عائلة شيخ جبل (( الجزء الاول مكتمل))

33

عائلة شيخ جبل
البارت 33
بقلم هدى حيدر 44howda✍️

على عنقهى قلاده ..وفي اسفل ساقها خلخال
وكأنها تقول ..قيدت لك الجمال..ليتحرر بك

من بعد 8سنين زواج وي جبل. چانن هذني الاسنين اجمل ايام حياتي الي عشتهن...
جبل الي يشوفه يگول قاسي وطبعه جلد...
بس الي يعاشره...
غير..يشوف الطيب والحنية الي بداخله ..
من تزوجته چانت امنيتي يصير عندي قطعه منه
نسخه مصغره لجبل..
والحمدالله صار عندي

اسد بـ1988
وصارت عندي بنوته جبل سماه عشق.
لان گال هاي ثمرت عشگنه بـ1989

وصار عندي ولد سمينا صگر بـ1990ورا صار عندي
ولد سمينا ..مهاب 1992
وراهم صارت ورد. بـ1994سميناه ورد
لان ولادته صارت بربيع وي تفتيح ورد.الجوري .

(صلو على محمد 😅)

بعد شيخ ويحب الجهال. دوم جبل
يگول اريدهم عزوه اليه ارفع راسي بيهم گدام الزلم بلمظايف ..

بيوم الي ولدت. مهاب. ..
جنت اصيح من الم الولاده والطلوگه
بيومه جتي. صبريه مرت حسن مرته الثانيه
وبسمه. بلبيت. لان جبل صادف ملتحق..
سدت القابله الباب
وضلينه بس اني وياه وعمتي ..
بلغرفه. ساعات گظيته واني اطلگ. شفت الموت بعيني. ..يالله ولدت مهاب
مهاب طلع من بطني. يبجي ويفرفح. گلب الدنيه.
بلبواچي...

وي ماسمعت صوته مرت حسن صبريه. جتي ترگض فتحت الباب عليه
-هااااااا..شجابت.
ام جبل. شبيچ. دصلي على النبي اتباركيله
تقدمت على طفل واني گلبي گام يرجف عليه.
مدت ايده عليه. رفعت الجرجف..هاا وليد
اي چانتي شجيب بطنج غير الولد ..
ام جبل. وليچ يله اطلعي بره.
مومال احترام انتي. راح تكتلين الطفل بعينج.
القابله. هسه انتي عليمن كتلتلي روحچ..
هسه يكبرون ويكبرن بناتچ. ويزوجون
ويصورون نسابتچ وزلم بناتچ ..

-شيفيد اذا مامو من بطني. شيفيد

ضلت تلغي. بعدين طردته عمتي.
اني وياه نحبل سويه هيه جيب بنات واني.
ولد ماعدى بس عشق و.ورد. بنياتي.
والله عقوله تنگ هل عالم شنو فرق البنيه عن الولد
----

ملتمين كلحنه على الغدا.
بس اني مأكل. يادوب الحك اوكلهم..
ومن يشبعون. اكل وراهم.

جبل. غزالي ليش متتغدين.

-ماطولهم ياكلون گانو اني اكل.

-فدوه للحنينه.
كملنه غدا. كمت غسلت الماعين.
ونيمت جهالي يم عمتي
لمن غفوو.
ورحت يم جبل بلغرفه
شفته متمدد على الجربايه حاط رجل على رجل
وايده اليمنه اليمنه على خده وطاگه صفنه رايح بغير عالم.

فززته من صفنته. هاا جبل وين وصلت
باوعلي بتسم. نامو شياطين ..
بادلته الابتسامه اي نامو وبسابع نومه. .
سحبني لحظنه حاوطني باديه
بين ادين جبل. احس روحي بنت الـ16سنه ونايمه بحضن ابوه.
وانسى اني كبرت. وطبيت بلـ30سنه
وصار عندي خمس جهال.
دحست راسي بصدره وستنشقت عطره
ريحته مميزه. عندي.