السلام عليكم
شلونكم حبايبي شخباركم
هلوو اسمي خيال نعمان عمري ١٨ سنه برجي الحمل طبعن قصتي مختلفة كلش ابديلكم اعرفكم عن نفسي
طبعن ماما وبابا اتزوجو عن حب قصت حبهم دامت ٤سنوات يالله تزوجو لن ماما موصلية وبابا بغدادي فواجهو مشاكل هواي يالله كدرو يتزوجون واخيرن بعد ٤سنوات كدر بابا ياخد ماما تزوجو وعاشو حيات كلهة حب وغرام طبعن بابا وحيد امه وابو وحالتهم الماديه كلش تمام فوالد بابا متوفي وباقيه بس بيبي وبابا والخدم بلقصر فتزوج بابا من ماما وعاشو حيات سعيدة ماما كل متصير حامل يوكع الطفل وكع اكثر من طفل ف بابا سافر بيهة وعالجهة وحته زرع زرعو ومافاد وبعد محاولات دامت ٥سنوات وماكو ماصار عدهم اي طفل ف بابا مايحسي امي اب اي شي بس ماكو زوجة متريد اطفال وماما بدت تيئس بس بابا جان يساندهة ومايحسسهة اب اي شي وبيبي هم ويوم ماما جانت نايمه وكعدت من نومهة وكعدت ابويه ب٣ ونص الفجر تريد دولمه حامضة هههههه ف بابا نصدم بيهة وابد ميحب يرفضلهة طلب فكامو ثنينهم وراحو للمطبخ وبدو يطبخون لحد ال٤ونص كملت الدولمه وماما بدت تاكل تاكل لحد مخلصت الكدر وبابا مصدوم بعدين خلصو وصلو ونامو وماما يوم عن يوم تتغير وتريد تطلع وتريد تطبخ وبس تاكل ويوم من اليام ماما نايمه وكعدت ع وجع كلش قوي فكامت تبجي وبابا يسكت بيهة فراحو للمستشفى وتحاليل وفحوصات واخيرن طلعت الدكتورة وخبرت بابا انو ماما حامل وعليهة شهرين ف بابا من الفرحه احتار شيسوي وبيومهة كلش فرحو ورجعت ماما الكاع ماشايلهة هية وبابا وبيبي حته الخدم وكامت بيبي متخليهة تتحرك كله يمهة يوصل وبابا حتار شيسوي لماما ومرت الشهور وزاد خوم بيبي وبابا لن كالو يجوز هم يموت الطفل ونذور وشبور يالله ثبتت ابطن ماما ههههه ومرت الشهور وماما دخلت بشهر ٩ وب ٤ونص كامت تطلك بيه وصريخ وبجي ونولدت للدنيه ب٦ضبط اجيت وصرت بحضن بابا وماما وبيبي ومنكد ماجانو يتخيلون يصير عدهم طفل فسموني خيال وماما رجعت للبيت لكته مكلوب كلاب من الكيك والورد والهداية وبابا ذبح عجل ع رجل ماما وماما الكاع ماشايلتهة طبعن ماما مو محجبه مواصفات ماما اسمهة ياقوت وعمرهة ٣٠ ماما طويله ورشيقه وعيونهة كبار وصفر وشعرهة عبالك عباء وراهة من كد ماطويل وشكرة من كاعهة ف بابا حارب الدنيه كلهة حتة ياخذهة اما بابا فمواصفاته اسمه نعمان عمرة٣٣طويل وضخم وصاحب لحيه وشعر وعضلات وسمارة يخبل وماما عدهة الهوة بابا وتغار علي من كلشي وبابا ممقصر بغيرته عليهة فبديت شهر ع شهر اكبر والمشكله طلعت اشبه ماما ضبطن كلشي ب ماما بيه الشكار والشعر والعيون والرموش والحواجب كلش كلش ب ماما بيه ويخافون علي من الهوة الهاااب يخافون علي وبديت اسحف وانطق ونطقت اول شي بابا وبعدين ماما وبعدين بيبي هههه وهمة تخبلو لن اصيح ابا اباا طبعن هاي قصتي حقيقه واقعية ومو خيال او وهم ....ومرت سنه ونص وكمت امشي ووكع وماما اذا ابجي تبجي وياي واذا اضحك تضحك وياي وبابا وبيبي يضحكون عليهة ومرت السنين واليوم اول يوم الي بل مدرسه هههه كبرت بسرعة وصرت اعاند وادلل ع اهلي وجنت معذبة المربيه مالتي واول يوم الي بلمدرسه رحت وي السايق وصلني للمدرسه الهلية نزلت والصدريه الرصاصية والحذاء والقميص والجنطة والشهر الذهب فدخلت كعدت بصفي وجتي المدرسه وتعرفت ع اسمائنة ونطتنة دروس وتعرفت ع صديقات رقيه وزينب واطياف وخلص الدوام ورجعت للبيت وي السايق وصلت للبيت ولكيت ماما منتضرتي بلحديقة وماكلهة التوتر ومن دخلت كلش فرحت واجت تركض الي وحضنتني وبدت تبوس بيه هية وبابا وبيبي واني اضحك وبديت احجيلهم عن يومي بلمدرسه وشنو اخذت وشنو كتبت ومن هاي السوالف اهلي جدن اقنيا بابا صاحب اكبر سلسلة فنادق بلعراق وماما دكتورة عامة وكلشي عدنه يعني طيارة خاصة قصر خدم سيارات يعني ممحتاجين شي الحمدالله وشني الي اطلبة يتنفذ اب ثواني بس جنت جدن عنودية والكبرياء مالتي مشكله بس بنفس الوقت اااخ يطيبت كلبي من كل شخص ماخذة صفات الكبرياء من ماما العناد من بيبي وطيبت الكلب من بابا وجنت مخبووبه بشكل بس عصبية حيل نااار ..
