💕أنت قلبي٢💕

الحلقة ٢٣

#انت_قلبي٢
#بوسي_مصطفى
_______________
   الحلقة ٢٣
صوت صراخ نورهان زلزل المستشفى
ووقع هشام على الأرض عمر والولاد بيحاولوا يوقفوا على رجله.
هشام يشاورلهم انه مش قادر
بيبكي مش عارف بيبكي على مين
على وعد ولا على كل الحبايب اللي فارقوه قرب واخد ب ايد نورهان اللي كانت واقعه على الأرض جنبه ضمها ليه وهما بيبكوا مع بعض.
نورهان : وعد يا هشام
وعد راحت خلاص ومش هنشوفها تاني.
قالتلي ماما وبابا وشادي وحشوني يا نور.
مكونتش عارفه انها هتسيبني وتروحلهم.
ااااه يا وعد هعيش من غيرك
هقضي حياتي من غيرك طب قوليلي ازاي.
قربت منها وهما مخرجينها من غرفة العمليات
نورهان : ردي عليه
قوليلي هعيش ازاي من غيرك
ما تردي بقى.
انتي نايمه صح؟؟
نايمه وهتقومي دلوقت.
طيب قومي بقى مش قولتي
هاني جاي الصبح... قومي علشان لما يجي يلاقيكي
قاعدة مستنياه.
قومي بقى مش احنا اتولدنا مع بعض لازم نموت بعض
انتي تموتي وتسبيني طب ازاي.
امل اخدتها في حضنها
امل وبتبكي : كفاية يا نور... كفاية.
نورهان تنظر ل امل : انتي بتعيطي ليه دلوقت
يا بنتي دي نزلت من عندي وقالت هتروح تستريح
علشان جوزها جاي الصبح.
فنامت اهي قدامك شوفيها.
نظرت نورهان خلفها ملقتش الترولي اللي عليه وعد.
نورهان : هما اخدوها فين؟؟!
ها.. اخدوها فين يا هشام.
اخدوا وعد فين... قوم هاتها منهم.
عايزين نروح بقى.
عمر اخدها في حضنه وهو بيبكي
نورهان : انت كمان بتعيط
وعد مماتتش يا عمر
وعد نامت وهتقوم الصبح تكلمني.
بس بكره مش هتروح النادي
عارف ليه؟؟
علشان هاني جاي.
هي قالتلي.. انا كنت عايزة اروح معاها بس هي مارضيتش.
تصرخ نورهان : متعيطوش وعد مماتتش.
وعد مماتتش يا هشام وعد مماتتش يا امل.
وعد مماتتش
يا عمر.. وعد مماتتش.
وبعد فقدت الوعي.
_______________
في شقة كمال ونادين
ياسمينه : خلاص بقى يا فيروز
انا من رأيي ترجعي بيتك واهو
وليد جه علشان يصالحك ويعتذرلك عن اللي قالته
مامته ليكي
فيروز : لا انا كان شرطي تيجي هي بنفسها تعتذر.
ياسمينه : قالك مش جايه
وهو مينفعش يجبرها على حاجه زي دي
ايه هتفضلي قاعدة هنا وسايبه بيتك.
مش جايه يا بنتي بقولك مش جايااااا افهمي بقى.
فيروز : وكرامتي؟؟!
ياسمينه تغمزلها : بكلمتين حلوين من وليد هتنسي
كل حاجه
فيروز : يا سلام !!
وايه لزوم الغمز دا؟؟
ياسمينه : علشان غبيه مش فاهمه حاجه.
فيروز : لا يا حبيبتي فاهمه دماغك كويس اوي.
ياسمينه : هههههههه طب
م تطلعي لجوزك وتلايميها
يا روزه.
فيروز : خايفه رجوعي بالشكل دا يقلل من كرامتي.
والحوار دا يتكرر تاني.
ياسمينه : مش هيتجوز يا فيروز
وليد بيحبك وانتي عارفه دا كويس
بلاش عند بقى.
فيروز : طب حلو الطقم دا اروح بيه.
ياسمينه تسقف : حلاوتك يا روزه
ههههههههههههه شوفي لون شفتشي غير ده.
فيروز : هههههههه هو انا رايحه فرح.. دا انا هلبسه تحت الهدوم.
ياسمينه : وفيها ايه علشان لما تخلعي الأسود
ده يبقى اللبس اللي تحت حلو كده ولونه جميل
فيروز : دا حلو صح؟؟
ياسمينه : حلو اخلصي بقى.
______