قصة : { #حتة_منى } الجزء الثاني 👫🧡
الحلقة الأولى { ١ } 🙈
( چنى وكريم قاعدين ع البحر )
جنى وهي بتبص ف الفون : كريم انا أتأخرت يلا نقوم 🤳
كريم : نقوم فين ؟
جنى : نمشي
كريم : نمشي فين ؟
جنى ب زعيق : نروح ي كريم 🤷🏻♀️
كريم : طب بتزعقي ليه متخلنيش اتغابى عليكي !
جنى : براحتي 😁
كريم : طيب خديلك توكتوك بقا يروحك 💁🏻♂
جنى وهي بتقوم : ي كريم يلااا 🙄
كريم : ماليش مزاج اتحايلي عليا شوية كدة 🤔
جنى وهي بتضربه : قوم ياض 😠👋
كريم : طب براحة ي معلم .. قوميني ي انشراح 👋
( تشد ايده تقومه م الارض ويمشوا )
كريم : مش ناسية حاجة ؟
جنى : لأ ايه ؟!
( تلاقي ف ايده الكوتشي بتاعها )
جنى : اه كوتشيااا 😅👟
( يطلعوا ع رصيف قدام البحر وجنبهم المتوسيكل ، ينزل كريم كوتشيه ف الارض ويلبسه ، چنى تحط رجليها ع الرصيف وتوطي عشان تربط الكوتشي )
كريم : ايه يما انتي قومي 😮
جنى ب استغراب : في ايه ؟!
كريم : ضهرك ي هانم 🤷🏻♂
جنى : طب هعمل ايه عاوزة اربطه 😕
كريم : انا هربطهولك متوطيش كدة تاني ف الشارع ماشي ؟
جنى : ماشي حاضر
كريم : اقعدي
( تقعد چنى ع الرصيف ، يوطي كريم عشان يربطلها الكوتشي ، بعد دقتين )
جنى ب زهق : كل دة ي كريم يلا 🤷🏻♀️
كريم : هموت واعرف يعني سيبتي كل جزمك ورايحة تلبسي كوتشي وكمان ب رباط 😬
جنى : الي جه ف ايدى ي عم 🙄
كريم : كنتي نزلتي حافيه ارحملي
جنى ب استغراب : انت بتعمل ايه كل دة ؟!
كريم : مش عارف اعمل فيونكة 😕
جنى : ههههههه طب اوعا انا هعمله 😄
كريم : عليا الطلاق م يحصل ي انا ي اهو انهاردة 🙅🏻♂️
جنى : اومال بتربط بتاعك ازاي ؟!
كريم : مين قالك اني بربطه ؟
جنى : بشوفه كدة ف رجلك اهو مربوط 👉
كريم : لا انا بخلي المحل يربطهولي بعد اما اقيس ومبفكهوش ابداً 🙅🏻♂️
جنى : لا والله !!! اول مرة اعرف المعلومة دي ههههههه 😂
كريم : بس بقا انتي موتراني ع فكرة اسكتي عشان اركز ممكن ؟
جنى : لامؤخذة اتفضل 🤭
( يمسك كريم الرباط ويحاول يربطه )
كريم : ايوة هما كانوا بيدخلوه هنا اه .. طب وبعدين ؟!
جنى ب زهق : ي مسهل يارب 🙄
كريم : هشششش
جنى : طاااايب !
كريم ب حيرة : اه من هنا صح كدة .. لا غلط غلط .. يخربيت ام الكوتشيات ع الي صنعهااا 😠
جنى : ها بقاااا 😑
كريم : استني خليني افتكر .. كانت بتقولي ودن الارنب وندخلها معرفش فين اة في البيت يدخل وينط معرفش منين 🐇
جنى ب استغراب : ودن ارنب !!!! انت بتعملي عمل ع الكوتشي ولا ايه !!!!
كريم : لا امي كانت بتقولي اغنية كدة فيها شرح ل فيونكة الكوتشي 🎀
جنى : طب م نتصل بيها تشرحلنا 🤔
كريم وهو بيقوم : اه والله فكرة 😃
جنى ب انفعال : فكرة ايه ي بني حرام عليك بقالك اكتر من ربع ساعة بتعمل فيونكة قلتلك انا اعملها 🤷🏻♀️
كريم : التيشيرت الي انتي لبساه قصير ي خرة هتوطي ازاي ضهرك كله باين للناس .. قومي
( تقوم چنى من ع الرصيف ، يقعد كريم نص قاعدة ف الارض )
كريم : حطي رجلك هنا 👇🏻
( تحط چنى رجليها ع رجل كريم وتربط الكوتشي )
جنى : اخيراً 🙄
كريم : وحياة امي لو شوفتك لابسة كوتشي تانى هولعلكوا ف الجزامة بتاعتكوا ☝️
جنى ب ضحك : ههههه حاضر 🤭
( يرن فون كريم ، ياخده ويروح ع جنب ، تلمح چنى بتاع الترمس تروح تجيب منوا ، يرجع كريم )
كريم ب استغراب : جبتيه منين دة ؟!!!
جنى : حاسب الراجل 😁
كريم : لا بردوا مش هجيبهولك انا مبحبش الترمس اصلاً 🤷🏻♂
جنى : انا جبتوا خلاص وبعدين انا بحبه اولع انت 🤷🏻♀️
كريم : اولع 😐 طيب شوفي مين هيحاسب عليه خلي الراجل يطلع يجري وراكي 😏
جنى ب ندم : لا اسفة اسفة خلاص حاسب يلا
كريم ب تكبر : لأ 😌
جنى ب دلع : وحياتي ي كوكو 🥺
كريم : يخربيت ام السهوكة 🙄♥️
جنى : حياتييي 😄❤
( يروح كريم يحاسب الراجل ويرجع )
كريم وهو بيركب المتوسيكل : يلا اركبي
جنى : اوك
( يعدي شاب يعاكس چنى وهي بتركب المتوسيكل ، يسمعه كريم ، ينزل من ع المتوسيكل )
جنى ب خضة : رايح فين كريم 😮
كريم ب انفعال : اصل هي كانت نقصاك تبقا انت والكوتشي والترمس كمان 😡
( يمسك كريم ف خناق الشاب والناس تسلكهم )
جنى ب خوف : يلا ي كريم والنبي خلاص 😧
( يركب كريم وتركب چنى ويمشوا ، يوصلوا قدام بيتها ، ينزلوا من ع المتوسيكل )
جنى : متتأخرش بكرة اوك ؟
كريم : اوك 😕
جنى ب استغراب : مالك ؟!
كريم : ماليش
جنى : بجد مالك في حاجة مضيقاك ؟!
كريم : لا بس .. مش مصدق الي حصل .. حاسس اني كنت بحلم وهيخلص الحلم وانتي ماشية دلوقتي !
جنى : بس احنا مش بنحلم مش كدة 😕
( يقرب يحضنها جامد )
جنى ب ضيق : كريم !!!! هتفطسني خلاص 😨
كريم : بتأكد بس اني مش بحلم 😊
جنى وهي بتضربه بالقلم : لا انا اخليك تتأكد 👋
كريم ب خضة : ي بنت ال 😲
( تضحك چنى وتطلع تجري ع جوة وتقفل الباب ف وشه )
كريم : مااااشي بكرة هاااا 🙄
( تضحك چنى ، يرجع كريم يركب المتوسيكل ويروح ، يمسك الفون اول م يدخل اوضته ويترمي ع السرير ، ف بيت چنى ، قاعدة ف اوضتها ، يرن فونها )
چنى وهي بترد : روحت ؟
كريم : اه لسة داخل
جنى : حمدلله ع السلامة
كريم : الله يسلمك
جنى : جاي بكرة طبعاً ؟
كريم : اكيد
جنى : اشطاا اشوفك بكرة
كريم : هتوحشيني 🙂♥️
( تبتسم چنى )
جنى ب كسوف : وانت كمان ♥️
كريم : تصبحي ع خير
جنى : وانت بخير
( ل اول مرة من وقت طويل يناموا هما الأتنين وهما مطمنين ♥️ يطلع الصبح ، يوصل كريم وچنى المدرسة ، المدرسة كلها بتبصلهم ومستغرباهم ، عمر واقف مع حمو ورامي وبيبصلهم ب غيظ )
جنى ب استغراب : هو في ايه انا حاسة ان المدرسة كلها مش طيقانا 🤷🏻♀️
كريم : شكل عمر قام بالواجب 👌
جنى ب فهم : اااه .. باين كدة 😕
( يرن جرس بداية اليوم ، الكل يطلع ع فصله ، يبدأ اليوم الدراسي ، يدخل نائب المدير )
نائب المدير : بعد اذنك ي مستر .. كريم منصور الشيمي ؟
كريم وهو بيقف : ايوة ✋
نائب المدير : تعالى ورايا
جنى ب قلق : هو في ايه ؟!
كريم : معرفش 😕
( ينزل كريم ورا النائب ، يدخلوه مكتب المدير ، يشوف عمر واقف ف المكتب )
المدير : اطلع انت ي عمر
( يبص عمر ل كريم ويبتسم ويمشي ، كريم مش فاهم في ايه )
كريم : حضرتك كنت عاوزنى ف حاجة ؟!
المدير ب ضيق : هو انا بعوزك غير ف المصايب 🤦🏻♂️
كريم ب استغراب : بس انا معملتش حاجة 😕
