون : يعني ايه لأمتى ؟!
ايمن : يعني انا عايزك تفكك م البت دي بقا شوية وتفكر ف حياتك
كريم : اة إن شاء الله !
ايمن : م انت طولت قصرت هتبعد عنها دي مجرد صاحبة ، لو ولد نقول ماشي صحاب للأخر لكن دي بنت ، اول م تلاقيلها واحد تحبه هتنسحب من حياتك ، انت ليه مش عاوز تفهم كدة !
كريم وهو بيقوم : كلكم بتتكلمه عليها كأنها هي الي مبوظة حياتي ، راجع معايا كدة ي ايمن بيه شريط حياتي قبلها وانت تعرف الفرق ، تعرف ليه مش عاوز افهم كلام اي حد فيكم عليها ، عشان انتوا اصلاً مش فاهمين احنا ايه بالنسبة لبعض ، چنى حتة مني ومهما حصل مش هنبعد عن بعض ، افهموا انتوا بقا دة