الكاتبه آيه يونس (سيدة القلم)⁦🦋

اقرأوها للنهايه ⁦♥️⁩

مبدأياً كدا 😂
إعملو فولو هنا يا بنات عشان دا الأكونت الاحتياطي لو التاني بعد الشر حصله حاجه نكمل هنا متنسوش الفولو

ولو انتي او انت مش عارفني هتلاقي لينك الأكونت الأساسي ورواياتي في الصفحه دي شوفوها وقولو رأيكم 😍

بما أن دا مجرد اعلان الأكونت الأحتياطي قررت استغل بقيه الصفحه واعرفكم عن نفسي ما هو حرام اسيبها فاضيه 😂
رغم أن معظمكم هيشوف دا غرور بس والله ما مغرورة ولا حاجه انا مهما اتشهرت عمري ما اعرف اتكبر أو اتغر علي حد وبالذات انتو يا حبايب قلبي 😍⁦❤️⁩

آسمي : آيه يونس
الشهرة : سيدة القلم ومتسأليش ليه هو كدا وخلاص 😂
السن : ٢٠ سنه
المهنه : لسه بدرس ومش عاوزة اشتغل ودوني علي بيت حبيبي نعيش مع بعض فيه 😂😂😂

الدراسه : انا حاليا داخله رابعه اداب انجليزي واهو أخيراً قربت اخلص لولولولولللللللي 😂

نفسك في إيه : حابه كل البنات تثق في نفسها عشان انا اكتر واحدة عانيت من مشكله قله الثقه بالنفس في حياتي في سنه ٢٠١٧ كان ثقتي بنفسي منعدمه تماماً وكنت شايفه نفسي اوحش واحدة علي وش الكرة الأرضية رغم أن ربنا ما بيخلقش حاجه وحشه أو من غير سبب لكن انا كانت ثقتي بنفسي حرفيا في السنه دي صفر بالميه وكان في تنمر كبير علي شكلي الأيام دي بسبب اني مكنتش شايفه نفسي حلوة وكنت تخينه جدا جدا جدا فكان في تنمر رهيييب عليا من اصحابي في المدرسه والشارع وكل مكان ... بس الحمد لله وقفت مع نفسي فترة وقولت هو انا ليه شايفه نفسي كدا ... ولحد أمتي هفضل كدا ... أنا مش عارفه احكيلكم معاناتي في الفترة دي عشان واقسم بالله حرفيا انا كنت مدمرة نفسياً وبدنياً

عارفين لدرجه إيه .. لدرجه اني عملت رجيم قاسي جدا جدا لو بحثتو عن سالي فؤاد هتلاقوها عامله حلقه عن رجيم اسمه ال٣ ايام اللي هو لو عندك مناسبه مثلا وعاوزة تخسي بسرعه بتعملي الرجيم دا والمعتمد بس علي الميه وعلبه تونا وبيضتين طول التلات ايام فطارك يبقي بيضتين والغدا تونه والعشا مفيش وكل دا طبعا من غير لقمه عيش لازم تأكلي كل دا كدا وخلاص من غير اي سكر او نشويات حتي الشاي ممنوع السكر فيه أو حتي سكر الدايت ممنوع طول ال٣ ايام دول ...

انا خدت الرجيم دا وللاسف بغبائي طبقته مش ٣ ايام بس ... أنا طبقته فترة طويله وطبعا نتيجته كانت حلوة في جسمي خسيت كتير صحيح لكن خسرت كتير برضه شعري وضوافري وبشرتي باظو ... فين وفين لحد ما عرفت اني ماشيه غلط واني لازم اخس صح وأبدأ صح .. فعلا بدأت صح ووصلت بعد شهر للشكل اللي انا عاوزاه علفكرة ممكن شكلي دلوقتي وشكل جسمي دلوقتي ميعجبش معظم الناس انا مش هقولك أني وصلت للمثاليه والوزن المثالي والحياه الصحيه والبلا بلا بلا اللي بتسمعوها كتير دي من الناس ... أنا مش هقولك غير أن الفترة اللي عشتها دي ادتني بس ثقه في نفسي وفي شكلي مش اكتر من كدا والله لأول مرة علفكرة اقول الكلام دا أو احكي الكلام دا بس العبرة من الحته دي مش اكتر من اني عاوزة اوصلك رساله ...

صدقيني انا مش هقولك زي الناس خسي او اتخني او اتغيري عشان نفسك وبتاع ... لا انا هقولك متتغيريش اصلا ... متخيسيش اصلا ما في داهيه الناس ليه تحرمي نفسك من حاجه عشان حد ... علفكرة اللي وصلني للمرحله دي من قله الثقه بالنفس هو كلام الناس مش اكتر .. كلام الناس ونظرتهم ليا خلوني اشوف نفسي زي ما هم شايفيني ... لكن صدقيني متعبريش حد والله العظيم هم نفسهم اوسخ مما تعتقدي محسساني يعني ان اللي بيقولك اتغيري أو إحلوي دا توم كروز مثلا !!😂 .. لا يا حببتي خليكي زي ما انتي متتغيريش لا عشان نفسك ولا عشان حد غيري روحك وثقافتك وعقلك مش جسمك وشكلك ...صدقيني والله العظيم الراجل الصح مش العييل وركزي اووي علي العييل دي .. الراجل الصح هيختار عقلك لأنهم بيبقو مقتنعين أن الشكل مش دائم الجسم مش دائم أن الروح هي اللي هتدوم والله مش الشكل عشان كدا بتشوفي كتير في الشارع رجاله قمرات اووي وبدقن بقي وحركات 😂 ماشي مع واحدة مش حلوة شكلاً ولا جسماً لكنه بيبقي في نظره هي اجمل بنت في الدنيا ⁦❤️ صدقيني الرجاله كلها مش وحشه لكن لو هتسمعي لكلام العيييل الطففل اللي كل همه علي بطنه وملازاته ويقولك اللي هتجوزها دي لازم تبقي حلوة اوووي صدقيني دا عييل تاافه والله العظيم ولا بيفلح في دنيا أو دين لأن الدين بيقول " فأظفر بذات الدين تربت يداك"

صدقيني انتي حلوة زي ما انتي ودا اللي عاوزة اوصلهولك متتغيريش والله انتي حلوة لو قلبك حلو والله انتي كدا اجمل من ١٠٠ بنت شكلهم حلو لكن رخمين وشخصيتهم مقرفه 😂 والله انتي اجمل بنت في الدنيا انجحي واوصلي وخلي كل اللي يشوفك يحلم بس يوصل لربع النجاح اللي انتي حققتيه من شغل أو سفر أو هوايه حتي لو انتي بيتوتيه زيي😂

انتي جميله وانتي قوية ⁦❤️⁩

بدأتي كتابه ازاي : والله الفكرة جاتلي من تخيلاتي الكلبوبية قبل ما انام بالليل اللي هو بقي نفسي اروح اشتغل في شركه واحب المدير بتاعها 😂😂 كنت هعمل رواية آدم وروان كدا علفكرة كنت هخلي اللي خبط روان في اول حلقه بالعربيه هو آدم الكيلاني مش اسلام السيوفي وكنت هخليها تروح تشتغل في شركته وعناد بقي وتحدي وبتاع وبعدها تحبه وخلاص كدا بس بصراحه والله حسيت أن الروايات دي كتير اوووي اوووي اللي هو نفس الفكرة الغير واقعيه بالمرة لأن مديرين الشركات اصلا بيبقو عواجيز ومحدش فيهم أو قليل فيهم اللي صغير وحلو 😂😂 وغالبا بيبقي متجوز واحدة غنيه من مستواه عشان يكبر شركاته وتجارته اكتر واكتر فالفكرة دي غير واقعيه متحلميش 😂😂 المهم اني غيرت مجري الرواية خالص بالشكل اللي انتو شوفتوه دا والي عجب معظم الناس وبجد شكرا علي تشجيعكم ليا يا قمراتي 😍 ....

حد عاوز يسأل علي حاجه قبل ما اقفل البارت 😂😂😂 قولو كل اسألتكم في التعليقات وهرد عليكم بخصوص الرواية أو اي حاجه ⁦❤️⁩