#ماضي_لا_ينتهي
#بوسي_مصطفى
______________
الحلقة ٣٧
في المساء في شقة مروان(والد سليم)
مروان خارج من غرفة المكتب وهو غضبان وبيزعق
مروان : ايه الدوشه دي مبقتش عارف اركز ولا اتابع شغلي.
اقفل البتاع دا يا آدم وادخل لمامتك يلا.
فريال خارجه من المطبخ : في ايه يا مروان بتزعق ليه؟؟
مروان : انتي مش سامعه الدوشه دي
فريال : معلش ما هما زهقانين هيعملوا ايه يعني
قولت اشغلهم التليفزيون واعملهم حاجه حلوة ياكلوها.
مروان :"قولتلك اقفل التليفزيون ده.
وقرب مروان اخد الريموت وقفل التليفزيون.
ليلى : سليم اطلع شوف في ايه
سليم : تعبان مش قادر اقوم
ليلى : هو انا بقولك انزل هاتلى حاجه
اخرج بس شوف في ايه
انا محرجه اخرج.
سليم خرج من الغرفة
في ايه يا بابا؟؟
مروان : ايه يا ابني هو كل ليلة بالشكل دا
ولادك مبيناموش ليه
نظر سليم ل الساعة
سليم : الساعة لسه مجاتش تسعه يا بابا
مروان : وفيها ايه ما و انتوا صغيرين كنتوا بتناموا
في الوقت ده
هما معندهمش مدرسة الصبح؟؟
سليم : حاضر يا بابا
يلا يا ولاد علشان تناموا
آدم : انا مش عايز أنام دلوقت
مريم : وأنا مش عايزة اقعد في البيت دا
رجعنا بيتنا يا بابي
نظر مروان ل سليم
مروان : ايه واقف ليه؟؟
مترجعهم بيتهم يا سليم
فريال بتحاول تخفف من حدة الموقف.
فريال : تعالوا يا ولاد شوفوا عملتلكوا ايه
دوقوا بقى وقولولي رأيكم
تعالي يا ليلى دوقي من الحلو اللي انا عملاه.
ليلى تنظر ل والد سليم اللي كان بينظر ليها بحده :
تسلم ايدك
يا طنط.
دخل سليم جوه ودخلت ليلى وراه.
ليلى : بتغير هدومك ورايح فين
سليم : نازل اتمشى شويه
ليلى : انت مش من شوية قولتلي مش قادر تقوم.
سليم : جرا ايه يا ليلى زهقان وعايز افوك عن نفسي
شويه
ايه في مانع
ليلى : لا يا حبيبي براحتك
طيب خد الولاد معاك
سليم : نعم !!
بقولك نازل افوك عن نفسي شويه تقوليلي خد الولاد
معاك؟؟!
ليلى : طب خلاص هاخدهم انا وننزل نتمشى شوية
انا كمان زهقانه.
سليم : خلاص تمام خديهم وانزلي.
ليلى : هتتأخر؟؟
سليم : معرفش.
ليلى : طيب خد بالك من نفسك.
سليم ببتسامة : حاضر.. سلام.
غيرت ليلى هدومها واخدت الولاد ونزلت تحت.
_____________________
في شقة سيف
أميرة : ومين قالك إنه اخدها علشان يبعدها عن البلد
مش يمكن سافروا الغردقة ولا شرم أي مكان في بحر
أهو يغيروا جو
سيف : انتي طيبه اوي يا أميرة
أميرة : على العموم م تسبقش الأحداث
يعني كلها اسبوع وكل حاجه هتبان لو رجعوا يبقى
كلامي صح
لو مرجعوش وقتها تقلق بقى
سيف : مش عارف اركز في شغلي يا أميرة
أميرة : ليه بس يا حبيبي
مش تضحك وتفرفش كده
وانا جنبك.
سيف : انا آسف يا حبيبتي
أميرة : على ايه بقى
سيف : مشيلك همي
أميرة : يا سلام وايه يعني
هو انت ليك حد غيري؟؟!
سيف مردش
أميرة عقدة حاجبيها ونظرت ل سيف وتصنعت الغضب
أميرة : متنطق ليك حد غيري
سيف ' : هههههههه مليش غيرك يا حبيبتي
فوكي التكشيرة دي بتفكريني ب ليان ههههههههههههه
(وضحك وعينه مدمعه)
أميرة : طب بقولك ايه
سيف : نعم !!
لا شوفي اوعي تقوليلي انزل اجيب مانجا !!
أميرة : هههههههه لا لا الموضوع مفيهوش نزول خالص
سيف : امال ايه
أميرة : عايزة انزل الزقازيق
سيف : هههههههه ما هو في نزول اهو
بس المرادي مش ليه
ليكي انتي.
ولو أني لو وافقت هنزل انا كمان
ههههههههههههه
أميرة : خلاص بلاش
سيف : ايه دا انتي زعلتي ولا ايه
أميرة : لا يا حبيبي
بس فعلاً انا غبيه
سيف : ليه يا حبيبتي بتقولي على نفسك كده؟!
أميرة : اصل يعني مش وقته
شوف انت بتحكي في ايه
وانا اروح اقولك عايزة انزل الزقازيق.
فعلاً مش وقته خالص.
سيف : مين قال مش وقته
وبعدين انتي ذنبك ايه اصلا
في كل دا؟؟!
حاضر يا حبيبتي شوفي انتي عايزة تسافري امتي
واجهزي واديني خبر وانا جري هشغل العربية واخدك
على هناك.
أميرة : حبيبي يا سيف
يعني رغم كل الظروف اللي انت بتمر بيها دي.
مش عايز تزعلني برضو.
سيف : مقدرش ازعلك يا أميرة
دا انا تعبت اوي عقبال م اوصلتلك اقوم بعد م تبقى
معايا وفي بيتي ازعلك دا انا ابقى مغفل.
أميرة : لا متقولش على نفسك كده.
اخس عليك.
سيف : اه من الغمازتين دول جننوني.
أميرة : هههههههه
سيف : بقولك ايه
أميرة : نعم.
سيف يغمزلها : بحبك.
أميرة : هههههههه.
سيف : رايحه فين؟؟!
أميرة : جايه بس هطمن على عمر واجي على طول.
سيف ببتسامة : طيب.. تمام.
______________
أنت تقرأ
ماضي لا ينتهي
Romanzi rosa / ChickLit_______المقدمة ________ سرعان ما تمر الأيام وتمضي السنين. القصة تتحدث عن خمس أبطال لقصص قديمة دمجتهم مع بعض نبذة مختصرة عن ماضي كل قصة معانا :_ 💓ندى ومازن ندى من أسرة بسيطه احبها شقيق مازن الدكتور يوسف ولكن بعد معرفته بحب أخيه البشمهندس مازن ب...
