رواية .... ❤ كان حلم ❤
الفصل السابع
سما بهدوء : وانت ليه توصلها انها تفكر تعمل كدة ؟!.. احتويها يا سليم وحسسها بالامان ، ثق فيها دايما وف عقلها
سليم بتهكم : قصدك ادلعها
سما : وحتى لو انت سميته دلع إيه المشكلة ، هو انت غريب ؟! ، دلعها يا سليم
سليم : ءايه ياختى ..! ، ادلعها ! ، سما .. لاخر مرة هقولك متدخليش بينى وبين فرح ، سيبينى اربى اختى زى ما انا شايف
سما : وهى اختك ناقصة تربية يا سليم عشان تربيها ! ، بباك ومامتك الله يرحمهم ربوكوا كويس ، ودلوقتي دورك الدعم والمساندة والثقة .. مش التربية !!
سليم بصرامة : لآخر مرة هقولك متدخليش وملكيش دعوة ، ولو اتدخلتى تانى هتندمى صدقينى
.......................
بعد ساعتان .. كان الجميع يتهاتف نحو باب المدرج للخروج .. نظرات بينها وبين كريم
فبدأ الحديث هو اولا : المحاضرة إللى بعد دى بعد ساعتين لسه
تحدثت بضيق : اه ... هروح واجى
تساءل : انتى بيتك قريب ؟
أجابت بتهكم : للاسف
تحدث : كنت عامل حسابي انك تشرحيلى المحاضرة الرابعة فى المحاسبة ، مش قادر استوعبها خالص وقلت ممكن انك تشرحيهالى فى الوقت ده
ردت بتلقائية : والله غصب عنى ، اخويا لو مروحتش متعرفش ممكن يعمل فيا إيه ؟
اجاب : طيب تمام خلاص
سئلت بعفوية : انت زعلت منى ؟؟
اجاب بإبتسامة : لا مزعلتش .. ومينفعش اسببلك مشكلة ، انا هحاول اتصرف بقى
تحركت ريم من بعيد وتدخلت : ازيكم
كريم و فرح : الحمد لله
ريم بإستفهام : ايه واقفين كدة ليه ؟!
فرح بحزن : ما انتى عارفة إللى فيها يا ريم !
ريم بتفكير : واللى يحللك المشكلة دى !
فرح بإنتباه : مشكلة إيه ؟!!
ريم بجدية : عندى حل يخليكى تقعدى وتروحى زى ما انتى عايزة ، وسليم عمره ما هيشك فيكى ولا هيحاسبك !
كريم بتركيز : وساكتة ليه ؟!! .. ما تقولى الحل
ريم بذكاء : كريم هيكلم سليم و
ريم مقاطعة حديثها : انتى اتجننى رسمى ، هيكلمه يقوله إيه ان شاء الله !
ريم بصرامة : اسمعى للآخر يا غبية ، كريم هيكلم سليم يقوله أنه الدكتور بتاعك وانه طالب منك كذا حاجة وان هو اللى هيأخرك ، وكل ما عايزة تقعدى نخلى كريم يكلمه .. ها قلتوا إيه ؟
فرحة : يا بنت الايه ؟!!.. فكرة حلوة أوى
كريم : طيب مش هيحصلك مشكلة ان الدكتور ولد وبيطلب منك وكدة
ريم : مهو حضرتك دكتور مش معيد .. ركز
كريم بتصحيح : ركزى انتى ، صوتى باين انه شبابى
ريم بخبث شديد : ودى تفوتنى برضو !! ، عندى ابلكيشن ع الفون بيغير نبرة الصوت ، بس انت هتتعامل مع الموضوع بذكاء يا كريم .. يعنى فى الأول تدخل دخلة جد .. وانك مقدر ريم كطالبة عندك وانها متفوقة وهكذا .. فاهمنى !
كريم بتركيز : اه تمام جدا .. ايه رأيك يا فرح
صمت مميت من فرح وكأنها تعيد حساباتها
فتحدثت ريم : فرح .. احنا متفقين أننا مش هنعمل حاجة غلط ، بس هو إللى اضطرنا لكدة !!
فرح بهدوء : انا موافقة ، وزى ما تيجى تيجى .. انا فعلا زهقت
اذا كان ماشية ع الخط بالظبط ومش سالمة منه ومن اهانته .. انا موافقة يا جماعة
" كيد حواء ، ومن يستطيع التعامل مع كيد حواء ! .. تحكمك و عنفك لن يستطيعا فك لغز كيد حواء ، فقط الثقة هى من ستجلب قلبها وتجعلها عجينة تشكلها كما تشاء ... احذر يا آدم !! "
جلسوا ثلاثتهم وجهزوا كل ما يتعلق بالتطبيق وجربوه مرة وثانية
حينها قالت ريم : كدة تمام أوى .. يلا اتصلى يا فرح ولما تقوليله الدكتور بتاعى عايز يكلمك اضغطى هنا عشان نبرة الصوت تتغير
فرح بتوتر : حاضر
أحضرت رقمه وشرعت فى الاتصال جاءه رده : كنت لسه هكلمك ، مروحتيش ليه لحد دلوقتي ؟!!
فرح بتوتر : الدكتور بتاعى عايز يكلمك
سليم : دكتور مين ؟ .. وفيه إيه ؟!!
فجأة ضغطت على ايقونة تغيير نبرة الصوت وأعطت هاتفها لكريم الذى تحدث بصرامة غير معهودة : السلام عليكم
سليم : وعليكم السلام
كريم بهدوء مميت : انا دكتور أحمد الشاذلي ، دكتور مادة الاقتصاد
سليم بإحترام : اهلا وسهلا بحضرتك يا دكتور
كريم بصرامة : انا كنت محتاج الانسة فرح تجمعلى أبحاث و شيتات وهتساعدنى فى كذا حاجة
سليم : تحت امرك طبعا يا دكتور
كريم بهيبة : هى قالتلى انك هتزعقلها ولازم تستئذنك
سليم : حضرتك اكبر من اى استئذان يا دكتور .. هى بنتك طبعا
كريم بهدوء : ونعم البنت ، وبنت الادب و الاحترام ، حقيقى تسلم تربيتك وسعيد انى كلمتك يا باشمهندس سليم
سليم مبتسما : الله يعزك يا دكتور .. انا الأسعد اكيد ، معلش ممكن رقم حضرتك عشان أتابع معاك .. حضرتك عارف القلق اليومين دول وبخاف عليها وكدة
كريم بهيبة : مفيش مشكلة يا باشمهندس ، اتفضل .......010
سليم : تمام يا دكتور ، انا ممنون ليك جدا
كريم : العفو .. فرح معاك
ضغطت فرح سريعا لإلغاء خاصية تغيير نبرة الصوت وتحدثت بهدوء : أيوة يا سليم
سليم : مفيش مشكلة ، خليكى مع الدكتور ووقت ما تخلصى تروحى ع طول .. وخلى بالك انا خدت رقمه عشان متلعبيش بديلك
فرح بضحكة مكتومة : حاضر يا سليم .. سلام
سليم : سلام
اغلقت المكالمة ووقع ثلالثهم أثر ضحكاتهم
فرح مقلده صوته : انا خدت رقم الدكتور عشان متلعبيش بديلك
دخل الجميع فى نوبة ضحك ثانية و فى النهاية لابد أن تعلم أن مهما آدم حاول إغلاق الدائرة على حواء بالعنف ف النتيجة هى حدوث ثغرة فى الدائرة لم ترى الا بعين حواء .. ثغرة تجعلها تخرج عن المسار وتفعل ما تشاء ......
وآدم ؟ .... آدم مغيب
الأمور لن تدار بالعنف وقوة العضلات يا عزيزى .. لا تكابر .. تراجع !
#يتبع
تفتكروا الامور هتزداد سوء ، ولا سليم هيتغير بسرعة ؟!
هل لسه شاكين ان فيه علاقة بين سليم و كريم ؟!
هستنى توقعاتكم ❤
تفاعلكم بيفرحنى .. فرحونى 🌸❤
#S_A_G ❤❤
