لو كان لي قلبان

part 46

البارت السادس والاربعون

#لو_كان_لي_قلبان🥀

#جواد يكول

خيط اعله الجرح ويه الجرح ملحوم
لوكل الجروح تطيب مافلك

#عريان_السيد_خلف

نتاشا ـ انت شعندك وية نهئ

هشام ـ بنت عمتي يعني شعندي وياهه

ـ هشام مالي خلك صدمات بعد

ـ شتقصد نتاشا ..
معقولة تغار علية ؟
مفهمت شتقصدين توشة

ـ اني خايفة من هذني الحقيرات
خايفة ياخذوك مني
يغيروك عليه
يسحبوك وتصير وياهم ضدي
ما اكدر اتحمل هالشي
يا هشام حتئ بعد ماعندي قدرة علئ تحمل الصدمات

ـ ياخذوني منهه
خبط عقلي ..
شدتحجي بنت عمي
ماريد افهم الكلام غلط
خلي توضح حتئ اعرف ساسي من راسي...
شبيج توشة وين ياخذوني
ترة كل مافي الامر كعدت سولفت وياية هي مراهقة وتحب تحجي وكلت اسمعهه

ـ اي ادري كعدتو وسولفتو
وشفتك شلون تباوعلهه ومتلهف عليهه
وشلون تسمعلهه وصافن بوجهه
وتحجي وياهه ومهتم بيهه
عود شنو تكللهه تددللين
ليش هيج تحجي وياهه
كمت تحبهه مو بلا..

ـ حسيت مي بارد ونزل علئ كلبي
هاي توشة بشحمهة ولحمهه دتحجي هيج ويايه
مقهورة مني بسبب تصرف عفوي اتصرفته وية بنت عمتي
اشوف الغيرة بعيونهه واضحه..
يعني ..
اقصد
لاتنقهرين
والله موقصدي شي
من هيج حجيت وياهه

ـ تريد الصدك ..
اي انقهر
وانرعب
مو بس انقهر
من اشوفك تحجي وياهن
عقلي يطر من مكانة ..
كمزت من مكاني وزحفتلة
علئ الفراش ولزمت ايدة...
هشام ..
انت من رجعت للبيت
حسيت بابا رجعلي ..
نفس دفاعة عني
ونفس اسلوبة
نفس خوفة عليه ..
نفس لهفته
والله حتئ نفس نبرة صوتة
اني مدتخيل ولا اتهياء
اني واثقة من كل كلمة كلتهه
اني كلش احبك هشام
شكد جنت احبك قبل
هسة بعد اكثر حبيتك
برجعتك عرفت اني مو وحيدة
بهالدنية ..
عرفت عندي اخ استند عليه
عندي اخ انام رغد بوجودة
يدافع عني وياخذلي حقي

ـ احس روحي انسطرت
من كلتلي احبك
غبت عن الدنية وياهه ..
مسمعت اي كلمة بعدهه
صرت بس اشوف انفعالاتهه ونضرة عيونهه ..
تبحرت بعيونهه
وقريت خوفهه من فقداني
حسيت لهفتهه عليه بكلامهة...
ضغطت علئ ايدهه بلهفة
وكلتلهه
لاتخافين توشة
محد يكدر ياخذني منج ..
طول ما اني اشتم الهوئ
راح ابقئ بضهرج
واسندج واحميج
ولا تتخيلين بيوم من الايام
اتغير عليج واعوفج

ـ ربي يخليك الي
ولا يحرمني منك
املي كلش جبير بيك
ما اكدر اصدك انت هم بيوم تتخلئ عني ..
ثانية ركبتي علئ الفراش ومتقربه علئ هشام ولازمة ايدة وهو واكف يمي اباوع لعيونة وبابتسم ..