،
"البـارت التاسع"
رواية غرامك يالخفوق ذبحني هآت حضنك يحتويني/بقلمي .
،
مالي أحدق في المرآة ..أسألها..
بأي ثوب من الأثواب..ألقاه
أأدعي أني أصبحت أكرهه ؟
وكيف أكره من في الجفن سكناه؟!
وكيف أهرب منه ؟ إنه قدري
هل يملك النهر تغييراً لمجراه؟
*نزار قبّاني .
،
عُمر استخدم هالرقصة بداية تمهيدية
"لعَالم الإنتقام ..!"
يسمعْ صوت ضربات كعبها بالأرض
كان لابس بدله رسميه ..
منزل الجَاكيتْ .. ومشمّر اكمام قميصه
ابتسم بخبث قال : والله لا اخليّك تندمينْ ..!
شُموخ وصلتْ عند الباب..
قلبها يدق طبول.. متوتره
تحس انفاسها كل مالها تضيق
عُمر ينتظرها .. اكيد مجهز ليلة رُومانسيه !
أو مُفاجأة ..كثير أشياء تتوقعها
غمّضتْ عيونها شاقه الإبتسامه
رفعتْ يدها تطق الباب..
إنفتح على طول ..من قبل العَاملات
منزله راسها مستحيه
تمشي بخطوات ثقيله ..
يدينها متماسكه ببعض تخفي توترها
عُمر استقبلها بطريقة مَلكيه
كإستقبال الأمير للأميرته ..
مد يده ، بإبتسامه سَاحرهـ
خطفتْ قلب شُموخ .. تجاوبتْ معه
قال : اهلاً بزوجتي العَزيزة هل تسمحين لي
برقصة معكِ ..؟
شُموخ مدتْ يدها ألقت التحيّة
ناظرتْ بعيونه بكل ثِقه
ثقَالتْ : اهلاً بك زوجي العَزيز
يُشرّفني ذلك ..
عُمر قرأ الثقه بعيونها
ابتسمْ .. ثم سحبها لحضنه
شُموخ ماهي قصير .. فطولها اقل بسنتمرات
من عُمر .. اي توصل لرقبته
ناظرت بعيونه .. ماهي لاقيه تفسير
لهالنظره ..!
هل هي إعجاب أو حُب ..!
هذا اللي قدرتْ تستنجنه شُموخ
وفي الحَقيقة نظرات عَاشقه مُزيفه
بقناع الإنتقام..
عُمر مسك يد شُموخ اليسار حطها على كتفه
ومسك بيده اليسار يد شُموخ اليمنى..
يده اليمنى ثبتها بقوة على خصرها العَاري..
قرّبها لعنده اكثر .. صَارتْ انفاسهم مُختلطه
إبتدت المُوسيقى
شُموخ بدت تمشي بخطوات خفيفة وثقيله
متماشيه مع عُمر بأريحيه ومرونه اكثر
عُمر ما نَزل عيونه عنها..
تذكر لحظة إعجابه بهالعيون
لكن سرعان ما تغير هالإعجاب
الى الإنتقام ..!
يشوف وجهه نَاصر قدامه
يحسْ بالقهر والحقد أكثر
أنفاسه سريعة..
شد على خصرّها بقوّة..غرز إظفره
بدون لا يحسْ على نفسه..!
شُموخ تألمت وتحملت شوي
فسرت حركته .. انه خايف عليها
لا تطيح ..لكن الوضع زاد عن حده !
خستْ خصرها شوي وبنكسر ..'
حستْ بألم فضيع .. ماتحملتْ اكثر
شالت يده بسرعه عنها
قالت : آاااه عوّرتني .. شفيك انتْ !!
عُمر سحب يده بسرعه .. استوعب الوضع
لهالدرجة شعور الإنتقام اعماه ..!
قال : آااسف حبيبتي ما انتبهت .. بسم الله عليك
وريني وش فيك ..
جثى بركبته على الأرض ..
شُموخ كانتْ واقفه تحاول تشوف الجرح
اللي سببه بخصرها ..
قالت بنفسها " وش حدني على هالفستان
ليتني مالبسته دام هذي بدايتها اجل وش تكون
نهايتها ..! "
حابسه دمعتها لا تطيح ..
حستْ على أصابع يده .. تلمس خصرها
بلعتْ ريقها ..حابسه انفاسها..
كان نزف شبه بسيط مسحه بطرف إصبعه الإبهام
برفق عشان ما تتألم .. ثم بَاس مكان الجرح
بقبله مُطوّله ..
شُموخ قشعر جسمها .. حمّر خدها
حاسه بإحراج من جرئته
سحبتْ نفسها منه..
قالت : خلاااص ..
عُمر سحبها لحضنه قبل ماتبعد اكثر
حاوطها بيدينه .. صارتْ ملاصقه لصدره
قالت : وش اللي خَلاص لِسه ما انتهينا من الرقص
شُموخ توترتْ اكثر ..
قالت : اوكِ بس شوي شوي علي
عُمر : أبشري حبيبتي لا تخافين هالمره ..
بكون لطيف معك اكثر ..
شُموخ ناظرتْ فيه ثم نزلتْ عيونها لصدره
لما بدا يقرّب وجهه اكثر منها
غمّضتْ عيونها.. تنتظره
عُمر إبتسم بخبث .. عَارفها وش نيتها
بَاس جبينها ثم ابتعد عنها
شُموخ .. خاب ظنها إنه يقبّلها
عضتْ على شفتها السفليه بقهر..
عُمر أخفى ضحكته لما شَافها
قال بنفسه " إنسي يا بنتْ نَاصر "
إبتعد خطوة للخلف ..كرر نفس الحركات
أشر لهم بتغير المقطع ..لمُوسيقى قصيره
شُموخ ناظرتْ فيه باستغراب
قالت : ليش غيّرتها اللي قبل احلى..
عُمر نَاظر ساعته ..
قال : حبيبتي الوقتْ مايسمح عندي شغل مُهم
لازم انجزه
شُموخ : أوكِ على راحتك .. بس لا تشد علي
عُمر ضحك : ههههههه ماراح اشد
تطمني بكون لطيف معك ..
بدأت الرقصه ..
عُمر نظرات الإعجاب برقص شُموخ
قال : من متى صرتي تعرفين رقص التانغو ؟
شُموخ : من لما كنت في لندن ادرس ماستر
كنت اروح اخذ كورسات رقص
بوقت البريك..
عُمر رفع حاجبه بإعجاب وبخبث
قال: حلو تستغلين وقت فراغك
مين كان مدربك وقتها ؟
شموخ فهمت قصده ورفعة نبرة
صوتها شوي بدلع
قالت: كانت مدربتي الخصوصيه ديانا
ساكنه قريبه من بيتي
وكنت اخذ كورساتي عندها..
عُمر بنظرة شك متقصدها.. لأجل يختبرها
قال: حلوه الخصوصيه ذي ..!
اللي اعرفه رجال هم اللي يدربون الحريم
ومركز مختلط ..!
شموخ ماعجبها كلامه
وكأنه يلمح لشي ...!
وحطت عينها بعينه وبثقه
قالت : صحيح كلامك ان اغلب المدربين رجال
لكن مدربتي ديانا هذي خالة صديقتي
وعرّفتني عليها وبعدها بديتاخد الكورس معها
في بيتها وكانت هي من اشهر الراقصات في
زمانها واعتزلت وصارت تعطي دروس خصوصيه
فأنا محظوظة جدًا اني من احد تلاميذها ..
عُمر شاف الثقه بعينها وبإبتسامة إعجاب
قال:والله طلّعتِ اشطر تلميذه برافو عليها
هالديانا خرّجت وحده فنّانة بالتانغو..
شُموخ بغرور : ايه من قدي بس
عُمر : محد قد حبيبتي ..
شُموخ استحتْ ..
عُمر : أموت على المستحين والله
شُموخ حمّرتْ خدودها اكثر ..
وقررت تسأله ..
قالت : حتى انت شاطر برقصك ماشاء الله
حبيت اسألك شلون تعلمته من معهد صح ؟
عُمر ابتسم على سؤالها ..
لأنه بيقهرها بالإجابه عنه ..
قال : حلو دامك سألتيني بجاوبك على سُؤالك
شُموخ : تفضل اسمعك ..
عُمر إبتسم يناظر بعيونها ذابحها الفُضول
لأجل تعرف ..!
قال : كنت في مسافر سياحة
مع احدى زوجاتي السابقات ...
للأرجنتين طبعًا مايحتاج اقولك عنها
كثير دام الأرجنتين اصل رقصة التانغو
عرض علي واحد اني ارقص مع زوجتي
وقلت اسمحلي ما اعرف ارقص ..!
قالي مب مشكلة احنا نعلمك
قلت شلون بهالسرعة بتعلم !
قالي لا تطمن سهله بس يبي لك تركيز
قلت اجل قدام .. وتدربت معه
انا وزوجتي وتعلمنا الرقصه
والى يومك هذا ما نسيتها..
شُموخ اشتعلت نار الغيرة بقلبها
من طاري زوجته القديمة..
صحيح طلّقهن .. بس ماهي حلوة بحقها
وبليلة العُمر ..!
يجيب طاريهن عشانه يقهرها
او هذا أسلوبه مع كل حريمه ..!
ما احترم مشاعرها حتى ..
تمنتْ انها سكتت ولا سألته هالسؤال
عشان تلقى اجابه مافكرت فيها
إنها مُمكن تجرح مشاعرها ..
ماقدرتْ تكتم غيضها وغيرتها المُشتبّه
قالت ببرود : اها حلو زوجي العزيز عُمر
يستفيد من سفراته مع زوجاته
برافو والله.. ولا يحترم مشاعر زوجته الجديدة !
سحبتْ نفسها منه ..
لكن وقفها صوته : تعالي لايكون زعلتِ .!
شُموخ بإبتسامه مكسوره
وهي تخفي قهرها وغيرتها..
قالت : تسألني بعد اذا انا يهمك زعلانه ولا لا..!
عُمر سحبها لحضنه ..بعد مقاومتها له
هو تغلّب عليها وثبّتها
قال : انا آسف حبيبي .. مايهون علي زعلك
بس تدرين انتِ ماوافقتِ علي
الا انك عَارفتني زين صح ولا لا !
شُموخ بلعتْ ريقها..صدتْ وجهها عنه
ماتبي تشوفه او بالأصح يشوفها !
ولا ردتْ عليه .. لأنها عَارفه من قبل
عُمر إبتسم بخبث .. شاف هالوقت المُناسب لأجل
يفجّر قنبلته بوجهه شُموخ
قال: افهم من سكوتك إنك عارفتني تمام المعرفه
حُلو ..يا سِتْ شُموخ.. ودامك عَارفتني
اكيد عَارفه ان عند السيّد عُمر قوانين
خاصة بجميع زوجاته ..
شُموخ ناظرت فيه بإستغراب
قالت : اي قوانين تقصد !
عُمر ابتعد عنها .. اشر للعَاملة تجيب الملف
ثم اشر لشُموخ تجي عنده
قال : هذا الملف فيه جميع القوانين مفروض
على الزوجة الإلتزام فيها
وماتخل بأي قانون ..!
إن اخلت راح أعاقبها
بطريقتي الخَاصة..
شُموخ واقفه مصدومه منه ...
"اي ملف وكلام فاضي قاعد تقوله ..!"
تناظر بالطاولة مزينه بالورد الأحمر
الشموع العطرية ..
ضحكتْ على حَالها بسُخريه
ظنتْ انه ..عشاء رومانسي ينتظرها
يتناولون اطراف الحديث وانواع الغَزل
بداية التعارف بينهم ..
غير انها ميّته من الجوع
لكن صدمتها انستها الم الشعور بالجوع!
كل تخيلاتها عن هذا اللقاء كيف بيكون
تبّخرت تمامًا مثل حفلتها اليوم
هاليوم تعتبره يوم الصدمات !
اكبر صدمه هالقوانين تنتظرها ..!
عُمر ظل يراقب ردة فعلها
واضح له انها مصدومة
سحب لها الكرسي بهدوء..
قال : تفضلي سيدة شُموخ ..
شُموخ من الصدمة جلست ببطئ
تنتظر قنبلته وش مخبيّه
حط الملف قدام عينها ...
ثم جلس على كرسيه
حط رجل على رجل واشر لها تفتح الملف
قالت: افتحي هذا الملف واقري القوانين بتمعن
تلقين آخر الصفحه
ورقة عَقد او اتفاق اللي تسمينها..
هالورقة تكون بيني وبين جميع زوجاتي
يلتزمون فيها ...اتمنى تقرينها
وتفكرين فيها قبل لا تعطيني رأيك..
شُموخ يدها ترتجف لما مسكت الملف
متوترة ..خايفه يصدمها
جت ببالها افكار سيئة
من ضمنها فكرت ان في هالملف
ورقة طلاقها ..!
مافكرت بشي ثاني ابد
عُمر قام من مكانه ،تركها على راحتها
قبل لا يطلع .. التفتت عليها
قال : لك ساعة وحدة بس تفكرين فيها
بعدها تعطيني قرارك ..اوكِ
شُموخ بلامبالاه هزت راسها بالإيجاب
ماقدرتْ تنطق حرف حتى ..!
طلع من الغرفه بهدوء يسبق العَاصفة..
سحبتْ يدها من الملف ..
خافتْ اكثر ..جلست تفرك بأصابعها
ماهي قَادرة تتجرأ تفتح الملف
قالت :ياااربي وش اللي جبته على راسي
هذا شكل راسه يابس ..!
تتذكر كلام غِيْد لها يرن براسها
"صدقيني راح يكسرك مثل ماكسرغيرك "
"صدقيني راح يكسرك مثل ماكسرغيرك "
ماتبي تصدق ..هالحقيقة
ناويه تغيره ...هي واثقه من نفسها
إنها راح تكون الزوجة الأخيرة لعُمر
حبته من اول نظرة ..إبتدأ هالحُب قبل سَنتين !
أيام تطوّعها لجمعية ابوها الخيّرية في أفريقيا
بغض النظر عن حَالته الإجتماعيه
كبر هالحُب معها يوم ورى يوم...
لدرجة اقنعت نفسها
وبيقين تام إن هذا هو شَريك حياتها ..!
صَار اللي تبيه .. لكنْ صدمتها
الحَقيقة المُرّة ..!
لملمتْ شتات نفسها بهالأمل المتمسكه فيه
مسحتْ دمعتها العَابرهـ...
ثُم أخذتْ نفس عميييقْ
رجعتْ قليل من ثقتها المُبعثرة .. إبتسمتْ بتحدي
قالت : اوكِ بتحمّل مصيبتي وبشوف وش نهايتها
معك يا عُمر ..!
فتحتْ الملف بشجاعة ..أول صفحه
مُخلص عَام لسيرة عُمر الذاتية
~
الأسم :عُمر بن عبد العزيز آل ...
العُمر: 37سنة
الوريث الوحيد لرجل الأعمال الشهير عبد العزيز رحمه الله
الأم : سمو الأميرة نجد بنت مساعد آلـ....
زوجها السابق :الأمير ماجد آلـ....
الأخوة : سمو الاميرة نوف بنت ماجد آلـ.. متوفاة
اثر حادث مرور في لندن مع زوجها الأمير محمد..
وحيدتها :سمو الأميرة هنوف بنت محمد ال..
متزوجه من رجل الأعمال فهد ال...
غير الأملاك التي يرثها من والدة
فهو صاحب فنادق العُمر بجميع فروعها
في انحاء العالم وعضو في مجلس الوزراء ..
ظهر بمجلة Forbsالشهيرة ...
حيثُ يعد من أكبر المستثمرين بسن صغير تحت
الثلاثين من العمر حاصل على درجة البكالوريوس
والماجستير في إدارة الأعمال
من جامعة كالفورنيا و حاصل على
دكتوراة فخرية من جامعة هارفارد تقديرًا لمجهوداته
ومساهمته في بناء مدارس لتعليم
الأطفال في جنوب افريقيا ودعمه المُستمر لهم ..
~
هنا شُموخ صدع راسها وهي تقرا انجازاته
واوقافه الخيريه .. تشوفه ماهو شي جديد عليها..
قلبت للصفحة الثانية..
توسعت عيونها مصدومه طاحت عينها على
سيرتها الذاتية ..!
قالت: هذي سيرتي الذاتية وش جابها هنا!
يُمّـه مايضيعْ عنه شيء ... معقولة
يطلّع كل شي يخص حريمه ..!
صدق ينخاف منه ومن هالخَطابة أم مطلق
كل صغيره وكبيره طلّعتها عنّي
اجل وش بتكون قوانينه ..!
بدأت تقرأ سيرتها الذاتية
~
الأسم : شموخ بنت ناصر الـ..
العمر : 26 سنة
الأب : رجل الأعمال ناصر بن سلمان الـ...
الأم : نورة بنت عبد الله الـ..
حاصلة على شهادة البكالوريوس وماجستير
من جامعة كامبريدج
بتقدير مُمتاز والأولىٰ على دفعتها ..
حاصلة على عدة شهادات شكر وتقدير لمجهوداتها
ومُشاركاتها التطوعية في جَنوب أفريقيا..الخ
~
قلبت للصفحة اللي بعدها ...
توسعتْ عيونها بدهشة ..رمشت عينها
قالت : حشى ماخذني جاريه عندكْ ..!
"القوانين الخَاصّة بزوجة السيّد عُمر "
ويجبْ عليها الإلتزام بها بعد المُوافقة عليها
بجَميع شُروطها ..
من ضمنها :
-على الزوجة الإلتزام بمُناداة الزوج بالسَيّد عُمر
-عند التحدث مع السيد يجب على الزوجة التواصل البصري
-يُسمح للزوجة زيارة الأهل مرتين فقط في الشهر
بالإضافة الى اخذ اذن الزوج قبل ذهابها والأمر كذلك يشمل
صديقات الزوجة ..
رفعتْ حاجبها بإستحقار
قالت : بس هذي اللي ذلّيتني عليه صدق
مريض نفسي وقليله عليك كلمة حَقير.!
قرأت البقيّة عالسريع ...كانتْ حقوق الزوج والزوجة
لكن وقفها قانون صدمها...جلطها
خيّب كل ظنونها .. حطم الأمل اللي كانتْ
متمسكه فيه ..!
كسرها .. كسر، ماكنتْ متوقعته
ولاجاء ببالها 1% أنه مُمكن يصير ...!
قرأتْ بصمتْ .. حابسه غصّتها
-على الزوجة الإلتزام بأخذ حبوب منع الحمل طول فترة الزواج
ويجب عليها أن لا تُخالف ذلك لأنه سيتم الكشف عليها كل
اسبوع إن وُجد حمل سيتم أخذ الإجراءات اللازمه..
ماقدرتْ تتحمل من الصدمة ..إنفجرت
قالت : ياربي هذا مجنووون ولا مريض نفسسي استغفر الله ..
فيه احد عَاقل وصَاحي يمنع الحمل عن زوجته
والله مو من حقه !!
ياويله من ربي ... حرااام اللي يسويه فيني ..!
والله حرااااام ...
الناس تتمنى الضنا وهذا يحرم نفسه من الضنا
ياربي لا تسلط علينا من لا يرحمنا
معقوله حريمه كلهم موافقين على
هالشي شلوووون..!ابي افهههمم
شلووون رضوا فيييه ..!
جلست على الكرسي ماقدرتْ تمسك نفسها
حستْ ضغطها قاعد يرتفع
تحاول تستوعب هالقوانين ..!
حستْ ريقها نشف من كثر ما صارختْ
اخذتْ كوب المويه .. جربته جُرعه وحدة
تلقط انفاسها بسرعه ..
غمّضت عيونها .. مسكت راسها
قالت : الحمد لله على نعمة العقل ..!
فيه احد مايبي عيال على هالكبر !
مين الصَاحي اللي مايببي العَالم تسافر بكل مكان
لأجل الضنى وهذا الشااايب بكل بروود مايبي
استغفر الله العظيم .. انا الحماره
اللي حبتْ هالشايب .. ليتني ما التقيت فيه
ولا شفته ولا اعرف عنه شي..
الله ياااخذني بسس ..!
،
إلى هنا نتوقف
"نهاية البارت"
قِراءة مُمتعة للجميع.
