#فتى_القريه_وفتاة_المدينه
الحلقه الثالثه
مرن يومين ما حكيتش فيهن مع وتين بكل لين رنت علي بعد يومين
وتين : ايوه
اسلام: مرحبا شن الجو
وتين: تمام وانت
اسلام: ف نعمه الحمدلله
وتين : نبي نقول حاجه
اسلام: نعم
وتين: ع موضوع الطب
اسلام: باااهي!!!!
وتين: أأأأ نقولك بي تزعلش تمام
اسلام: ماصارش شي صاح🤦🏻♂💔
وتين: حكيت لاختي وحكت لخطيبها قالت له اخ صاحبتي و حكتله قصتك
اسلام: باااهي
وتين: قال لها اللي يقبلوهم ف الطب جماعة الممتاز بس
اسلام: تمام ماعندش نصيب فيه صحيتي والله😅
وتين: غير اصبر 😕
اسلام: نعم
وتين : قال لها بس خليه يجيب لي ملف متاعه بكره وتوا ندبرله راي
اسلام: يعني؟؟
Døsã Kb
وتين : يعني نقدر نقولك مبروك الطب من توا😁
اسلام: تحكي جديااات؟ وحق ربي مش عارف كيف نشكرك😍🔥
وتين: توا تشكرني لما نبدو القرايه ح نصدعك و انت تشرحلي😂
اسلام: ما يهمك والله حاضر خلاص نمشي نوتي ملفي نا
وتين: هههههههه تمام سلام توا
اسلام: نحكو بعدين سلام♥
سكرت منها ونا الفرحه مش سايعتني بجد يعني اخيرا ح نخش اللي نبيها و نحقق لامي اللي تبيه الحمدلله يارب♥🔥
وتيت الملف و و اتصلت بوائل قتله يخطم عليه
شوي اخرى سكرت بدلت دبشي و نا طالع لاقتني بنت سيدي ع الدروج(مانقبلهش بكل البنت 😷)
تقوى(بدلع): اسلام
اسلام: نعم
تقوى: وين تبي تخش ف الجامعه
اسلام: طب انشاءالله
تقوى: بس الطب ممتاز وانت جيد جدا كيف تبي تخش
اسلام: امر ما يخصكش🙂
تقوى: هههه بس تعرف حتى نا طب توا نمشو مع بعضنا للكليه😍
اسلام (شن الوحله هذي😑) : بنمشي مع الجماعه ما عندي كيف نوصلك
døsã kb
تقوى: بس.....
اسلام قطع عليها: صاحبي يراجي في سلام
طلعت لقيت وائل بره
وائل: طيري شن جو
اسلام: تمام ي برو
وائل: وجهك يبشر بالخير اليوم 🤣
اسلام: وكنه ما يبشر ونا خشيت اللي نبيه🔥
وائل: لنقانك قدر كيف خشيت🙄
اسلام(جيت نبي نحكي ع وتين بس سكتت) : حصلت واسطه جوه
وائل: باهي مبارك يالحب بمناسبة هك عازمك ع حسابي اليوم
اسلام: يارا فكني مازلت متذكر اخر عزومه عزمتها لي ي جلده🤣
وائل: هذا اللي يبي يقدرك ويديرلك جو اصلا🙂
اسلام يضحك: اطلع نا عازمك ع حسابي اليوم
وائل: لا كان هكي باهي
________døsã kb_________
_حبيبي مازلت
-خلاص حبيبي شوي و نجيك
_ما اطولش بس نبش نتأخر ع هلي
-خلاص مسافة بس
_عينك من روحك سلام
-حتى انتي سلام
________døsã kb_______!
#وتين
سكرت من اسلام و قعدت ع النت شوي خشت لي اختي
وعد: اطلعي خالتي بره
وتين: ماتقولش ياسمين معاها😷
وعد: حتى ياسر قاعد
وتين: قوليلهم راقده مش طالعه😑
وخشت ياسمين للدار
ياسمين: بنت خالتي شن جوك
وتين : تمام وانتي😑
ياسمين: تمام كيف ماتبش تطلعي لنا
وتين: لا قلت راسي صداع بنرقد شوي مش برانية انتو🙂
ياسمين: ههههه لا تعالي حذانا شوي و ارقدي
وتين(يارب صبرك😑) : تمام توا عدي توا نلحقك🙂
وعد: بالله بحتي وجهك ف المرايه كيف😂
وتين: بارده ازح بارده بارده بارده😑
وعد: هههه نا طالعه توا و تعالي حذانا شوي و ارقدي (تقلد في ياسمين😂)
وتين : اطلعي وانتي ابرد منها🙂
طلعت وعد و طلعت معاها قعدت حذاهم شوي وصبيت بندير قهوه خشيت للمطبخ لحقتني ياسمين قعدت تسهري ونا نجامل لين وجهي وجعني🙂
درت القهوه قلت لها تشيل لياسر طلعت شلت لخالتي وماما ووعد و رديت للكوجينه لقيتها قاعده تحكي ف الفون و تقول تمام توا ندزها بس ما جابش عقلي شي
وتين : يااسمين فيش اديري🤨
ياسمين: أأأ.... لا شي نكلم ف الحب
وتين: حبببببب🙂
ياسمين: وتين بالله عليه شيلي القوه لياسر خليني نحكي معاه شوي قبل ما نروح
وتين: مازلتتي ما شلتيها انتي
ياسمين : والله كلمني و نسيت عليها بالله عليك وتين☹
وتين: تمام توا نشيلها
خشيت لداري حطيت وشاح ع راسي و طلعتي خذيت السفره ومشيت بيها للمربوعه خشيت
وتين: السلام عليكم
ياسر: وعليكم السلام
حطيت السفره وبرمت نبي نطلع مسكني من يدي
وتين: 😳اطلق يدي
ياسر: غير اقعدي نحكو شوي بس
نفضت يدي منه بقوه
وتين: مافيش كلام بيننا وازم حدودك ومعش تلمسني فاهم
وبرمت نبي نطلع مسكني من يدي و كرني شوره
ياسر: ..............
#يتبع
أنت تقرأ
#فتى_القريه_وفتاة_المدينه
Roman d'amourفتى يعيش ف احدى القرى بالقرب من مدينة درنه و كل صيف كان يذهب لزيارة اهل والدته في المدينه و كانت لديه صديقه من الصغر تقيم ف المدينه لكن عندما يكبر ماذا سيحدث و هل ستبقى صداقتهما ام تتحول الى شئ اخر....
