عشگ ابن عمي العصبي

البارت الثالث والعشرين

عمر : سلام عليكم

الكل: وعليكم السلام

عمر: يابة اريد اخطب

ابو امير: شني

عمر: ي يابة حنه مو متفقين هذه الزواج بس ع الورق والكل يعرف ني مااحب غدير وعندي حبيبه

امير: اصبر خطية البت ع ماتفض سالفتهة وصدك شون تخطب وجدي ماساله 3 أشهر من توفه شوية احترم

عمر : نته معليك وشنو مثلا اذا مااخطب اله سنه جدي يرجع

ابو امير : احترم اخوك الجبير لا وعلي اكسرك التكسر

عمر: اهوووو يلا انتضر بس شهرين واذا مارحتو خطبتوهة الي بعد يحرم عليه هذه البيت وحته غدير اطلكهة لان ني مامسؤل عليه هذوله الولد كلهم  اله ني لو لان ي..

ابو امير : لتكمل الي تريد يصير بس اذكر هاي البت مستقبلة بركبت لتكسرهة يعمر لان يتيمه

عمر ؛ خوش بويه يصير خير ني طالع واتاخر

ام امير: وين رايح يمه

عمر: وي جماعتي

ام امير :دير بالك ع نفسك يبعد امك

عمر : صار يمه من هاي قبل هاي يلا اودعناكم وطلعت

عمر عمري 23 مكمل دراسة هندسة واستغل لحمدلله وني اهلي كلهم شيوخ وني مااحب هاي السوالف احب اطلع وي جماعتي واتونس وحته شلت ايدي من سوالف الشيوخ لان مااحبة طبعي هادء من جنت بلجامعة اخير مرحله تعرفت ع بنية و شفته شون ثكيلة ومتنطي عين لااحد ف بقيت اراقب بيهة لحد ماا طك كلبي ورحت اعترفتله و جانت هية هم معجبة بية ومن سالته شنو الخلاج تنعجبين بيه كالت هدوئك وماتختلط هواي صدك ني اشكال اشوف كدامي وربعي كل يوم وي وحدة بس ني محب العب ع بنات الناس لان هنه مولعبة وبس زهراء اخذت كلبي بقت علاقتنه قويه وجماعتي كلهة  تعرف بيهة ونطلع سوة وحته صديقاتهة يعرفن بينه و مرة رجعت للبيت مثل كل ليوم اريد اكول لاابوي ع سالفتنه وسمعت شي منه خله حياتي كلهة تتخربط وهوه انو ام امير مو امي ني امي جايبتني ومتوفية يعني جان ابوي مزوج ع ام امير بس ولا مرة حسستني انو ني موابنه جانت تهتم بيه اكثر من اخوتي بقيت مثل المكسور ليش محد كالي ودخلت ع ابوي اصيح وكتله ليش تضم عليه هيج خبر يعني لازم اعرف بي يكلي مو مهم لان نته اول يوم الك بدنية امك اتوفت حته مااشافتك وربتك ام امير صعدت لغرفتي وكسرت كلشي اكو بلغرفة و بقيت شهر ني منهار معرف ليش حسيتهم غربة يعني امي حته اسمه معرفة ليش المهم هاي السالفة من عمري 22 بديت حياة مثل الجديدة مااعرف احد واول ايام كمت امشي بطريق الحرام لمن اجه امير وكعد وياي وفهمني الصار صرت مثل الطفل وحته زهراء بتعدت عنهة بس مااعفتهة لان احبه بقيت فترة ني هيج حالي لحد ماكلت لاابوية انطيني اسم امي ورحت الهة شكيتلهة حالي ورحت زرت ورجعت ورة شهر رجعت حياتي الطبيعية وكبرت سنه وني بعدني متمسك بزهراء شفته شويه تغيرت وباي كلت يجوز لان ذيج الفترة هاملهة كلت يلا ميخالف وكتلهة خلي اجي اخطبج كالت لا بعدين وراهة صارت سالفت جدي جانت علاقتي وي جدي مو مثل الولد يعني مااتاثرت بي كلش وبعدلة شهر من توفه كالت تعال اخطبني تعرف بيه راح ارفض لان جدي بعدة ستوه متوفي وصدك رفضت كتله ع اقل سنتين ياله وكالت يلاا ميخالف وره فترة هم اجه ابوي وكلي ع سالفت غدير كلش متقبلته وبقة ابوي يتوسل بيه كلت يلا ميخالف شنو اليصير مااكول لازهراء واصلا مااخذهة بس ع الورق ومرة ابوي كالي اله تجي وياي الهم لان جان ابوهة متخربط ورحت الهم واول مرة اشوفه هية قبل كم يوم اجتنه بس ماشفته ولا هتميت لان ماتعنيلي شي و بس هاي المرة وكفت كبالي وتحجي واول مرة انتبه ع جماله و الطول شنو الجسم ستغفرت ربي وكلت لا هاي متهزني زهراء تارسه عيني وصار سوالف بينه عرفته اللسانه اطول منهة وني كلشي ولا مرة اللسانه طويل شلته من بالي واجه ابوي وكالي اله تعقد عليه عقدت بس ابد ماكو شي اتجاهة كلبي وعقلي كله وي زهراء وصارت اسبوع زهراء كلش تغيرت كلت لازم اخطبة اهم شي ماتروح مني وشفتو الصار 👆 طلعت وي جماعتي وبعدين رجعت الوقت متاخر والجو يجنن نزلت من السيارة وصرخت بصوت رج العمارة كله لان كلش من زهراء بس هية البقتلي  مواصفاتي ني ابيض طولي 175 وزني 65 عيوني ع امي صفر عندي لحية وشعري مو كلش عالي ( لكاتبة: شدعوة عليك عمر هيج  حلووو 😢💔💔😒 )

غدير ؛ بابا شون صرت

ابو غدير: لحمدلله بنيتي روحي نامي ليضل بالج

غدير : اوك حبيبي شنو تريد ني موجودة وبست راسه وطلعت مااردت انام لان منعسانه صعدت لفوك و كعدت ني طبعي من اضوج لو اكعد بلحديقة لو بسطح واباوع لنجوم بقيت افكر بحالي وبابويه وبعمر الي مااعرف شي عنه بس انو هوه عندة حبيبه وميحبني

غدير  عمري 18 تعرفوني ماكو داعي اكول ني ابويه ماخلاني احتاج احد صالي ابو وام واخو واخت وصديق وكلشي ودوم جان يسولف وياي ني من صار عمري  14 وعيت وكتله بابا ازوج لان اعرفه دايتعب ومهمة يكول البت غير عن مرته وتوسلت بس كتله ازوج عادي ني اقبل جان يكلي ابويه امج حب حياتي وضحت بكلشي ع مودج وع مودي ترديني من ماتت ازوج جان شايل الفكرة من راسه و صديق ابويه اسمه شهاب جان مثل ابوي كلش احبه واحترمة ودوم جان يجينه ويسال عليه شنو محتاجة ومن تعب ابويه هوه الوكف وياا ني عمامي مااعرفهم ومن اسال ابويه يكلي لان خذيت امج بعد ميحجون وياي ني مااهمني هذه لان اذا شفتهم كبالي مااعرفهم اما خوالي عندي بس خاله وحدة وخال ول2 بلخارج جانت خالتي تتصل ع ابويه وتساله عليه واسولف وياهة جانت حنينه كلش وتبجي عليه تكلي ولله بس ارجع اجيج وماعوفج وهاي السوالف و من اجه ابوي كلي ع سالفت عمر حيل خفت لان ني ابد ابد مااطلع دوم بلبيت لااحد يجينه ولأني اطلع ف تعودت ع كعدت البيت وبس عمي شهاب يجي علينه وابويه كام يتعب حيل ويكلي بويه ريحيني وقبلي لان اعرف اخوتي اذا متت يجونج وياخذون البيت والكاع ويعوفونج بلشارع خفت منهم كلت يعني ابويه اكيد يعرفهم ف قبلت وابويه كلي ترحين ابنيه وترجعين بنية لتخافين واصلا ني فرحت لان اخاف و مرة ابويه تخربط اتصلت ع عمي شهاب اجه واجه ويا عمر وهاي اول مرة اشوفه جان يخبل بس مو مثل ابو واخوته لابس ملابس سبورتية وعادي ولاكنو هوه منهم بس من صدك حلوووو بقيت صافنه عليه معرف شصار بيه من شفته وراهة بيومين عقدنه بس مابيناتنه حته سلام  وهاا ني صح مااطلع وهاي بس ني لساني شويه طويل بس كدام ابوي لا بس الي يتمادة وياي امسح كرامته بلكاع 😆😂 ومرة ابوية شافني اتعارك وي ابن جيرانه كالي وني اكول هاي البت لازم تطلع شويه ع امهة ني مكاني المفضل السطح لو للحديقة احب اكعد بهيج اماكن مواصفاتي ني شكرة ع امي شعري عمري كله مكاصته كلش كلش طويل طولي 155 وزني 55 عيوني سود كلش ني بيضة ع حمرة بشرتي مثل الطفل يعني وهذهو

هلاوو بناتي هذه لبارت تعريف عن عمر وغدير واتمنئ يعجبجن ❤❤❤

بنات فدوة طلب ادعلي كون باجر يصير من صالحي فدوة دعوة غريب مستجابة فدوة بس هاي اطلبه منجن واكون ممنونه 🙏☹💔