"الجزء الثانى"😍😍
**مهاب اتغدى مع مراد و عقله مش قادر يستوعب اللى هيعمله ده صح ولا غلط
مهاب : قولى يا مراد يعنى اسر بيعمل ايه ف حياته
مراد : اسر كان تقريبا شطب شقته اللى عندى ف العماره و لما ساب خطيبته
قعد فيها بس بعد ما غير كل الديكوات
و مبقاش يقعد معانا ابدا
حياته كلها مقتصره على نفسه
بيقرأ و بيشتغل ف شركه تانيه انت متخيل ساب شركة ابوه اللى هى شركته و بيشتغل عند الناس
مهاب : يا مراد دى حاجه متزعلكش ابدا ، هو يمكن حابب يكسب خبره
مراد : انا مبقتش فاهمه صدقنى ، و الله هو مش وحش و الا مكنتش طلبت مليكه ليه
هى بنتى برده بس هو محتاج حد ياخد ب ايده مش اكتر
مهاب : خلاص انا هقولها و اخد رأيها ، و اعمل حسابك هتيجى تتغدى معانا بكره
مراد : ان شاء الله ، والله ديما أميره تقولى مافيش زى اكل منى ابدا
مهاب : و هى عامله ايه ؟
مراد : اميره كانت زى الورده المفتحه بس من بعد ما سهى سافرت و اسر انعزل عننا و هى بقت دبلانه و ساكته و مبتبطلش عياط
مهاب : لا حول و لا قوة الا بالله
** كملو قاعدتهم و المغرب كان مهاب روح بيته و قعد مع منى و حكى لها على كل حاجه
منى : يا نهار ابيض يا مهاب انا روحى ف مليكه عايزنى اجوز بنتى ف القاهره لا و ايه
ل اسر اللى كاره حياته
مهاب : يا منى يا حببتى مراد و اميره هيكونو ام و اب لمليكه
و مليكه ربنا يصلح حالها عاقله و ودوده و هتخلى الكل يحبها و هتفرحهم
و اسر ابن حلال دا تربيه مراد
مشكلته انه مصدوم بس مش اكتر
منى : طب و انت هتقول لمليكه دا كله
و لا ايه
مهاب : طبعا لازم اقولها كل حاجه ، الاب و الأم لازم يقولو لبنتهم كل حاجه يعرفوها عن الشخص اللى هترتبط بيه
و هى ليها حريه القرار اذا كان يناسبها او لا
و ايا كان اختيارها صح او غلط ف لازم ندعمها ف الحالتين
منى : ربنا يقدم اللى فيه الخير يارب ، بنت انت عارف انه مبيعجبهاش العجب
مهاب : لا بنتى عاقله و واعيه لتصرفاتها و مبتحبش تاخد اى خطوه مش مقتنعه بيها ارضاء للناس
لا هى بتعامل ربنا و مبتفكرش ف كلام حد
** التلات وجبات لازم يقعدو كلهم سوا
و كل واحد فيهم يحكى لهم يومه كان شكله عامل ازاى دى كانت تربيه منى و مهاب لولاده
و بعد الاكل مهاب طلب من مليكه انهم يتكلمو ف البلاكونه شويه
مليكه : الشاى بتاعك اهوه يا بابا
مهاب : تسلم ايدك يا حببتى ، اقعدى عايز اتكلم معاكى شويه
مليكه : حاضر يا بابا ، خير
مهاب : خير يا حببتى ، بصى عمك مراد طلب ايدك ل ابنه اسر و انا بصراحه شايفكو مناسبين لبعض
