منيتي

١٨

في الجزء ياتري عمر حيقدر يقنع منيه انها تسمعه ؟

تلفوني رنه مشيت ارد عليه لقيتهم ناس البيت سلمته عليهم ... كان جات وحدي من البنات وقالت لي منيه ناس العريس وصلو قلت ليها أمشي قدامي بجي خلصت المكالمه لقيتهم استقبلوهم ... قلت لي فاطمة ماشة البيت عشان عندي حاجات دايراها قالت لي خلاص خلي هيثم يوصلك قلت ليها خليه بمشي براي وانا طالعه لمحت لي ولد بشبه عمر فما اخدت في بالي قلت ده واحد شبه مستحيل يكون عمر ... ومشيت لقيت هيثم منتظرني برا  فاطمة اتصلت عليه مشينا البيت غيرت ملابسي بسرعة وشلت حاجتي الدايراها وطلعت لقيت هيثم برا بتكلم بي التلفون وبقول ليه انتظرني جاي عليك ما ركزتة في كلامة وصلنا انا دخلته طوالي ... لقيت فاطمة قاعدة ومعاها بتين اديته حاجاتي قلت ليها دخليها لي وانا شلت منها حاجات ودخلته المطبخ ... وتاني يوم مع الجوطة ما قدرنا نلبس والعقد قرب فاطمة قالت لي بتصل بي هيثم يودينا نلبس في البيت ماحنقدر نلبس في الجوطة دي قلت ليها خلاص اتصلت بي هيثم قال ليها هو ذاته ماشي البيت لانه خلى اصحابة في البيت واسع راجع ليهم طلعنا  طوالي وبعد دخلنا البيت اسمع صوت زول بتكلم ذي صوت عمر اتاكدته انه انا بقيت اتخيله واسمع صوته مشيت البس وبعد لبسنا طلعنا لقينا هيثم براه  قال أصحابه مشو ركبنا ودانا الصالة طوالي اول ما دخلنا بنفتش في حتة نقعد فيها  بعد قعدنا شوية كده اصحاب هيثم اتصلو علية مشا ليهم قبل نهاية الحفلة قمنا نبارك هيثم نادانا داير يعرفنا علي اصحابة سلمنا عليهم وتاني سمعته صوت ذي صوت عمر اتلفته وراي لقيتو عمر وفي نفس اللحظة هيثم ناداه جا بس مالي هيثم جا علي وهو بضحك كأنه مامصدق دي انا وبقول لي منية انتي هنا؟ الجابك شنو .وجيتي مع منو؟ وديل منو . وعلاقتك بيهم شنو ؟
  انا كنت مافاهمة حاجة وعلاقة عمر بي هيثم شنو ؟ وبعرفو بعض من وييين ؟؟؟؟؟ وفي نص سرحتي وتفكيري  فاطمة بقت تهز فيني عشان ارد عليها هي بتسأل عمر ده منو وبعرفو من ويييين .....