عبد الرزق اسمعي ياصبريه حوش خوي كلموني والخميس جاين للبنت بيخطبوها قوليلها تحط عقلها ف راسها ومتلقاش خير من ولد عمها شيخ وكبير وفاهم
صبريه الي تشوفه انت ماشي علينا
رنا تكلم ف رغد بتلفون قتلها بيزوجني ولد عمي ملتزم انا مسد منحباش مسد بياكلي كبدي
رغد يارنا مرات كويس ومعاش تقدري اديري شي مدام بوك موافق
رنا مرت عمي صاعبه وعمي عاطيك عمره مش عارف شن بندير توا بنصكر باي نتكلمو بعدين
رغد تمام باي
محمد ياماما متاكده بنت مش مغصوبه راه الاجبار ف زواج مش كويس
خيريه لا ياوليدي امها وبوها قالو ولد عمها اوله بيهاا وبنت ماعندهاش ف دوة فاضيه
محمد يصير خير كان بنت مغصوبه راه انا معارض من تووا
خيريه لاا لاا ان شاء الله خير
محمد عمره ٢٩ متخرج من هندسه ويخدم ف هندسه ومهني ع روح بحوشه ورزقه وملتزم بماتبت شيخ وماعنداش ف جو علاقاات زايده وطويل وعريض متوسط جمال واسمر شوي
رنا بنوته كيوت بيضه متواسطه الطول وجها مدور عيونها واسعات لونهم بني خشمها صغيروفمها متوسط عندها خدود وشعرهاا قصير جسمها متوسط وتحب لبس سبورت
صبريه جتها خيريه وقعمزو يهدرزو ف جنان
صبريه بنت شبه موافقه وقال بوها نتوكلو ع الله ونديرو عرس
خيريه تم مالا نكلم اولاد ونرد عليكم
خيريه عندها ٣ اولاد وبنتين
ولادها رجب ورفيق متزوجين رجب مرته سناء ورفيق مرته رويده سناء عندهاا زوز ولاد وبنوته رويده عندها ٣ ولاد وبنت
ساره وسرور توام متزوجات وزوز عندهم ولد ولد
تكلمو اولاد وجو عماتهم ومشو لحوش خوهم وطلبو رنا وحددو عرس بعد شهر
وفات شهر ع رنا بين امها تبتتلها وبين هياا قاعده مش مقتنعه
اما محمد كمل حوشه وتحظر زي اي عريس لي استقبال عروسته
وجي سبوع عرس ودارو عرس كبير ف حوزتهم وخيمه كبيره لرجاله وخيمه لنسااء وجمعهم نفس عرس ونفس مكان وجي يوم فاتحه
شيخ وين وكيل العروس جي راجل عمتهاا وكلوه هوا
وجي وكيل عريس ونقرت فاتحه ومحمد طاير بفرحه والكل فرحان ودارو عشي كبيررر
وجي يوم الدخول ومشت عروسه للمزين
ودرو عرسهم ف خيمه بحكم العريس ملتزم مايحبش صالات وزمازمات وجوو اهواا
وروح بيهاا قالها نورتي حوشك ياعروسه
هيااا ساكته وله كلمه
محمد الف مبروك عليناا وجي بيقمهاا بيدخلهاا لدار
رنا حول ماتمسنيش
محمد يشوفلها 🙄 خيرك بري بدلي ع راحتك وتعالي نستناا فيك ع العشي
مشت رنا خشت غرفتهاا نحت الفيلوو ونحت كل شي ولبست سروال وتيشرت وطلعتلته
محمد مقعمز يستناا فيها
جت قعمزت بحداه ساكته
قالهاا غصبينك علياا ليش مقلتيش من اول راه نهيت كل شي قبل مايصير هذا كله
رنا بوي غصبني عليك وقالي ولد عمك خير من براني وانا مانبيش نتزوج بكل مش منبيكش انت انا قاعد عمري ١٧ وقاعده شهاده ثانويه مخديتهاا نبي نقراء ونعيش حياتي لاحقاا ع زواج وحمل مسؤليه
محمد لحظه لحظه كيف يعني عمرك ١٧ وانا قالولي ١٨ ومواليدك ٢٠٠١
رنا اي ٢٠٠١ وجايه ف يوم ١٢ /١٢ مزالي ١٠ شهور ع١٨
محمد انا صح معجب بيك وكبرتي وتربيتي ع عيوني وعمري ماشفتلك شبحه غلط وتزوجتك لانه نبي نكمل نص ديني واقترحو علياا انتي وانا قلت بنت عمي اولا بياا مدام ماتبيش منغصبك ع شي ومايجيش الشي با اجباري وانا راجل ونعرف الدين مانمسش بنت قاصر ولو كانت زوجتي ....
يتبع ....
كاتبه ميرو♥️
