💘 _ انا بابا مسافر وهو منزل ليا علي الفون برنامج بدون ذكر اسماء، انا جيت مره بلعب في البرنامج ده وكنت هبله مش عارفه انا بعمل ايه لقيت فيه عالم تاني، عالم كبير مكنتش متوقعاه، البرنامج ده فيه جروبات واشخاص مختلفة الاشكال والجنسيات والالوان ، المهم 😂 دخلت جروب اسمه * آلعمـر لحظـهہ ❤️ آجدع صـحآب * لقيت فيه ناس اجدع من اي حد ، ناس تتشال علي الراس فعلا ناس جدعه، محترمه يقفوا معاك وقت الشدة . 💘 _ في الجروب ده انا حسيت اني بين اهلي واخواتي واصحابي انا حبيتهم اوووووووي وحبي ليهم لله في الله وربنا شاهد علي اللي بكتبه، الناس دي اكتر من اخواتي ناس فعلا معرفتهم تشرف، لو حصل اي مشكله مع حد يقفوا معاه ويكونو مع بعض في الحزن قبل الفرح، بيراعو مشاعر بعض بالرغم من كتر خناقتهم مع بعض بس بيرجعو لبعض تاني، دول اللي يتقال عليهم الصحبة التمام، دلوقتي انا هكتب عن كل واحد او واحده اعرفهم في الجروب او اتكلمت معاهم، اسفه مش هتكلم عن الكل لان الجروب فيه 1800 شخص وانا اللي اعرفهم في حدود 20 شخص 😂😂 ، المهم يلا هعرفكم بيهم ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
💘 _ آحمـد مـصـطـفي : ده بقي صاحب الجروب ، ده في سن بابا وانا بحترمه زي بابا بالظبط وانا اساسا بقوله * بابا * في الجروب، الشخصية دي جميله اوووي وفعلا لما بقوله يا بابا بقولها من قلبي ، ده بقي كوميدي جدا مسخره بجد 😂 عنده شويه الفاظ تخليك تموت من الضحك هو ماشي بمبدأ * انك تكون فاهم كل اللي حواليك وعامل عبيط * ده مفيش حاجه بتستخبي عنه بيعرف كل حاجه علطول بقوله * انت مش سهل * وهو فعلا كده 😅 هو حلو مع الحلو ووحش مع اللي يزعله 👍 بصراحة انا بتمناله الخير والصحه والسعاده دايما وربنا بس هو اللي يعرف معزتك عندي قد ايه ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
