💕أنت قلبي٢💕

الحلقة ٢١

#انت_قلبي٢
#بوسي_مصطفى
__________

الحلقة ٢١
في فيلا هشام
هشام : خلاص بقى يا امل وبطلي عياط
اعمل ايه انا انزل ادور عليه فين
هو عيل صغير تايه؟!
امل : معرفش يا هشام المهم تعرف ابني فين ومترجعش
إلا وهو معاك
وتنفذله كل اللي هو عايزة.
هشام : هدور عليه حاضر
بس انفذله كل طلباته دي مش فاهمها
ابنك بيضغط علينا علشان نوافق.
امل : ممكن يحطنا قدام الأمر الواقع ويتجوزها.
ووقتها هتقهر يا هشام
دا ابني الكبير ونفسي افرح بيه.
هشام : مش هيحصل يا امل
طول ما هو معهوش فلوس مش هيتجوز البنت دي.
امل : مش فاهمه
هشام : البنت دي مش هتتجوزه غير لما تبقى ضامنه
نفسها معاه.
امل : تقصد إنها طماعنه في اللي عنده.
هشام : امل هشام معملش ل نفسه اي حاجه
الفلوس اللي سحبها من البنك دي
فلوسك انتي.
ونصيبه في الشركة دا كان ممكن ميتكتبش ليه حاجه
ووقتها كان لازم يشتغل علشان يكون نفسه
هشام لو متعبش في القرش مش هيحافظ عليه
متقوليش بقى ليه نتعب ولادنا
واحنا نقدر نسعدهم
انا هساعد ولادي اللي هشوفه بس بيشتغل وعنده
طموح
إنما اللي مش عايز يتعب نفسه
ملوش حاجه عندي.
امل : يعني ايه يا هشام
هشام : اللي سمعتيه يا امل
شادي ومراد هساعد بس اللي يستحق فيهم المساعدة
و هشام نفس الحكاية
ما هو ابني اللي ربيته ولا نسيتي يا امل
امل : يعني هي جات على زينة
هشام : ايوه علشان دي بنت
اما لما يبقوا رجاله وكل واحد فيهم مش عايز يتعب نفسه
وفاهم إن الفلوس دي جات من الهوا كده يبقى مش هسكت يا امل
ومحدش فيهم له عندي غير تربيته وتعليمه وبس.
انا تعبت لما وصلت للي وصلتله دا
انتي عارفه الكلام دا كويس
بابا ساعدني صحيح اني اشتغل في الشركة
لكن انا اجتهدت وتعبت لما قدرت أقف على رجلي
واكبر  الشركة دي واحافظ على مجهود والدي طول
السنين اللي فاتت دي.
امل :  الموضوع بالنسبه ل هشام ابني مختلف خالص
انت دراستك هي اللي ساعدتك تشتغل في شركة
بابا مراد
لكن قولي هشام هيشتغل ايه
ياريت نتكلم بمنطق وعقل
هشام : يبقى مش قادرة تفهميني يا امل.
قوليلي هشام عمل ايه في حياته ومستقبله علشان
مستعجل على الجواز بالشكل دا
امل : معملش حاجه انا معاك
بس انا اتعب ابني ليه وانا في أيدي الحل
هديله اللي هو عايزة يا هشام
وهنفهمه إن دا نصيبه في الشركة ونحل الموضوع دا بقى.
هشام : خلاص انتي حره
بس هياخد منك فلوس يبقى يتنازل عن نصيبه ويتكتب
ب اسمك
امل : وانا صاحبة الشأن وبقولك هيفضل نصيب هشام
زي ما هو
هشام : كده !! ... اوك يا امل
طالما ماشيه بدماغك
خلاص انتي حره.
امل : رايح فين
هشام : نازل الشركة
امل : مش هتدور على هشام
هشام بغضب : لا ابقى انزلي دوري عليه انتي.
امل بتبكي.
هشام : لو صعبان عليكي اتفضلي انزلي دوري عليه
في الشوارع
ولا اقولك روحي اسألي اللي اسمها هند دي عليه
تلاقيها عارفه مكانه... سلام.
وقفت امل تفكر في كلام هشام
كان باب الغرفه بيخبط
امل : ادخلي يا رباب
رباب : مدام امل..
امل : تعالي يا رباب
رباب : مدام سهر ومعاها
تقاطعها امل : اه اه عارفه
اعملي قهوة وقدميها عقبال م اغير هدومي.
رباب : حاضر.
______________