كنت واقفة بحيل مهدود مش مستوعبة اللي صار هل صح اني قتلتة مستحيييل نشوف فالارضية كيف كلها دم وكيف هو ملوح عالارض واني شادة شيشة المرش فيدي يلي كسرتها على راسة طحت من طولي عالارض واني نبكي بهسترية: لاااااا لااااا مستحيل اني نقتلة مستحييييل ياربي لااااا قربت عليه انت انت نووووض نكلم فيك بدت تخبط وتعطيه كفوف على امل انه ينوض بس هو كان في عالم تاني بححح مات
ناضت لبست وشاحها وطلعت تجري ويديها ملطخات بدم وتبكي موقفتش بكاء لييييين بووووووم💥
____________________________
قبل فترة
كنت مقعمزة اني وخوي نفطرو
حمزة خنب زيتونا منها وكمل ماكلة
وديان معصبة تكره فيها الحركة هدي :ياحيوان مش قتلك مليون مرة معاتش ديرها الحركة هدي😡
حمزة:ايه صح قلتي
وديان: به بدوما تعرف قلت علاش دير فيها
حمزة: ببساطة لأن اني نحب ام الحركة هدي وخدي توست متعها وناض يجري😂
وديان: اااه ياربي والله الفرخ هدا بيجلطني
حمزة من فم الباب: نعرف روحي طرف يجلط بس عيب عليك تتكلمي على خوك هكي حرام 😂
وديان: نحت كندرتها وحدفتها اقلب وجهك من هنايا وانت ماد وجهك زي الانثاية ياتيس
حمزة: عادي خير من يلي يمشي يعاكس في بنات يشبهو لي بوعجيلة جارنا ويفشك علينا
وديان: شن دخل هدا في هدا ياحمار
حمزة:ونبي بري لجامعتك وانت خبشت عندك الدسكة معاتش سكتي
وديان: ماه يفالح سيارتي فالورشة انت بتاخدني ووصلني فطريقك مرة وحدة 🙂
حمزة: اطلعي قدامي هي
وديان: نزهة لمي الطاولة ومادريش الغدي اليوم ارتاحي
نزهة: حاضر نضم الحوش وخلاص
حمزة: هيا الننم
وديان: باهي الصبر
طلعو ركبو فالسيارة
درس السيارة
حمزة: هيا انزلي وهاك فلوس خليهم معاك
وديان :عندي فلوس ماتخافش عليا خليهم عندك
حمزة: كان منخافش عليك على منو بنخاف
وديان: توا يدوب الثلج ويبان المرج😉😂
حمزة: انزلي وانت ماينفعش فيك شئ
وديان نزلت وهيا تضحك
حمزة بعد ما طمن عليها خشت حرك سيارتة وطلع
_________________________
فمكان تاني بعيد على وديان وحمزة
كان واقف على الروشن ويتفرج على المطر كيف تصب واااضح انه مهموووم هلبا شبح اخر شبحة الروشن سكرة ورجع يتمرن على امل يطفي النااار يلي في داخلة 🔥 تمرن اكتر من ساعتين وراء بعض لين جسمة فشل كان الملجئ ليه الوحيد هوا التمرين كان يقطي في اغلب اوقاتة وهو يتمرن 🔥
خشت عليه ملك: رضوان
رضوان بدون مايشبحلها حتا: خييير
ملك: انزل افطر لوطة
رضوان ماحبش يكسر بخاطرها وهي ركبتلة لفوق علشان تناديه: به ندوش ونضم اموري وننزل
ملك بأبتسامة: تمام نستنا فيك😊
طلعت وسكرت الباب
قعد يفكر ابتسم بوجع بس طبعا كالعادة ابتسامتة مادومش ثواني وتختفي ناض خش للحمام(حشاء القارئين ) خدي دوش بمياه مصقعة وطلع بدل وقعد واقف يمشط في شعرة 🤤 قعد يسرح فيه وبعدين بخ الصنة اللي يستعمل فيها ليه اكتر من سنتين
نزل لوطة
خش للصالة لقاهم مكعمزين عالطاولة يستنو فيه بدوما يفطرو
قعمز عالطاولة بعد ماصبح عليهم
منى: بتمشي اليوم مش على اساس خديت راحة
رضوان خدي رشفة من القهوة: مصارش طلع عندي حالات لازم نشوفهم
فطر وناض خدي جاكيتة وطلع
_______________________________
خليني نعرفكم عليهم الشخصيات خير ماتتلخبطو
وديان هدي تكون اخت حمزة امهم وبوهم متوفيين خوالهم من لبنان لأن امهم لبنانية وعمامهم قاطعوهم من لما اهلهم دارو حادث كانت حالتهم المادية فوق الريح بحكم بوهم كان عندا منصب فالدولة وهكي وخلالهم رزق يعيشو بيهم حتا احفادة وطبعا وديان مواليد 99 قصيرة طشة وضعيفة وشعرها لنص ضهرها وعيونها ملونات وبيضة زي الجبنة🙂 تقرا فالجامعة تخصص تقنية طبية
اما حمزة مواليد 94 متخرج من إدارة اعمال وعندا شركة يخدم فيها مرة يمشي وعشرة لااا وعندا معارض سيارات واتات ومحلات ايجار هدا لاش مش مدور الخدمة هلبا نقشة عالاشقر عيونة عسليات وطويل وحياتة كلها تفاهة وبرادة وضارب الدنيا كانشو مش معدل على حد لاكن عندنا اختة خط احمر لو كان حد وصل في اختة بينقلب لشخص تاني عندنا اختة فالدنيا وما فيها
__
___________________________
من جهة تانية رضوان
رضوان كان الشخص العصبي الغامض يلي قليل النادر مايتكلم طبعا هو شخص معروف هلباا افالبلاد لأن جرااح كبير يعتبر من احسن الجراحين وكأن عندا إسم وسمعة فالبلاد موصفاتة طويل شوي واسمر عيونا بني داكن وعندا ضربة في حاجبة اليمين زايداتة حلاوة وجسمة كلا معضل هلبا 🔥💔 مواليد 93 كلمتة فالحوش تمشي زي السيف
وراء كل هالغموض فيه قصتة هوا علاش بدي عصبي هكي توا تعرفوها
ملك هادي اختة مواليد 99 بنت طيوبة وكيوت هلبا نقشها عالاشقر قصيرة شوية وعيونها بني هافت قريب يولو عسلي تقرا تقنية طبية ومهتمة بنفسها هلبا وتحب خوها هلبا♥️
_______________________________
خشت وديان للجامعة وفيه عيون اتبع فيها
نور جتها تجري: باهي اللي شرفتي يا هانم المحاضرة رح تبداء
وديان: ونبي اسكتي المحاضرة رح تبداء حسستيني حاجة واو اصلا مش خاشة
سمعو حس وراهم تلفتو
_____________________
حمزة خش الشركة وهو يضحك صبحو عليه وخش للمكتب متعا
فجأة تلاشت ضحكتة 💥
__________________________
رضوان طلع من الحوش ومشاء المستشفى
خش لمكتبة وقعمز وكالعادة فتح الاب توب وبدي يخدم عليه لين طق الباب
اول ما خشت هو طول وقف 😡
_______________________
ملك وصلت للجامعة درست سيارتها ونزلت شبحت شخص وافف كان يشبه لشخص عزيز عليها هلبا لدرجة أنها كانا حتمشيلا لولا الصوت يلي سمعاتة
_____________________
حمزة خش وقعمز عالكرسي وتكلم ببرود: نعم خير سن تبي
شروق بدو انزل في دموع التماسيح: عطيني فرصة ثانية والله اني نحبك صدقني 😭
حمزة للحضة كان حيضعف بس لما دكر كيف هيا خناتة على خاطر الفلوس يعصب تكلم وهو قريب بيتفجر:اطلعي وسكري الباب وراك
شروق: اني ا
حمزة: قلت اطلللعييي 😡
طلعت وهي تنفخ
حمزة تنهد وحط راسة عالمكتبة
🔥🔥
_________________________________
يتبع ***
نعرف قصيرة لاكن والله مريضة ومقدرتش نكتب ♥️
الكاتبة: ♥️محبوبة القندوز ♥️
عطوني رايكم 🔥
