🔸️حلقة 36
ضحكت..ضحكت بهستيرية...منعرفش أصلا علاه قاعدة نضحك و لا على شنوة...حسيت روحي في دوامة كبيرة و كل حد فيهم يدز فيا من شيرة...هزيت يدي رجعت شعري لتالي نحكي
انا:فاش تحكي بابا...فايق لروحك فاش قاعد تقول
بابا:مررريم
انا:مريييم شنننوة اه....مريم شنوة...ياخي نورمال أنت داخل عليا من برا و تقولي نحب نعرسلك...من امتى أنت تتصرف معايا بالطريقة هاذي...شنية لي قاعد يصير ؟
بابا:مريم...تعرف لأنا نخمم في مصلحتك و كهو
أنا:مصلحتي...توا في رايك هاذي هي مصلحتي تعرسلي بحد ما نعرفوش
بابا:صبري مش أي راجل...و تعرفني ما نمدك كان لسيد رجال...مش كيف الساقط لي قاعدة دور معاه
بقيت نغزرلو مستغربة...خذيت نفس بالسيف...نحكي
أنا:ش..شقصدك...على شكون تحكي ؟
بابا:فهمتني بالقدا...على شكون نحكي...سي حسام لي قاعدة دور معاه...ماهوش باش يوصلك لحتى شي
انا:بابا فاش تحكي أنت...ياخي لهدرجة متاثقش فيا
بابا:لاااا أنا ناثق فيك و أكثر من روحي...أما مناثقش فيه جملة و منعرفش قداش باش ندوملك...نحب نطمن عليك لي نعمل فيه لمصلحتك إنتي و كهو
هزيتلو براسي لا...أول مرة بابا يتصرف معايا بالطريقة هاذي...غمضت عينيا بالقاوي...و رجعت حليتهم نصيح
انا:يزززززي...يزززززي شنوة تعرف فيها مصلحتي أنت شنوووة...نذكرك شكون كان السبب في موت أمي
بابا:مررريييم
انا:شنووووة....شنننوة بابا...شنوووة...أنت عمرك ما حبيتها...على هذاكا هي مشات و خلاتني...مش هكاااا
بابا:م مريم فاش تحكي...شنوة الكلام لي تقول فيه يا بنتي
انا:اللي لازم نقولو من سنين...أنت آخر همك حسام تحب تبعدني من هوني و كهو...تحب ترتاح مني
بابا:مريييم ياخي نورمال إنتي تحكي معايا هكا...فاش قصرت معاك أنا...من شنوة حرمتك...تعرف لأمك كانت مريضة قبل ما تموت ؟
هزيتلو براسي لا...نحس في راسي باش يطرشق
خذيت نفس نحكي
انا:لاااا...كان أنت اهتميت بيها مكانتش باش تموت
بابا:مريم يهديك ربي...منين جيب فيه الكلام هذا
انا:وين كنت وقت أمي كانت مريضة و ما لقات حد بجنبها...وين كنت وقت أنا كنت نحط كرسي باش نبلل الضمادات لي نحطهم على راسها...وين كنت وقت كنت نلحلح بامك باش تكلمك...خاطرني صغيرة و منعرفش نوصلك...مكنتش هوني...اما نجمت تعاتبني...تذكر وقت سألتني علاه مبكيتش على نانا كي ماتت...مش هي كيف أمك...لاااااا بابا حد ماهو باش ياخو بلاصة أمي فهمت...لا أمك و لا مرتك زادة...و كان في حياتي بكيت باش تكون دموعي على أمي و كهو...تفهم
بابا:أغزرلي هوني مريم...أغزرلي في عينيا و عاود الكلام هذا...تعرف بالقدا لكنت نمشي باش نخدم...تعرف لي مكانش في بالي زاد عليها الحال لهدرجة
انا:متبررش لروحك...أمي ماتت جرايركم الكل...و أنت السبب الاول
بابا:مريم يزي عيش بنتي...تعرف بالقدا قداش كنت نحب أمك...و إنتي مش بنتي كهو...إنتي الأمانة متاعها عندي
أنا:معادش يهم...و أسمعني بالقدا...مستحيل يجي نهار و نعرس بصبري هذا...سمعتني
بابا:باهي اللي تحب عليه باش يصير...أما كان مزلت نلمحك برك مع اللي إسمو حسام...وقتها باش يكون عندي تصرف آخر معاك
أنا:ماكش باش تعمل حتى شي بابا
بابا:أسمعني...نعرف لي مزلت محروقة على أمك...و أنا كيفك بالظبط...أما تأكد نعمل في اللي نجم عليه باش تكون مرتاحة و ما تحتاج حد
أنا:أنت مجبور باش تعمل هذا الكل...خاطر بسببك أنت أنا خسرت أمي...و أنك تهتم بيا و ما تخليني نحتاج شيةو أنك تحس بيا يا بابا شي آخر...أنت خليتنا وحدنا بكري...أما من وقتها معادش مشيت...باش متخسرش مرتك مرة أخرى...اما أمي عادي ما تهم حتى حد فيكم
بابا:مريم عيش بنتي...أسمعني
أنا:أنت لي باش تسمعني...كيما جبرتني نعيش مع المرا هاذي و عمري خمس سنين...على أساس باش تهتم بيا أنت زادة باش تتحمل نتيجة قرارتي الكل باهي مانيش موافقة...و اللي تفكرو فيه نتوما توا آخر همي و خلي عاد كي يجيو خرجلهم بنتك لأخرى...تو تقوم بالواجب
خليتو واقف...قربت بالزربة...هزيت كبوطي و خرجت النسمة الباردة هداتني شوية...حسيت روحي جرحتو اما منجمتش نسامحو رغم كلشي...مزلت نحسو السبب في كلشي صار...جرايرو ماتت امي و عمري خمس سنين بسببو هو تجبرت نعيش مع مرا تكرهني...و ربات بنتها بنفس الطريقة...صحيح عندي كلشي و عمرو ما حرمني من شي...اما منجمتش نتعدا لي صار...لتوا خيال امي بين عينيا...نمشي بالزربة...منعرفش وين ساقيا هازيني لي يهمني اني نبعد عليهم و كهو...منعرفش على روحي كيفاش وصلت لشط...قعدت على اول كرسي عارضني خذيت نفس من البخاخة متاعي...حسيت روحي هديت شوية...حطيت يديا زوز في مكاتبي...نحب نصيح و نبكي..أما فرد وقت نحس حاجة تمنع فيا...نحاول ننسى كلشي صار و كهو
أنت تقرأ
زهرة🌸
Ngẫu nhiên🌸___________زهرة_________🌸 🌼🌼🌼زهرة واحـدة يمكن أن تـذكـي عاطفة متأجـجـة أو تخـفف من غـيـرة حمقـاء أو تـقوض أركـان مـرض مـا ....زهرة واحدة فقط🌼🌼🌼 🌹 زهرة هي عنوان حكايتي الجديدة 🌻 يقال ان للزهور لغة تعبيرية خاصة عندما يغيب الكلام ويصعب التعب...
