💕أنت قلبي٢💕

الحلقة ٢٤

#انت_قلبي٢
#بوسي_مصطفى
_______________

الحلقة ٢٤

سهر : خلاص يا اسر علشان خاطري اهدا بقى
كوباية مياة ل بابي بسرعة يا مليكة.
مليكه : حاضر
وخرجت مليكه بسرعة دخلت المطبخ.
اسر : استفزني.. قال ايه عايز ملك تعيش معاه.
دا بعده هو وهي.
سهر : هي هايدي اللي بعتاه؟؟
اسر : امال جاي من نفسه يا سهر
ما اكيد هي اللي بعتاه.
مليكه : اتفضل يا بابي
اخد اسر كوب الماء من مليكة.
ملك نازله جري على السلم تدخل المكتب.
ملك : بابي ممكن اعرف حضرتك طردت عمو صلاح
ليه من بيتنا؟؟
اسر بغضب : ممكن متجبليش سيرة الراجل ده
ملك : بس هو كان جاي...
يقاطعها اسر مرة تانية وهو بيزعق : قولتلك بلاش السيرة
دي مش عايز اسمع أي حاجه
واتفضلي بقى لو سمحتي على اوضتك.
ملك : انا عايزه اعرف هو أنا ايه لازمتي في البيت ده
طالما محدش عايز ياخد رأيي في أي حاجه.
هو دا مش حقي اقعد في المكان اللي ارتاح فيه.
سهر قربت من ملك.
سهر : ملك ممكن تأجلي كلام في أي حاجه علشان
بابي تعبان دلوقت ومش حمل المناهدة دي!!
ملك : وحضرتك بقى أي موضوع من حقك تتكلمي فيه
وانا أي موضوع مليش حق اتكلم فيها حتى لو كانت حاجه تخصني ؟؟!
اسر بغضب : ملك اطلعي اوضتك .
ملك : حاضر يا بابي علشان انا بس خايفه على صحتك هنأجل
كلامنا دا لوقت تاني.
وخرجت ملك من المكتب.
سهر : مليكه روحي جامعتك يا حبيبتي.
مليكه : حاضر يا مامي
طبعت قبله على خد اسر وسهر وطلعت اوضتها تلبس.
سهر جات وقعدت جنب اسر
ومسكت ايده علشان يهدأ لإنه كان منفعل.
سهر : اسر الدكتور قال ايه؟؟
اسر : غصب عني يا سهر انتي مش سامعه البيه
دا جاي عايز ايه
لأ وكمان بيهددني !!
سهر : خلاص يا حبيبي متاخدش
في بالك ولا هيعرف يعمل حاجه.
اسر : متنسيش يا سهر إن ملك بقيت متعلقه ب مامتها
وهي دي المشكلة.
مبقتش مشكلتي مع هايدي خالص دلوقت.
سهر : انت قولت قبل كده لو منعتها هتعند اكتر.
اسر : سهر الحوار دا قبل ما هايدي تتجوز لكن دلوقت
ازاي اسيبها براحتها تروح هناك
وتبات عند الراجل دا
تخيلي كده اعصابي والليلة دي هتعدي عليه ازاي
وايه اللي ممكن يجي في دماغي وقتها مينيمنيش
الليل كله.
اكيد فاهمه دا كويس يا سهر.
سهر : فاهماه علشان عيشته يا اسر
يمكن لو كان بابا عايش وفي نفس وضع ملك كانت
حاجات كتير تغيرت.
بصراحه انا محتاره زيك ومش عارفه انصحك ب ايه
اقولك سيبها براحتها وهي مسيرها تزهق لوحدها
بس خايفه عليها كمان
ولا اقولك امنعها ووقتها هتكرهنا كلنا وممكن تهرب
من البيت.
اسر : مفيش حاجه من دي هتحصل متقلقيش
واللي عايزاه هايدي دا في أحلامها إنه يتحقق.
__________

في الجامعة
سيف : انا قولت إنك مش جايه
ايه العربية عملتها معاكي ولا ايه؟؟!
مليكه : لأ العربية كويسه.
سيف : في حاجه يا مليكه انتي كويسه
مليكه : الحمد لله
سيف : بابا وماما واخواتك بخير.
مليكه : الحمد لله
كلنا بخير.. متقلقش معلش عندي محاضرة.
سيف : خلاص اوك لما تخلصي هكلمك علشان
اطمن عليكي.
مليكه : اوك.. سلام
سيف ببتسامة : مع السلامة.
حمزة ينادي علي سيف مردش
قرب منه.
حمزة : سيف... انت يا ابني
سيف : ها.. في حاجه يا حمزة؟؟
حمزة : بنادي عليك انت كنت فين؟؟
سيف : كنت فين يعني ايه؟؟
حمزة : اقصد سرحان في ايه
سيف : مفيش
حمزة : طب مش هتحضر المحاضرة ولا هتفضل
واقف عندك كده؟؟
سيف : هحضر طبعا يلا بينا.
________________