شلـونكـم يـ داده؟
الأسـم.. آيـة
لقبـي.. تويتـي.. تويتـة..🌝
اختصـاص.. علمـي
احب طب الاطفـال 😻
واحب الطب البيطري
بـس اعـرف بروحي ما اطلع هيـچ معدل..
فـ اما صيدلـة او طب بيطري ان شـاء الله 💜
وان شـاء الله اكون متـرجمة افـلام🙂💜
احب اتعلـم اللغات الانگليـزية والتركيـة
احـب الترجمـة کـلش
اني انسانة تحب تعيش..تحب تحس بكل لحظة بحياتها..
ماحب اگظي حياتي بچي ولطم ع اتفه شي
مااحب اضوج نفسي ع مود اي بشر ولهل سبب ما اثق بأي احد
صديقة الكل بس الناس الي اثق بيهم ينعدون ع الاصابع..
احب الاكل والسفر والونسة
احچي هواي و اضحك بصوت عالي
مااحقد ع احد لدرجة يمكن اسولف واضحك مع شخص اني متزاعلة ويا وبعدين يلا اتذكر انو اني ماحجي ويا..
بمجرد اسمع اغنية احبها اندمج وي الاغنية وارگص ع انغامها واغني
عفوية واحچي الي بگلبي..هالشي سببلي هوايي مشاكل
جبااانةةة كلش واكثر شي اخاف منه الصوت العالي والصوت الي ما اعرف منين مصدرة والبزازين اكيد..
بعض الاحيان يصير فهمي بطيء بصراحة يعني الله يساعد اهلي علية
كسوووللللةةة هوايية بگعدة الصبح بس مع هذا ما احب اتأخر بگعدتي اقصى شي ممكن انو اگعد ب11 ونص وهاي حتى لو منايمة اني لازم گاعدة قبل هالوقت
اكررررههههه الشخص الي طول ما هو يحچي وياك يمدح بنفسة ويهمبل اوويييلييي لازم اختم الكلام وياه بعركة ومكافش مااا اتحممل هلمناااذج اببببددد
اكثر شي اكرهة بحياتي هي كلمة "ضوجهة" كلش تنرفزني احسها عيب
يعني ليش الواحد يضوج وهو شبعان ودفيان وفوگ راسة سگف يحمي؟!گول الحمد لله واستمتع بحياتك ياخي الحياة مستمرة لا تگضيها مبوم ومبرطم
احـب اقـرأ قصص..
بـدء حبـي للروايات بـ2014اعتقـد.. بس چنت اقرة قصص بالفيس مال امي بگروب بنات.. چانوا ينشرون بارت واحد والبقية بالتعليقـات شلعان گلب يعني..
ف تصيـر هوسة بالتعليقـات وما الگـة البارتات بالتسلسل
گمت اكتب اسم القصة بالگوگل وتطلعلي القصـة چنت اشوف برنامج الواتباد بس مااعرفه شنو چان شي مجهول بالنسبة الي..
ومن قصـة لقصـة لحدمـا بيـوم يوتيـوبر عراقيـة اسمهـا أيـو ام دي حچت ؏ تطبيـق اسمـة واتبـاد تطبيق خاص بالروايات وهيـچ وگالـت انو عدها روايات بي.. عاد اني ما صدگت رحت للمتجـر طلقة نزلته.. واجهت صعوبة بالبداية مچنت اعرف اعلق ولا اتابع تعلمتله لوحدي..
اول قصة بالواتباد اقراها اتذكـر چانت المراهقـة والاربعينـي..
لأن هواي يحجون بيها بالگروبات وصار عندي فضووول اقراها
قريت هواي قصص لزينب ماجد.. بعدها گلبت لزهراء العراقية شيخ الشباب و وكوومة قصص الها تجننن بعدها قريت لكوومة كاتبات منهن عبرات العبادي وريام هادي و لبنى الموسوي و الاء(ام غايب الله يرحمها) ومريم السعدي ولگيت نفسي ادمنت القصص😻💜
يمكـن تلگـون الكلام الفوگ ممتانسق او ماكو ربط بي..
#غلسـوا
بس حبيت انو اعرفكم ع نفسي بالحياة الواقعية😁
