Oops! This image does not follow our content guidelines. To continue publishing, please remove it or upload a different image.
Nitin school kal tur ah insiam ziah hi chu ka la ngai neih theih meuh lo a ni...
Vawiin phei chu nidang aiin ka peih lo zual, Frist period ah sir Taehyung a rawn la lut dawn zui, kan test na mawlh kha, a mood a off leh ngei ngei ang..
Ka pa leh ka nau in min kalsan a, ka thawh tlai vang vek, keimah chuan ka kal mep mep a, bus ah ka chuang a, a tawt bawk si, seat han chang ve mahila, a aia upate kan kian leh zel bawk si, kawng tluanin ka ding ta ringawt a, ka ke te hi a na vek tawh..
School tan nan minutes 10 chuah a awm tawh a, Hyemi pawh hian min lo la nghah ve hram hram tur a nia, nidangah a tlai viau pawn ka nghak ziah a, pakhar bik lutuk mai..
Thaw hlawp hlawp chung chuan step ah chuan ka tlanchho char char a, boruak ka kham lo dawnin ka hria..
Hah tawh naklaiin tu emaw nen kan insu a, ka thal tawp lehnghal, ka hah lutuk nen ka thinrim tep a ni
A kut min rawn pe nghalin min kaitho nghal a
"Ka tihpalh lutuk, i na em" ka pawnfen ben fai mawlh mawlh pah chuan "na lo e, ka thiamlo a nih kha, ka hmanmawh lutuk a" amah pawh en lem lo chuan ka ti a..
"Aa..englo khawngaih in, i hmanhmawh viau na chu, office awmna min hrilh theih angem? Lut thar ka nia, inreport ka ngai a" a tih chuan amah chu ka en vat a, mipa sanglam pang, hmeltha deuh mai hi a lo ni a, sir Taehyung ai chuan a tha lo hret zawk..
Principal fapa emaw pawh a ni mai thei, a nuih zawng lahin biangsum a veilam ah a la nei zui bawk a, sir Taehyung zun ah lo uai lo ila chuan hepa hi ka atchilh hrim hrim ang mawle..
"Aw..saw lam sawn, tlem phei la, dinglam ah sawn i hmu mai ang" ka tih chuan min nuih ver ver pah chuan"awle ka lawm e" tihpahin a kal nghal nal nal a, hawi let meuhin ka en zui nghal, hetiang mipa kan school ah a rawn luh ve chuan ngaizawngtu a nei nghal dawn hrim², kan school hi chuan tlema hmaifai deuh hi kan lawm deuh vek a..
Takah ka tlai dawn, hmanmawh deuh chuan kan classroom lam chu ka pan a, ka lut chiah bell a ri ve nghal, a va timing tak..
Thaw hlawp hlawp chung chuan Hyemi bulah chuan ka thu nghal a
"Ngati nge min lo kalsan daih a"
"I tlai em a nih kha"
"Hmm..chupawh nise keipawn ka nghah zia tho che kha, pakhar lutuk mai" bakah min lo nghak chu nise nichinah ka tawh mipa hmeltha deuh kha a hmu ve mai tur hi a nia, a chan ropui a ni mai..
Teacher a rawn lut nghal a, sir Taehyung a ni dawn emaw tih laiin mathematics teacher leh nichinah ka sut pa ngei kha an rawn lut a, teacher ai chuan a bula rawn lut tharpa chuan kan mit a la zawk..
