الكاتبة ===== جغانة =====
========= الحلقة السادسة عشر =========
وصلت 6:30 كانو لي بيس كامل قدامها وهي تشوف فيهم وتهدر مع الشوفارة تحهم وتتفاهم معاهم ع البحر وعلى الوقت لي يروحو فيه ومعتز يشوف فيها باعجاب
رجعت لحصان حبيبها الابيض ( طوموبيلتو ) وهي متوترة ركب معتز وقاللها : وش بيه ازين متوتر
لينا : والله الباك مخممتلوش هكا
معتز يضحك : خلاص باين رح يعدي نهار هايل
لينا : حقى وحصانك قصدي طوموبيلتك تخليها هنا نورمال او كاين الباركينغ تع محمود ولد الحومة يفرزك فسومة
معتز نو رح نروح بيها
لينا بصدمة : اه اه لااا وشكون يروح معايا انا ا اا قصدي فلبيس
معتز : متخافيش عيطت لخولة ترومبلاصيني فلبيس خاطر منحبش لهرج ياسر
لينا بخيبة امل تمتم : يعني فضتلي مع بنت قدور
معتز : مسمعتش
لينا بخبث : والو تخممش
وصلت 7 وبدا الغاشي ولينا تركب فيهم وتخطط لحاجة خلاف فنفس الوقت لمت اشوفارة تع لي بيس سون سمير وقالتلهم : انا رح نروح مع معتز فطوموبيلتو ورح نكون انا لولة فالكورتاج ( سماتو كورتاج هيهي ) وانتوما ورايا ونصحق لغنا يتسمع وكامل ديرو نفس لغنيا لي نبعتهالكم في ميساج اوكي ؟
هوما : اوك مي وشمن بحر قررتي تروحيلو ؟
لينا بابتسامة : عين بربر
هوما: عرفتي تخيري واااو
لينا بمكر : اعلم هايااو نتحركو باش نوصلو بكري
ركبو كامل بقات غير هيا راحت لمعتز مذبلة عينيها وراسها للرض : ملقيتش بلاصة نقدر نروح معاك
معتز بخبث : تفضلي ( زعمة حابتني نصدق بلي لي نظمت رحلة كاملة كفات ناس كامل غير هي هههههه )
تحركو بعد ماعطات كل بيس فلاش ديسك بالغنى اللي حابتو هي وجيست فاتتهم برونشات تيليفونها ف طموبيل تع معتز وبعتت ميساج ل شوفارة وفي نفس الوقت دارو غنيا وحدة ( ساااالمة ياا سالامة ........ رحنا وجينا بسالاااامة ...... سااالمة يااا سالااااامة ..... رحنا وجييينا بساالاااامة ) معتز مات بضحك و اللي يحير اكتر انو التلاميذ كامل يغنيو معاها ويصفرو ودايرين لومبيونص جيست فاتو الحومة وخرجو لطريق بعتت ميساخ خلاف وهي تاني معاهم ( يله كرمال العرسان يله يله .. جنو نطو جنو نطو جنو نطوو جنو نطو ... طيريري راي طيريري راي ..... يله جنو جنو جنو اااا ... ط طيريري راي ططريريري راي ) غير صوت التصفار وشطيح داير حالة خرجت راسها ع الكارو كي دوبلاهم معتز اكل وتصفر وتصفق و تلاميذ كامل مخرجين ريصانهم كيفها ويصفرو ( جنوو حبو جنو حبو ( جنوو حبو جنو حبو جنو حبو ط طيريري طط طيريري راي ) دخلها معتز قللها : واااش هبلتي ؟ وقدر ربي طرتي فيك زوج كيلو رح طيري
لينا : منعرف شكون لي اخر مرة هزني قلي ثقيلة
معتز يضحك : يااابن عمي لسانك خلاص سكتنا ديري رايك
أنت تقرأ
جنون تلميذة N.B(مكتملة)
Adventureقصة هادي مني اقرى الكرونيك ومتندمش باذن الله فيها ضحك (كوميديا ) وفيها حب (رمنسية ) باللهجة الجزائرية تخيال طيح طفلة مهبولة في يد شيخ مرنك باينة يقو غير يتشانشفو ويدابزو 😂 اتمنى ان اتنال اعجابكم
