اسمحولي طولت عليكم💔
...
....
......
هبطت عندهم وبقيت مهبطة راسي ماشي حابة كامل نشوف فيهم..
أم ياسين: وعلاش راكي حشمانة يا بنتي راني كي يماك
سعاد: يماها ميتة
شفت فيها بالتشناف كون نصيب نسبها غير كي كنا قدام الناس
أم: ااه اسمحيلي يا بنتي والله ما قصدت
انا بقيت ساكتة غير نشوف فيهم يهدرو وانا مهبطة راسي منبعد طلعت راسي شوي شفت معاه لقيتو هو ثاني مهبط راسو وباين مش حاب ذي الزويجة يعني راني غير في بداية العذاب مزال العذاب تاع الصح
سعاد: اهيه واش رايكم في بنتنا ولا ويكتاه العرس
انا هنا نطقت..
شهد: عرررس؟؟
أم ياسين: علاش ماكيش حابة بنتي؟
هبطت راسي وسكتت
الاب: سعاد خليني انا نحكي خلاص
أم ياسين: حنا عجبتنا الطفلة وزيد عاقلة وباينة متربية وهذا هو المهم
الاب: الحمد لله
أم ياسين: اهيه ميسيو تمدلنا الطفلة ولا لالا ههههه
الاب: ههههه انا بنتي راهي قابلة من لول يعني غير نقولو ربي يهنيهم وخلاص
..
هنا ناضو الزغاريت فالدار وسيرتو مرت بابا زغرتت حتى كرهت بويسك حا تتهنى مني ربي وكيلهم انا في ذاك النهار بعد متت تاع الصح..
أم ياسين: هيا نخليو الولاد وحدهم لاشتا يحكيو ولا يتفاهمو على العرس
الاب: العرس بعد سمانتين راني تفاهمت مع عمر بصح خليهم يحكيو معليش يتعرفو على بعضاهم..
خرجو وخلاونا وحدنا انا ماتحركتش من بلاصتي تقول جمدت وبقيت غير مهبطة راسي ونلعب بيديا انا فيا ذي العادة كي نتقلق ولا نتوتر نبقى غير نلعب بيديا..
جا قعد قدامي وبقى غير يقرب وريحتو كامل جات في نيفي انا خلاص قريب متت
جبدلي وجهي بيدو ودورو لعندو جاو عينيا في عينيه
ياسين: واش راكي حابة؟
بقيت ساكتة..
ياسين: اني نهدر معاك
ماحبيتش نرجعلو ثاني
ياسين: حبيتي هكا ملول مالا؟ ليسونسيال حبيت نقلك برك خافي مني من اليوم حياتك والجحيم كيف كيف ندمك على النهار لي قبلتي فيه..
وناض وخلاني..
انا بقيت غير نلعب بيديا وجسمي كامل يرجف متت من الخوف منبعد بداو دموعي يطيحو وحدهم ونلعب بيديا حتى عيطت عيطة وحدة وبديت نقطش في شعري ونشنشف فيه وبقيت غير نعيط ونبكي..
حتى جا بابا داخل مع مرتو ويقولولي غير وشبيكي وشبيكي وانا ماني حاسة بوالو غير نعيط وليت كي المهبولة
منبعد ما فقت بوالو حتى فطنت لقيت روحي فالسبيطار..
